Jimco, July, 27, 2018 (HOL)– Guddiga
Doorashada Pakistan ayaa sheegay in cayaaryahankii hore ee isku beddelay
siyaasaiga, Imran Khan, uu ku guuleystay doorashadii baarlamanka ee dalkaas ka
dhacday, hase yeeshee xisbigiisa uusan helin codad ku filan si uu dowlad usoo
dhiso.
Ku dhawaaqistan ayaa timid saacado kadib markii Khan uu sheegtay in
xisbigiisa PT uu ku guuleystay doorashada.
Khudbad laga sii daayey taleefishinka oo uu guushiisa ugu dabaal-dagayey
ayuu Khan ku ballan-qaaday inuu wax ka qaban doono musuq-maasuqa, isaga oo
is-beddel ku sameynaya habka maamul ee dalkaas.
Dhammaan xisbiyada la loolamayey xisbiga Khan ee PT ayaa tuhunsan in codbixinta
la musuq maasuqay, ayada oo loogu eexanayo Khan, eedeyntaas oo guddiga
doorashada Pakistan uu beeniyey.
Guddoomiyaha guddiga Sardar Mohammad Raza ayaa aad u difaacay hannaanka
doorashada oo uu sheegay in 100% uu ahaa mid sax ah oo aan wax qalad ah ka
dhicin.
VOA
