Arbaco, July, 18, 2018 (HOL)- Guddoomiyaha Baarlamaanka Soomaaliya ahna
ku-simaha madaxweynaha Maxamed Mursal
Sheekh Cabdiraxmaan ayaa maanta xafiiskiisa ku qaabilay Safiirka dowladda
Qadar ee Soomaaliya Amb. Xassan Xamza.
Kulanka guddoomiyaha iyo safiirka sidoo kale waxaa qeyb ka ahaa saraakiil ka
tirsan Safaarada Qadar ee Soomaaliya.
Labada dhinac ayaa ka wada hadlay xoojinta xiriirka labada dowladood
iyo sidoo kale kulanka waxa loogu hadlay wada shaqeynta baarlamaanada
labada dowladood ee Soomaaliya iyo Qadar iyo sidii loo
xoojin lahaa.
Safiirka dowladda Qadar ee Soomaaliya Amb. Xasan Xamza ayaa guddoomiyaha
golaha shacabka uga mahad celiyay sida diiran ee uu xafiiskiisa ugu soo
dhaweeyay.
Ku-simaha Madaxweynaha JFS ahna guddoomiyaha golaha shacbaka Mudane Maxamed
Mursal Sheekh C/raxmaan ayaa sheegay in dowladda Qadar ay kaalin weyn ka
qaadaneyso hormarka dalka ka socdo.
” Dowladda Qadar waxa ay qeyb weyn ka qaadaneysaa hormarka dalka ka socdo,
barnaamijyo hormarineed oo shacabka wax weyn u tari doono mustaqbalka ayay
dalka ka wadaa” ayuu yiri guddoomiyaha golaha shacabaka.
Guddoomiyaha ayaa safiirka kaga mahad celiyay dadaalada uu ku xoojinayo
xiriirka labada dowladood iyo labada baarlamaan.
C/raxmaan
Diini, Hiiraan Online
[email protected]
