8/3/2021
Today from Hiiraan Online:  _
Wararka Maanta- Axad, July 15, 2018
Nalal ku shaqeeya cadceedda oo la geeyay xaafadda la dejiyay qoysaska kasoo laabtay Dhadhaba ee Kismaayo




Axad, July, 15, 2018 (HOL)-Midnimo oo ah xaafad ay ku noolyihiin 1,100 qoys oo isugu jira qoysaskii kasoo laabtay Dhadhaab iyo qaar kamid ah dadka kusoo barakacay Kismaayo ayaa maanta la geeyay ilaa 60 xabo oo nalalka nooca ku shaqeeya cadceedda ah, kuwaa oo laga hirgelin doono xaafaddaasi.

Midnimo oo ku taal duleedka Galbeed ee magaalada Kismaayo ayaa ah xaafad dhawaan la degay, ayadoo hirgelinta xaafaddan ay iska kaashadeen dowlad goboleedka Jubbaland iyo hay’adda qaxootiga qaabilsan ee Qaramada Midoobay.

Xaafaddan ayaa waxaa hore uga jiray mugdi, ayadoo aysan gaarin adeegyada korontada ee laga isticmaalo Kismaayo maadaama ay ka fogtahay magaalada.

Gudoomiyaha degmada Kismaayo Mudane Ibraahim Max’ed Yuusuf Timijilic ayaa sheegay in mashruucan uu yahay mid baahidiisa ay usoo gudbiyeen dadka deegaanka, maanta laga hirgelinayo xaafaddaasi.

Wasiir kuxigeenka wasaaradda macdanta, tamarta iyo biyaha Jubbaland Mudane C/rashiid Max’ed Ducaale ayaa sheegay in Mashruucan ay Jubbaland ka caawisay dowladda Jarmalka oo kaalmada soo marisay hay’adda GIZ, isagoo intaa ku daray in mashruucan uu qeyb ka yahay mashaariic wax loogu qabanayo dadka degan xaafaddaasi oo u qorsheysnaa dowladda.

Inkastoo nalalka cadceedda ku shaqeeya laga hirgeliyay xaafaddaas ayaa hadana waxaa weli halkaasi ka taagan baahiyo ka jira halkaasi oo ay kamid yihiin adeegyada caafimaadka, biyaha iyo waxbarashada oo ay dadka deegaanku sheegeen in aysan ka jirin xaafaddaasi, iyagoo codsaday in wax laga qabto arimahaasi.

Xasan Nuur, Hiiraan Online
[email protected]
Kismaayo-Soomaaliya.












Click here
7/15/2018 3:53 PM EST
Axad, July, 15, 2018 (HOL)-Madaxweynihii hore ee Mareykanka Barack Obama ayaa tagay dalka Kenya, halkaasi oo ay kaga bilaabatay booqasho labo maalin ah, waxaana Aqalka Madaxtooyada Kenya ku soo dhaweeyay Madaxweynaha Kenya Uhuru Kenyatta.

7/15/2018 1:16 PM EST
Axad, July, 15, 2018 (HOL)-Waxaa goor dhaw soo dhamaatay cayaar aad u weyn oo siweyn isha loogu wadda hayay lugtii ugu danbeysa tartanka cayaaraha Kubadda Cagta Aduunka.

7/15/2018 11:09 AM EST
Axad, July, 15, 2018 (HOL)-Shirkan oo ay kasoo qeybgaleen wasiirada wasaaradaha dowlad goboleedyada Puntland, Galmudug, Hirshabeelle, Koonfur Galbeed iyo Jubbaland ayaa ka furmay magaalada Kismaayo ee xarunta KMG ah ee Jubbaland.

7/15/2018 10:34 AM EST
Axad, July, 15, 2018 (HOL)-Taliyaha qeybta 43aad ee ciidamada xoogga dalka Soomaaliyeed Cali Maxamed Max’uud Bogmadoobe ayaa kormeer ku tagay xeryaha ciidamada xoogga dalka ee degmada Garbahaareey gobolka Gedo.

7/15/2018 8:33 AM EST
Axad, July, 15, 2018 (HOL)-Wararka ka imanaya degmada Afgooye ee gobolka Shabeellaha Hoose ayaa sheegaya in Al-Shabaab ku dileen dulleedka degmada Nin la sheegay in uu horay uga tirsanaa nabad-sugida Soomaaliya.

7/15/2018 5:12 AM EST
Axad, July, 15, 2018 (HOL)-Agaasimaha guud ee Wasaaradda arrimaha gudaha dowlad gobolleedka Hirshabeelle Maxamed Caruush Diiroow oo magaalada Garoowe kulan kula qaatay mas’uuliyiinta maamul gobolledka Puntland gaar ahaan madaxweyne Cabdi Wali Maxamed Cali Gaas.

7/15/2018 1:59 AM EST
Axad, July, 15, 2018 (HOL)-Ra'isal wasaaraha Israel, Benjamin Netanyahu, ayaa sheegay in ciidamada Israel weerarkii ugu cuslaa tan iyo dagaalkii sanadkii 2014-tii ku qaadeen goobo ay mitidiintu ku leeyihiin marinka Qasa.

7/15/2018 1:13 AM EST
Axad, July, 15, 2018 (HOL)–Saraakiisha Booliiska maamulka Koonfur Galbeed ayaa faah faahin dheeraad ah ka bixiyay howlgal qorsheysan oo ay ka fuliyeen deegaanno hoostaga degmada Diinsoor ee gobolka Baay.

7/15/2018 1:01 AM EST
Axad, July, 15, 2018 (HOL)–Wararka naga soo gaaraya gobolka Jubbada Dhexe gaar ahaan degmada Jilib ayaa sheegaya in Al-shabaab meel –fagaro ah ku toogteen Labo ruux oo dhalinarro ah kuwaa oo ay ku eedeeyeen in ay horay u dileen Nin reer Miyi ahaa.

7/15/2018 12:47 AM EST
Axad, July, 15, 2018 (HOL)–Dowladdaha Caalamka iyo Ururro Caalami ah ayaa si kulul u cambaareeyay Qaraxyadii shalay lagu weeraray Kontoroolka laga galo Madaxtooyadda Soomaaliya.

7/15/2018 12:37 AM EST
Axad, July, 15, 2018 (HOL)–Dowladda Soomaaliya ayaa War ka soo saartay weerarkii iyo Qaraxyadii shalay Al-Shabaab ay ku qaadeen Agagaarka Madaxtooyadda Soomaaliya.