6/28/2022
Today from Hiiraan Online:  _
Wararka Maanta- Axad, July 1 , 2018
Farmaajo : Al-shabaab iyo ISIS waxey u dhaqmaa gumeystihii oo kale

 

Axad, July, 01, 2018 (HOL) - Madaxweynaha Soomaaliya Maxamed Cabdullaahi Farmaajo ayaa ku eedeeyay Al-shabaab iyo Ururka isku magacaabay dowladda Islaamiga ah ee Daacish in ay dhibaatooyin badan ay ka waddaan Soomaaliya, kuwaasoo halis ku ah madaxbaanidda.

Waxaa uu sheegay Madaxweyne Farmaajo in Al-shabaab iyo Daacish u dhaqmaan sidii gumeytihii oo kale iyaga oo adeegsanaya Qabiil iyo in ay bulshada iska horkeenaan.

‘’Al-shabaab iyo ISIS waxaa ay adeegsadaan habkii uu gumeystuhu adeegsan jiray, waxaa ay iska horkeenaan bulshada, waxaa ay adeegsadaan Qabiil, waxey leeyihiin oo ay sameysteen nabadoonno, iyaga oo raba in ay bulshada iska horkneenaan, shacabka Soomaaliyeed waxaa loo baahan yahay in ay dib u soo ceshadaan xoriyadoodii, waayo qofka haddii uu ka walwalayo sidee ayaa gurigaada ku tagtaa xor ma’aha’’ ayuu yiri madaxweyne Farmaajo.

Waxaa uu xusay madaxweynaha in dadka Soomaaliyeed aysan xor aheyn maadaama ay jirto cabsi weyn oo ay ka qabaan Al-Shabaab iyo Daacish.

Dowladda Soomaaliya ayuu tilmaamay in ay ka shaqeyn doonto sidii dib loogu soo celin lahaa nabaddii iyo horumarkii lagu yaqaanay Soomaaliya.

Dowladda Soomaaliya ayaa dagaal kula jirta Daacish iyo sidoo kale Al-Shabaab oo ku sugan Soomaaliya,kuwaasoo inta badan weeraro ku qaada ciidamada dowladda iyo Goobaha ay dowladda maamusho.

C/raxmaan Diini, Hiiraan Online
[email protected]

 













Click here
7/1/2018 3:08 PM EST
Axad, July, 01, 2018 (HOL)-Ku xigeenka Ergayga Xoghayaha Guud Qaramada Midoobay ee Soomaaliya Peter De Clerk ayaa sheegay in khilaafka ka taagan degaanka Tukaraq darteed ay u barakaceen dad ka badan 12 Kun oo qof.

7/1/2018 1:26 PM EST
Axad, July, 01, 2018 (HOL)-Shir uga socday beel ka mid ah beelaha Somaliland deegaanka Buurta Gacan libaax ee gobolka Saaxil ayaa maanta la soo gabogabeeyey, waxaana laga soo saaray qodobo.

7/1/2018 9:57 AM EST
Axad, July, 01, 2018 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta ka qeyb galay munaasabad loogu dabbaal-dagayay sanad guuradii 58-aad ee kasoo wareegtay markii ay xoroobeen Gobollada Koofureed iyo israacii Waqooyi iyo Koonfur taas oo ka dhacday Garoonka Kubadda Cagta ee Banaadir.

7/1/2018 5:20 AM EST
Axad, July , 01, 2018 (HOL)–Warar kala duwan ayaa ka soo baxaya tiro madaafiic ah oo goor dhaw lagu weeraray xarunta ciidamada AMISOM ee Xalane ee degmada Wadajir.

7/1/2018 4:28 AM EST
Ciyaaraha Todobaadka Soomaalida ayaa shalay si rasmi ah uga furmay Magaaladda Minneapolis , ciyaarahaan ayaa waxaa ka qayb galaya 24 kooxood oo ka kala yimi gobolada Maraykanka iyo Canada.

7/1/2018 3:17 AM EST
Axad, July , 01, 2018 (HOL)–Koox hubeysan oo ka tirsan Al-Shabaab ayaa shalay gelinkii dambe ku dilay magaalada Muqdisho oday dhaqameed ka mid ahaa ergadii soo dooratay xildhibaanada Golaha shacabka.

7/1/2018 2:23 AM EST
Axad, July , 01, 2018 (HOL)–Magaalada Nouakchott ee dalka Mauritania ayaa lagu waddaa in maanta uu ka furmo shirka caadiga ah ee Madaxda dowladaha ee Midowga Afrika.

7/1/2018 2:15 AM EST
Axad, July , 01, 2018 (HOL)–Magaalada Muqdisho waxaa ka soconaya dibadbaxyo la xiriira maaalmaha xoriyada, gaar ahaan dabaal-dega munaasabada 1da Luulyo.

7/1/2018 2:00 AM EST
Axad, July , 01, 2018 (HOL) – Madaxweynaha Soomaaliya Maxamed Cabdullaahi Farmaajo ayaa dhammaan shacabka Soomaaliyeed ugu hambalyeeyay xuska sannad-guurada 58-aad ee ka soo wareegtay markii ay xoroobeen Gobollada Koonfureed iyo israacii labada qeybood ee dalka, taasoo asaas u noqotay curashada Jamhuriyadda Soomaaliya.