Xaalada deegaanka Tukaraq oo degan iyo labada maamul Soomaaliland iyo Puntland oo ka hadlay
Isniin, Janaayo, 08, 2018 (HOL) -Dagaal xoogan oo ka
dhacay magaalada Tukaraq oo 52Km. Bari Laascaanood uga beegan, ayaa deganaan
laga soo sheegayaa iyadoo hadana aan laysku halayn Karin maadaama ay labada
ciidan isu muuqdaan.
Ciidamada Somaliland ayaa fadhiisin cusub ka samaystay
dhinaca bari ee Tukaraq oo toban sano xarun u ahayd maamulka Puntland
Gobolka Sool, waxana dadka degaamkaasi noo xaqiijiyeen in ciidanku
degan tahay tog ilaa afar KM u jira magaalada Hakka ciidamada Puntlandna
aanay ka fogayn.
Labada dhinac waxaa la sheegayaa in ay xoojinayaan
ciidamada ka jooga degaankaas, waxaana laga cabsi qabaa in markale ay is
haleen saamayna ku yeeshaan Degaanka.
Dagaalkan saaka dhacay ayaan si rasmi ah loo
ogayn khasaaraha gaadhey, iyadoo labada dhinacba ay sheegeen in aan khasaare
soo gaadhin.
Dhinacyada dagaalku dhexmaray ayaa ka hadlay dagaalka,
waxana dhinac kastaa ku eedeeyeen in dhulkoodii lagu haysto.
"Waxaa ay weerareen Madax dhaqameed, Garaad Jaamac
Garaad Cali waxaa lagu weeraray Qoriley, Garaad Jaamac Garaad Ismaaciil Tukaraq ayeey ku weerareen" sidaana waxaa BBCda u sheegay Wasiirka Warfaafinta Somaliland
C/raxmaan C/laahi Faarax, waxaanu raaciyey in Dawlada Federaalka iyo Puntland
ay daandaansi wadaan, in degaan Somaliland leesahayna ciidamadoodu tageen ayuu
qiray.
Wasiirka amniga Puntland, Axmed Cabdullahi Yuusuf ayaa
layaab ku sheegay duulaanka ciidamada Somaliland xili ay mashquul
ku ahaayeen Madaxweynaha Soomaaliya, xili ay waraysatay idaacada BBCda.
Lama saadaalin karo halka uu salka dhigi doono walow
Somaliland mudo toban sano ah sadex jeer ay u guureen dhinaca Garoowe
iyadoo maamulka Puntlandna aanay jawaab ka celin, iyadoo haatan ay kulaalayaan
caasimada Puntland oo u jirya 75Km.
Seynab Cabdi Warsame
[email protected]
Laascaanood G. Sool
