Guddoomiyaha hay’adda u diyaar garowga Aafooyinka oo ka hadlay abaaro dadka saameeyey
Talaado, Janaayo, 30, 2018 (HOL) - Gudoomiyaha hay’adda u
diyaar garowga Aafooyinka iyo Kaydka cunadda qaranka Faysal Cali Sheekh ayaa
sheegay in goboladda qaarkood ay ka jiraan abaar adag oo u baahan in loo
gurmado.
Goboladda
ay abaartu ka jirta waxay kala yihiin goboladda Awdal, Maroodi jeex, Saaxil,
Togdheer, Sanaag iyo Sool ayaa laga soo sheegayaa in abaartu ka jirto balse
lagu kala badan yahay.
Gudoomiyaha
u diyaar garowga aafooyinka Faysal Cali Sheekh ayaa sheegay in boqolkiiba
toddoba iyo afartan shacabka Somaliland ay saamaysay abaartu.
“xukuumadda
Somaliland, hay;adaha Qaramadda Midoobay, hay'adaha caalamiga ah, hay’addaha
islaamiga a, ganacsatadda h iyo dhamaan shacabka reer Somaliland waxaan baaq u
dirayaa inay dadweynaha ay abaartu saamaysay ay usoo gurmadaan”ayuu yidhi
Faysal Cali Sheekh.
Deegaanadda
galbeedka Somaliland ayaa ugu daran oo abaar xoogani kajirta, waxaanay u
muuqata mid uga sii gudbayso goboladda kale hadii aan degdeg loogu gurman ay
saamayn doonto shacab aad u faro badan, waxaana illaa hadda warbixintu
sheegaysa in milyan iyo badh qof ay saamaystay abaartan cusub ee hadda la soo
sheegayaa.
Barkhad-ladiif M. Cumar, Hiiraan Online
[email protected]
Hargeysa, Somaliland.