3/28/2024
Today from Hiiraan Online:  _
Wararka Maanta- Sabti, Jan 13, 2018
Qayb ka mid ah golaha wasiiradda cusub ee Somaliland oo maanta xildhibaanadda golaha Wakiiladdu ansixiyeen

 

Sabti, Janaayo, 13, 2018 (HOL) –12 ka mid ah golaha wasiiradda cusub ee Somaliland ayaa maanta ansixiyeen xildhibaanada golaha Wakiiladda Somaliland, waxaana loo sameeyey jad wal ay saddexda cisho ee soo socda marba koox loo hor keeni doonno golaha.

Wasiiradan ayaa mid mid loo akhriyey waayahoodda nololeed dhanka waxbarashada, khibradoodda iyo shaqooyinkii ay hore usoo qabteen iyo waraaqahooda dambi la’aanta, intaas ka diba waxa wasiir walba golaha ka hor akhriyeen qorshihiisa uu doonayo inuu ku maamulo wasaaradaha loo magacaabay, waxaanu xildhibaanada ka codsanayey inay ansixiyaan.

Ka dibna waxa hoolka xildhibaanada laga saaray dhamaan wasiiraddii si cod gacan taag ah loogu qaado wasiir walba, iyadoo horena guddi hoosaaadyadda goluhu usoo baadheen wasiiradan, haseyeeshee waxa dhamaantood lagu ansixiyey cod aqlabiyad ah.

Labadda cishe soo socdana waxaa iyagana loo ansixin doona xilalka loo magacaabay wasiiradda hadhay oo koox koox u hor iman doonna golaha Wakiiladda.

 

Wasiiradda maanta loo ansixiyey xilalka loo magacaabay waxay kala ahaayeen wasiirka Horumarinta Beeraha, wasiirka horumarinta Maaliyadda, wasiirka Isgaadhsiinta iyo Technology-ga, wasiirka Caafimaadka, wasiirka Xanaanada Xoolaha iyo kallumaysiga, wasiirka shaqada iyo arrimaha bulshadda, wasiirka Diinta iyo Aw qaafta, wasiirka hawlaha guud iyo dhulka, wasiirka Biyaha, wasiirka waxbarashada, wasiir ku xigeenka warfaafinta iyo wasiir ku xigeenka xanaanada xoolaha.

Dhinac kalena Madaxweyne Muuse Biixi oo maanta magacaabay afar agaasime guud oo wasaaradaha qaarkood u magacabay, waxaanay kala yihiin :

1- Aadan Cabdillaahi Cabdille, agaasimaha guud ee wasaaradda diinta iyo Aw qaafta.

2- Prof. Maxamed Faarax Xareed, agaasimaha guud ee wasaaradda waxbarashada.

3- Axmed Abokor Yuusuf, agaasimaha guud ee wasaaradda maalgashiga.

4- Xamda Daahir Afqarshe, agaasimaha maamulka iyo lacagta ee komishanka xakamaynta AIDs-ka.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
1/13/2018 11:16 AM EST
Sabti, Janaayo, 13, 2018 (HOL)–Madaxweynaha dowladda Soomaaliya oo meel fagaaro ah kula hadlayay Kumannaan shacabka reer Gaalkacyo ah ayaa sheegay in socdaalkiisa uu ugu magacdaray ‘’Socdaalkii Dib-u-heshiisiinta Soomaaliyeed’’

1/13/2018 8:56 AM EST
Sabti, Janaayo, 13, 2018 (HOL)–Haweenka dalka Sacuudiga ayaa marki ugu horreeysay Jimcihii shalay loo ogolaaday in ay si toos ah garoomada uga daawadaan ciyaaraha kubadda cagta.

1/13/2018 8:46 AM EST
Sabti, Janaayo, 13, 2018 (HOL)–Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa goor dhaw gaaray magaalada Gaalkacyo ee Gobolka Mudug, halkaasoo si weyn loogu soo dhoweeyay.

1/13/2018 5:57 AM EST
Sabti, Janaayo, 13, 2018 (HOL)–Wararka ka imanaya magaalada Dhuusa-mareeb ee gobolka Galguduud ayaa sheegaya in goor dhaw Xabsiga laga sii daayay guddoomiyaha guddiga doorashada madaxa-bannaan ee heer Qaranka Xaliimo Ismaaciil (Xaliimo Yareey)

1/13/2018 1:14 AM EST
Sabti, Janaayo, 13, 2018 (HOL)–Magaalooyinka Toronto iyo Ottawa ee dalka Canada ayaa lagu qabtay kulan ballaaran oo ay ka soo qeybgalleen Jaaliyada Soomaaliyeed ee ku dhaqan labadaasi magaalo oo dhaqaale loogu Uruurinayay dib-u-dhiska Waddada isku xirta magaalooyinka Gaalkacyo iyo Hobyo.

1/13/2018 1:08 AM EST
Sabti, Janaayo, 13, 2018 (HOL)– Midowga Afrika ayaa ugu baaqay Madaxweyne Donald Trump inuu ka laabto hadal gaf ahaa oo la sheegay inuu u adeegsaday wadammada Afrika islamarkaana uu raaligelin hadalkaasi ka bixiyo.

1/13/2018 12:25 AM EST
Sabti, Janaayo, 13, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa si buuxda u sheegay in dowladdau ku guuleystay in Boqollaal Soomaali ah laga sii daayo Xabsiyada dalka Indin, dhawaanna la filayo in ay dalka dib ugu soo laabtaan.

1/13/2018 12:14 AM EST
Sabti, Janaayo, 13, 2018 (HOL)-Madaxweynaha Soomaaliya Maxamed Cabdullahi Farmaajo oo ku sugan magaalada Boosaaso ee xarunta Gobolka Bari ayaa kulamo gaar-gaar ah la yeeshay hoggaanka dhaqanka iyo Ganacsatada Gobolka.

1/13/2018 12:06 AM EST
Sabti, Janaayo, 13, 2018 (HOL) –Madaxweynaha dowladda Soomaaliya Maxamed Cabdullaahi Farmaajo oo ka hadlayay munaasabad sagootin ah oo loogu sameeyay magaalada Boosaaso ayaa soo hadal qaaday is qabqabsiga siyaasadeed ee dalka ka jira.