Sabti, Janaayo, 13, 2018 (HOL) – Madaxweynaha
Soomaaliya Maxamed Cabdullaahi Farmaajo iyo wafdi uu hoggaaminayo ayaa goor
dhaw gaaray magaalada Gaalkacyo ee Gobolka Mudug, halkaasoo si weyn loogu soo
dhoweeyay.
Madaxweyaha iyo wafdiggiisa oo ka soo anbabaxay magaalada Boosaaso ayaa
waxaa ku soo dhaweeyay Gaalkacyo Wasiirro ka tirsan dowladda federaalka mas’uuliyiinta Labada maamul Puntland iyo
Galmudug.
Mas'uuliyiinta Wafdiga ku soo dhaweysay magaalada Gaalkacyo waxaa ka mid ahaa Madaxweynaha Galmudug, Wasiirka Arrimaha Gudaha, iyo
Mas’uuliyiin ka kala tirsan labada maamul ee magaalada.
Madaxweyne Farmaajo ayaa shacabka Gaalkacyo kula hadli doona Fagaaraha
Kamaaludiin, halkaasoo boqolaal shacab isugu soo baxeen.
Madaxweynaha ayaa lagu wadaa in uu uga gudbo Gaalkacyo, deegaanada kale ee
Galmudug, sida Cadaado, Caabudwaaq, Dhuusa Mareeb.
C/raxmaan Diini,
Hiiraan Online
[email protected]