12/10/2018
Today from Hiiraan Online:  _
Wararka Maanta- Sabti, Jan 13, 2018
Kulan dhaqaale loogu Uruurinayay Waddada isku xirta Gaalkacyo iyo Hobyo oo lagu qabtay dalka Canada



Sabti, Janaayo, 13, 2018 (HOL)–Magaalooyinka Toronto iyo Ottawa ee dalka Canada ayaa lagu qabtay kulan ballaaran oo ay ka soo qeybgalleen Jaaliyada Soomaaliyeed ee ku dhaqan labadaasi magaalo oo dhaqaale loogu Uruurinayay dib-u-dhiska Waddada isku xirta magaalooyinka Gaalkacyo iyo Hobyo.

Prof Cabduqaadir Maxamed Shirwac oo ah Aqoonyahan Soomaaliyeed oo hormuud u ahaa Isku imaatinka Jaaliyada Ottawa iyo Toronto ayaa faah faahin dheeraad ah ka bixiyay muhiimada ay u leedahay shacabka ku dhaqan gobollada dhexe dhismaha Waddadan isku xirta labada magaalo Gaalkacyo iyo Hobyo.

Wuxuu sheegay in aysan aheyn arin sahlan dhismaha Waddadan oo 260km ah, balse haddii lagu guuleysto wax weyn ka tari doonto Ganacsiga bulshada ku dhaqan gobollada dhexe ilaa dhulka Ismaamulka Soomaalida Itoobiya iyaga oo ka faa’ideysanaya dekedda Hobyo oo muddo dheer aan la isticmaalin.

Prof Shirwac ayaa soo bandhigay muuqaalo tusinaya sida ay u bur bursan tahay Waddada oo ay adag tahay in ay adeegsadaan dadka iyo gaadiidka sidaa daaraadeed muhiim tahay in la dhiso.

‘’In la dhiso Waddadan waxey faa’iido u leedahay dhaqdhaqaaqa Ganacsi ee gobollada dhexe ilaa dhulka Ismaamulka Soomaalida Itoobiya madaama Hobyo tahay magaaalo Xeebeed leh Deked si fudud Gacsatadu ugala soo degi karaan Badeecadooda , waana tan keentay in aan abuulno bulshada Soomaaliyeed ee halkan ( Canada) ku dhaqan si dib u dhis loogu sameeyo Waddada xiriira Gaalkacyo iyo Hobyo.

Prof Shirwac ayaa intaa ku darray in marka laga soo tago Ganacsiga dhismahan Waddadan faa’iido gaar ah u yeelan doonto deegaanno dhowr ah oo ku yaala bartamaha Soomaaliya sida Wasil, Gawaan iyo Ceelguul oo hadda aan laheyn dhamaanba adeegyadii Aas-aasiga u ahaa nolasha.

‘’Dhismaha Waddadan waxaa kaloo ku xiran nolasha deegaanno badan oo ku yaala bartamaha Soomaaliya, waxaa ka mid ah saddexdan magaalo ee kala ah Wasil, Gawaan iyo Ceelguul oo siweyn ugu baahan dhismaha Waddadan Hobyo’’ ayuu yiri Prof Shirwac.

Magaalada Toronto ayaa laga Ururriyay lacag dhan $ 27 Kun oo dollar, halka Jaaliyada magaalada Ottawa bixiyeen lacag gaareysa $ 16 Kun oo dollar.

Maanta oo Sabti ah ayaa la filayaa in Prof Shirwac uu kulan la yeesho Jaaliyada Soomaaliyeed ee ku dhaqan magaalada Edmonton, isaga oo kala hadli doona dhismaha Waddada Hobyo.

Madaxweynaha Soomaaliya Maxamed Cabdullaahi Farmaajo oo la filayo in uu booqdo maalmaha soo socda deegaannada Galmudug ayuu ka codsaday Prof Shirwac in uu dhagax dhigo Waddada Hobyo oo sida uu sheegay muhiim u ah nolasha dadka ku dhaqan gobollada dhexe.

C/raxmaan Diini, Hiiraan Online
[email protected]







Click here
1/13/2018 11:16 AM EST
Sabti, Janaayo, 13, 2018 (HOL)–Madaxweynaha dowladda Soomaaliya oo meel fagaaro ah kula hadlayay Kumannaan shacabka reer Gaalkacyo ah ayaa sheegay in socdaalkiisa uu ugu magacdaray ‘’Socdaalkii Dib-u-heshiisiinta Soomaaliyeed’’

1/13/2018 9:02 AM EST
Sabti,January 13,2018 (HOL)- 12 ka mid ah golaha wasiiradda cusub ee Somaliland ayaa maanta ansixiyeen xildhibaanada golaha Wakiiladda Somaliland, waxaana loo sameeyey jad wal ay saddexda cisho ee soo socda marba koox loo hor keeni doonno golaha.

1/13/2018 8:56 AM EST
Sabti, Janaayo, 13, 2018 (HOL)–Haweenka dalka Sacuudiga ayaa marki ugu horreeysay Jimcihii shalay loo ogolaaday in ay si toos ah garoomada uga daawadaan ciyaaraha kubadda cagta.

1/13/2018 8:46 AM EST
Sabti, Janaayo, 13, 2018 (HOL)–Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa goor dhaw gaaray magaalada Gaalkacyo ee Gobolka Mudug, halkaasoo si weyn loogu soo dhoweeyay.

1/13/2018 5:57 AM EST
Sabti, Janaayo, 13, 2018 (HOL)–Wararka ka imanaya magaalada Dhuusa-mareeb ee gobolka Galguduud ayaa sheegaya in goor dhaw Xabsiga laga sii daayay guddoomiyaha guddiga doorashada madaxa-bannaan ee heer Qaranka Xaliimo Ismaaciil (Xaliimo Yareey)

1/13/2018 1:08 AM EST
Sabti, Janaayo, 13, 2018 (HOL)– Midowga Afrika ayaa ugu baaqay Madaxweyne Donald Trump inuu ka laabto hadal gaf ahaa oo la sheegay inuu u adeegsaday wadammada Afrika islamarkaana uu raaligelin hadalkaasi ka bixiyo.

1/13/2018 12:25 AM EST
Sabti, Janaayo, 13, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa si buuxda u sheegay in dowladdau ku guuleystay in Boqollaal Soomaali ah laga sii daayo Xabsiyada dalka Indin, dhawaanna la filayo in ay dalka dib ugu soo laabtaan.

1/13/2018 12:14 AM EST
Sabti, Janaayo, 13, 2018 (HOL)-Madaxweynaha Soomaaliya Maxamed Cabdullahi Farmaajo oo ku sugan magaalada Boosaaso ee xarunta Gobolka Bari ayaa kulamo gaar-gaar ah la yeeshay hoggaanka dhaqanka iyo Ganacsatada Gobolka.

1/13/2018 12:06 AM EST
Sabti, Janaayo, 13, 2018 (HOL) –Madaxweynaha dowladda Soomaaliya Maxamed Cabdullaahi Farmaajo oo ka hadlayay munaasabad sagootin ah oo loogu sameeyay magaalada Boosaaso ayaa soo hadal qaaday is qabqabsiga siyaasadeed ee dalka ka jira.