8/18/2018
Today from Hiiraan Online:  _
Wararka Maanta- Isniin, Jan 12, 2018
DHAGAYSO: Proff, Dalxa oo waraysi dhinacyo badan taabanaya siiyay HOL ,kana hadlay arimo xasaasi ah




Jimco, Janaayo, 12, 2018 (HOL) - Prof Maxamed Cumar Dalxa oo kamid ah mudanayaasha ugu waqtiga dheer barlamaanka Somalia , islamaraana horey u soo noqday gudoomiye ku xigeenkii labaad ee barlamaanka dalka dowlad-dii madaxweyne C/laahi Yuusuf ayaa kula kulan-nay hoyga uu ka dagan-yahay magaalada Muqdisho ee caasimad-da Somalia.

Mudanahan ayaan ka waraysan-nay waaya -aragnimadiisa dhinaca dowlad-nimada , arimaha siyaasad-da ,khilaafka u dhaxeeya dowladda hadda jirto iyo mucaaradka iyo sidoo kale in madaxda baasaboorada ajaanibta ah haysta ay dalka daacad u noqon karaan iyo in kale.

Sidoo kale mudane Dalxa ayaa ka jaawaabay su'aallo la xiriira sababta barlamaanka Somalia uu uga gaabiyay meel-marinta Hindase sharciyeedyo muhiim ah sida dhamaystirka qabyo qoraalka dastuurka , iyo in xildhibaanada qaar aysan booqan deegaanada ay ka soo galaan Barlamaanka .

Su'aalaha kale ee aan weydiin-nay gudomiyaha ayaa ku qotomay farqiga u dhaxeeya dowladda hadda talada haysa ee madaxweyne Maxamed C/laahi Farmaajo iyo dowlad-dii uu hogaaminayay madaxweyne Xasan Shiekh Maxamuud.

Prof Dalxa aya sidoo kale ka jawaabay su'aallo la xiriira khibrad yarida guddiyada joogtada ah ee barlamaanka Somalia iyo sida looga gaabiyay in dad aqoon u leh arimaha barlamaanka ay hogaamiyaan guddiyada joogtada ee barlamaanka.

Ex Gudoomiye Dalxa ayaa sidoo kale nooga jawaabay su'aallo la xiriira cid-da sida rasmiga ah u leh magaalada Muqdisho iyo aragtidiisa ku aadan in qabiil gooni ah u sheegto lahaanshaha magaalada Muqdisho .

Waraysigan waxaa si wada-jir ah u qaaday Faysal Maxamed Xasan iyo Maxamed Aadan.

 Halkan ka dhagayso waraysiga Proff. Maxamed Cumar Dalxa oo Dhamaystiran 


Faysal M. Hassan
[email protected]








Click here
1/12/2018 11:10 AM EST
Jimco, Janaayo, 12, 2018 (HOL)–Wararka naga soo gaaraya degmada Dhuusa-mareeb ee gobolka Galguduud ayaa sheegaya in ciidamo ka tirsan Ahlu Sunna Waljameeca halkaa ku xireen guddoomiyihii guddiga doorashada madaxa-bannaan Xaliimo Ismaaciil ( Xaliimo Yareey)

1/12/2018 10:04 AM EST
Jimco, Janaayo, 12, 2018 (HOL)-Madaxweynaha dowlad gobolleedka Galmudug Axmed Ducaalle Geelle Xaaf iyo wafdi uu hoggaaminayo ayaa gaaray magaalada Gaalkacyo ee xarunta Gobolka Mudug.

1/12/2018 7:52 AM EST
Jimco, Janaayo, 12, 2018 (HOL) - Ra’iisul Wasaare ku xigeenka Xukuumadda Federaalka Soomaaliya Mahdi Mohammed Guleed (Khadar) iyo wefti uu hogaaminaayo oo maalin ka hor gaaray magaalada Ankara ee dalka Turkiga ayaa maanta heshiis la saxiixday Masuuliyiin ka tirsan Dowladda Turkiga.

1/12/2018 5:50 AM EST
Jimco, Janaayo, 12, 2018 (HOL) - Hay’adda Qaramada Midoobay u qaabilsan arrimaha Qaxootiga ee UNICEF ayaa Khamiistii sheegtay in 21 degaan oo ku yaallay duleedka Muqdisho, oo hoy u aheyd dad ka badan 4,000 oo qoys la burburiyay, hadana dadkaasi ay yihiin kuwo xaalad adag ku jira.

1/12/2018 4:48 AM EST
Jimco, Janaayo, 12, 2018 (HOL) – Wararka ka imanaya degmada Ceel-waaq ee gobolka Gedo aya sheegaya in halkaa uu dagaal ku dhaxmaray ciidamo ka tirsan kuwa dowladda Soomaaliya iyo ciidamada Kenya.

1/12/2018 4:35 AM EST
Jimco, Janaayo, 12, 2018 (HOL) - Dowladda Qatar ayaa cabasho ka dhan ah Imaaraadka Carabta u gudbisay Golaha Ammaanka ee Qaramada Midoobey, iyadoo ku eedeysay inay ku soo xadgudubtay hawadeeda.

1/12/2018 1:07 AM EST
Jimco, Janaayo 12, 2018 (HOL) – Madaxweynaha maamulka Galmudug Axmed Ducaale Geelle Xaaf oo maalintii shalay dib ugu laabtay magaalada Cadaado ayaa sheegay in madaxweynaha dowladda Soomaaliya iyo wafdigiisa ku soo fool leeyihiin sida uu hadalka u dhigay deegaannada Galmudug.

1/12/2018 12:59 AM EST
Jimco, Janaayo 12, 2018 (HOL)–Wararka ka imanaya degmada Kaaraan ee magaalada Muqdisho ayaa sheegaya in xalay Guri ku yaalla degmadaasi uu ka dhex dhacay Qarax siweyn looga maqlay inta badan xaafaddaha degmada.

1/12/2018 12:50 AM EST
Jimco, Janaayo 12, 2018 (HOL) – Guddoomiyaha guddiga doorashada madaxa-bannaan ee heer Qaran Xaliimo Ismaaciil ( Xaliimo Yareey) ayaa sheegtay in todobaadka danbe War ka soo saarayaan go’aanka Maxkamada Sare ay ku joojisay dib u soo doorashada Kuraasta ka bannaan Golaha shacabka.