Rasaas khasaare sababtay oo lagu furay gaari dad rayid ah la socdeen dulleedka Beledweyne
Sabti, Feberaayo, 03, 2018 (HOL) -Rag hubeysan ayaa xalay rasaas ku furay gaari ay la socdeen dad rayid ah
dulleedka magaalada Beledweyne.
Inta la og yahay hal qof ayaa ku dhintay, kuwo kalena waa ay ku dhaawacmeen,
markii kooxo hubeysan ay rasaas ku fureen gaariga ay saarnaayeen dad shacab
saarnaayeen.
Weerarka ayaa intaa ku daraya in gaariga la rasaaseeyay uu marayay deegaanka
Calool Cad oo Beledweyn u jirta illaa 7KM, waxaana dadka dhaawacmay la geeyay
Isbitaalka Beledweyne.
Gaariga ay la socdeen dadka shacabka ayaa la sheegay in uu ka yimid dhanka
magaalada Muqdisho, waxaa uu ka mid ahaa gaadiidka safarada dheer gala.
Ciidamada ammaanka maamulka degmada Beledweyne ayaa la sheegay inay ku
baxeen halkii lagu rasaaseeyay gaariga.
Ilaa iyo hadda lama oga kooxaha hubeysan ee rasaaseyay gaariga in ay
ahaayeen kuwo doonayay inay dhacaan iyo in kale, balse gaariga ayaa marna
istaagin intii ay rasaasta ku socotay
C/raxmaan Diini, Hiiraan Online
[email protected]
