Khamiis, Feberaayo, 22, 2018 (HOL) - Dowladda Itoobiya ayaa xabsiga ka sii deysay
ilaa 1, 500 oo maxaabiis ka tirsanaa Ururka ONLF, kaddib wada hadalo magaalada Nairobi ku
dhaxmaray saraakiil ka tirsan xukuumadda Itoobiya iyo xubno ka socda Ururka
mucaaradka ah ee ONLF.
Dadka la sii daayay ayaa 100 ka mid ah la sheegay in ay
ahaayeen maxaabiis siyaasadeed sida uu ku waramayo Ahmed Abdi oo ah khabiir ka faalooda xaaladaha
Geeska Africa iyo Yemen.
Dadka la sii daayay ayaa dhamaantood la sheegay in ay ku
xirnaayeen Jail Ogaadeeniya oo ku yaala magaalada Jigjiga.
ONLF ayaa sheegtay in ay wali jiraan maxaabiis kale oo ku xir
xiran xarumo kala gedisan kuwaa oo u baahan in la sii daayo.
Dowladda Itoobiya ayaa horay uga eedeysay Ururka ONLF in ay
geystaan dacadiyo ay ka mid yihiin, afduubyo,garaacis, iyo dilal aan sharci
aheyn oo loo geystay dad rayid ah, oo ay ku jiraan masuuliyiinta dawladda iyo
shakhsiyaadka looga shakisan yahay inay taageerayaan xukuumadda.
Ra’iisul wasaarihii Itoobiya ayaa dhawaan ku dhawaaqay in uu iscasilay ka
dib markii uu sheegay in rabshaddaha dalkaasi ay bateen.
C/raxmaan Diini,
Hiiraan Online
[email protected]
