Sabti, Feberaayo,
17, 2018 (HOL) -Gulfood 2018 ama Carwada Cuntada Aduunka 2018 oo
sannadkiiba mar lagu qabto magaalda Dubai ee isutaga Imaaraadka Carabta ayaa
berri ka furmi doona Dubai.
Waxaa ka soo qeybgali doonaa
130 wadan oo soo bandhigaya dalgooda iyo Waxa ay soo saaraan, waxaana ay
Carwadan noqon doontaa mid suuq u furi doonta wax soo saarka dalalka Bandhiga
ka qeybgalaya.
Soomaaliya waa sannadkii
labaad ay ka soo qeybgasho, sannadkan waxaa ay nasiib u yeeshay in ay ka soo qeyb-galaan 40 Shirkadood oo beera ama suuq geeya dalaga Beeraha.
Carwadan in ay ka soo
qeybgasho Soomaliya sannadkii labaad waxaa fududeeyey mashruuca GEEL (Growth
Enterprise Employment and Livelihoods) oo ay maalgeliso dawalada mareykanka.
Ganacsata oo ayaga iska soo
baxashay qarashkooda ayaa Hiiraan Online u sheegay in ay mashruucan maqsuud ka
yihiin sabbahan soo socda awgood:
In dalag Soomaali soo saartay
oo ay dalaaliin ka iibsan jiraan kaddibna magacyo qalaad inta lagu qoro lana
sheegan jiray,Balse markii bandhigan lagu arkay ay kashifmeen dalaaliintii
qalaad dalagyadiina la qiray in Soomali soo saartay.
Sannadkii hore ka dib kasoo
qeybgalkii carwadiiin dhoofinta dalaga korortay 14 milyan oo dollar lana
filayo sannadkan in ay labalaabanto 28 milyan dollar ay gaadho.
Ganacsatada in ay fursad u
heleyaan in ay ka bartaan ganacsata adduunka habka casriga ee loo ganacsato
loona tayeeyo dalaga beeraha.
Suuqyo toos ah in loo helo
dalaga dalka.
In hal goob ay ka helayaan
iibsadayaasha adduunka oo idil kari karaanna dalaga soomaaliya in ay iibsadaan
adduunka oo idil.
Carwadan oo la filayo shanta cisho
oo soo socota inay soo booqdaan dad lagu qisaasay boqolkun oo ruux.
Hiiraan Online ayaa idinla
socodsiin doonta hadaba wararka ku saabsan Carwadan caalamiga ah ee cunatada
adduunka .
C/raxmaan Diini,
Hiiraan Online
[email protected]