4/17/2021
Today from Hiiraan Online:  _
Wararka Maanta- Sabti, Feb 17, 2018
Wasiirka Arimaha Dibadda iyo Iskaashiga Caalamiga ah ee Soomaaliya oo la kulmay Jaaliyada Columbus



Sabti, Feberaayo, 17, 2018 (HOL) - Xaflad Cashaa oo lagu soo dhaweynayay Wasiirka Arimaha Dibadda iyo Iskaashiga Caalamigaa ee Soomaaliya Axmed Ciise Cawad ayaa xalay lagu qabtay magaalada Columbus Ohio ee dalka Mareykanka.

Waxaa soo abaabulay xafladan urur siyaasi ah oo ka dhisan gobolka Ohio laguna magacaabo ( New American Political Action Committee ) waxaana xaflada ka soo qeybgalay qeybaha kala duwan ee Jaaliyada Soomaaliyeed ee Columbus

Dadka ka hadlay xafladan cashadaa waxa ay intooda badan u hambalyaynayeen Wasiirka oo ay in badan soo wada shaqeeyeen mudadii uu ahaa Safiirkii u fadhiyay dowladda Soomaaliya magaalada DC iyaga oo ku tilmaamay in wasiirku in  uu yahay shaqsi wax-badan ka qaban kara arimaha dibada iyo iskaashiga caalamigaa.

Wasiir Cawad ayaa dadka Soomaaliyeed ee Mareykanka dagan ka codsaday in la dhiso Guri ay yeelato safaarada Soomaaliya ay ku leedahay dalkan Mareykanka iyo in arintaas la iska xil saaro, waxa uu xusay in mudadii uu safiirka ahaa ka gaabsaday in uu soo bandhigo fikirka dhismaha safaarada isaga oo xusay in dadku u arki karaan in macne kale laga wato ama dano gaar ah laga leeyahay, balse waxa uu xusay in iminka uusan safiir ahayn balse uu ogyahay baahida jirta.

Qurba joogta Mareykanka ayuu ku dhiiragaliyay in ay dalkii dib ugu laabtaan isla markaana Indhahooda ku soo arkaan waxa ka jira, waxa uu wasiirku sheegay in Soomaaliya is badashay isla markaana ay ku taagantahay wadadii Horumarka iyo is badalka.

"Waa muhiim in aad waqtigiina qaar siisaan dalka oo aad maskax maal iyo aqoonn ku celisaan xitaa hadii intaas aadan awoodin adigu tag oo fasaxaaga ku soo qaado waxaan hubaa in aad la soo laaban doonto wax ka duwan waxa aad aaminsantahay hadeer" ayuu yiri wasiirka oo dhiiragalinayay qurbaoogta.

Waxaa la weydiiyay su'aalo aad ubadan oo meelo kala duwan taabanayay waxana ugu danbayn wasiirku u balan qaaday in uu samayn doono qorshe isku xiri doona qurba joogta iyo wasaarada arimaha dibada si loo helo iskaashi wax badali kara.

Waxaa la gudoonsiiyay wasiirka shahaado sharafyo kala duwan oo ka socday dhowr xaafiis oo ka mid ah xaafiisyada dowladda gobolkan Ohio.

Dhanka kale wasiirka ayaa Booqday xarunta codbixinta ee xaafada Soomaalidu ugu badantahay isaga oo la kulmay howl wadeenada xarunta iyo shaqaaleheda isla markana waxaa lagu soo wareejiyay qeybaha xarunta iyada oo loo sharaxay hanaanka codbixinta xasrigaa iyo sida ay uga shaqeyso halkan.

Wasiirka ayaa ujeedka booqashada xaruntan ku sheegay in ay qiimayn ku samaynayaan hananka doorashooyinka caalamigaa ee wadamo badan oo caalamka ku yaal si dowlada Soomaaliya ay u diyaariso waqtiga dhow doorasho madax banaan oo Qof iyo Cod ah.

Wasiir Cawad ayaa maalmihii u danbeeyay ku sugnaa Mareykanka isaga oo kulamo la soo qaatay Soomaalida Virginia, Minnesota, Ohio iyo kuwo kale.

Bashir Taajir












Click here
2/17/2018 2:28 PM EST
Sabti, Feberaayo, 17, 2018 (HOL) - Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cusmaan Yarisoow ayaa wareejiyey dhul ku yaalla degmada Wadajir ee deegaanka Jazeera oo ciidamada xoogga dalka Soomaaliyeed ay dawladda Turkiga uga dhisi doonto xarun tababar oo casri ah.

2/17/2018 10:39 AM EST
Sabti, Feberaayo, 17, 2018 (HOL)-Orodyahan reer London ah ayaa kaalinta kowaad ku guulaystay tartankii ciyaaraha fudud ee orodka oo lagu qabtay magaaladda Hargeysa.

2/17/2018 9:20 AM EST
Sabti, Feberaayo, 17, 2018 (HOL)-Gulfood 2018 ama Carwada Cuntada Aduunka 2018 oo sannadkiiba mar lagu qabto magaalda Dubai ee isutaga Imaaraadka Carabta ayaa berri ka furmi doona Dubai.

2/17/2018 9:09 AM EST
Sabti, Feberaayo, 17, 2018 (HOL)-Dowladda Qatar ayaa ugu deeqday dowladda Soomaaliya ilaa 30 gaari oo o loogu talagaly ciidamada Booliska Soomaaliyeed, kaddib munaasabad kooban oo ka dhacday gudaha dekedda Muqdisho.

2/17/2018 8:52 AM EST
Sabti, Feberaayo, 17, 2018 (HOL)-Kulankan oo diiradda lagu saarayay xaaladaha dhanka ammaanka ee deegaanada Jubbaland iyo weliba sidii loo dardargelin lahaa....

2/17/2018 5:50 AM EST
Sabti, Feberaayo, 17, 2018 (HOL)-Wararka ka imanaya deegaanka Buq-A qable ee gobolka Hiiraan ayaa sheegaya goor dhaw Al-shabaab toogasho ku fuliyeen qof ay ku eedeeyeen in uu ka tirsanaa ciidamada dowladda.

2/17/2018 5:11 AM EST
Sabti, Feberaayo, 17, 2018 (HOL)-Xog-hayaha guud ee Qaraamada Midoobay Antonio Guiteras ayaa u magacaabay dalka Yemen Ergay gaar ah oo cusub oo bedelaya ergaygii hore ee Qaraamada Midoobay Waliika ugu ahaa dalkaasi Ismail Walad Shekh Ahmed.

2/17/2018 4:08 AM EST
Sabti, Feberaayo, 17, 2018 (HOL)-Garoonka diyaaradaha magaalada Muqdisho ayaa goor dhaw oo maanta ah laga soo dajiyay 11 tahriibayaal Soomaaliyeed oo muddo dheer ku dhibaateysnaa dalka Libiya.

2/17/2018 1:11 AM EST
Sabti, Feberaayo, 17, 2018 (HOL) - Dowladda Jarmalka ayaa xirtay muwaadin Soomaaliyeed oo magaciisa lagu soo kooban Abdulkadir , kaa oo la tuhusan yahay in uu ka tirsan yahay Ururka Al-shabaab.

2/17/2018 12:33 AM EST
Sabti, Feberaayo, 17, 2018 (HOL)- Waxaa soo baxaya dhaliillo loo jeedinayo howlgalada ciidamada dowladda iyo kuwa midowga Africa AMISOM ka wadaan qeybo ka mid ah gobolka Shabeellaha Hoose.

2/17/2018 12:18 AM EST
Sabti, Feberaayo, 17, 2018 (HOL) – Madaxa baaritaanada farogelinta la sheegay in Ruushka uu ku sameeyay doorashadii ka dhacday Mareykanka, Robert Mueller ayaa saddex iyo toban qof oo u dhashay dalka Ruushka ku eedeyay inay ku lug lahaayeen farogelinta Ruushka uu ku sameeyay doorashadii ka Mareykanka.

2/17/2018 12:07 AM EST
Sabti, Feberaayo, 17, 2018 (HOL) - Waxaa soconaya dadaal ballaaran oo dowladda Soomaaliya ugu jirto sidii loo soo badbaadin lahaa tahriibayaasha Soomaaliyeed ee ku dhibaateysan qeybo ka mid ah dalkaasi Libiya, kuwaa oo muddo dheer u xirnaa kooxo Magafayaal ah oo ka ganacsada dadka.

2/17/2018 12:02 AM EST
Sabti, Feberaayo, 17, 2018 (HOL)-Saraakiisha Booliiska gobolka Isiolo ee Waqooyi Barri Kenya ayaa sheegaya in ay gacanta ku dhigeen gaari laga soo buuxiyay walxaha Qarxa oo ka yimid dhinaca gudaha dalka Soomaaliya.