3/28/2024
Today from Hiiraan Online:  _
Wararka Maanta- Isniin, Feb 12, 2018
Axmed Madoobe : Arinta Maqaamka Muqdisho waa mid dastuuri ah

 

Isniin, Feberaayo, 12, 2018 (HOL) – Madaxweynaha Maamulka Jubbaland Axmed Maxamed Islaam (Axmed Madoobe) ayaa ka hadlay maqaamka caasimadda oo waqti badan soo jiitameysay, is qabqabsi badana faraha la galay, wuxuuna su’aal ka keenay maqaamka Muqdisho.

Wuxuu sheegay maqaamka caasimadda in mar walba meel loo jiido oo mararka qaar lagu eedeeyo in ay heystaan madasha iyo Baarlamaanka, wuxuuna tilmaamay arrintan in ay tahay mid dastuuri ah, muhiimna ay tahay in la qaxeexo maqaamka caasimadda iyo mida Gobolka, qof walba oo Soomaali ahna ay dan ugu jirto.

Axmed Madoobe ayaa sheegay shirarkii ugu dambeeyay ee ay yeelanayeen in ay ku baaqayeen in la dadejiyo  Maqaamka Caasimadda, wuxuuna sheegay in isaga uu horboodi doono dadka u doodaya maqaamka Muqdisho, taasi bedelkeeda wuxuu dalbaday in la yareeyo in la isku xanto arrintan.

“Waxaa aad looga hadlaa Gobolka Banaadir, Caasimadda, Maqaamka, xagee laga heystaa horta ? laakiin marka wax la sheeg sheegayo waxbaa afka la isku saar saaraa, mar waxaa la yiraahdaa madasha iyo Baarlamaanka ayaa heysta, waxaan is leeyahay arrintaasi waa mid Dastuuri ah, dhowr jeerna waan ka hadalnay, shirarkii uga dambeeyay waxaan uga hadleynay in la dadejiyo maqaamka, aniga ayaana horgal u noqon doona, waxaan rajeynaa arrintan in hada kadib aanan la isku xaman doonin” ayuu yiri Axmed Madoobe.

Madaxweynaha Maamulka Jubbaland ayaa hadalkan ka sheegay xilli xalay uu magaalada Muqdisho uga qeyb galay munaasabad casho sharaf aheyd oo maamulka gobolka Banaadir uu u sameeyay Madaxda dowlad Goboleedyada oo ka qeyb galay shirka golaha Amniga oo 10-kii bishan la soo gaba gabeeyay.

Guddoomiyihii hore ee Gobolka Banaadir Thaabit Cabdi Maxamed oo 21-kii bishii January 2018 uu xilka ka qaaday Madaxweynaha Soomaaliya ayaa sheegay wax-yaabaha xilkiisa uu ku waayay in ay ka dhasheen laba arrimood oo kala ah xasiloonida iyo nabadgelyada Gobolka Banaadir iyo shirka wadatashiga Nabadeynta iyo horumarinta gobolka Banaadir oo looga hadli lahaa maqaamka Muqdisho, waxayna tani muujineysaa in madaxda dowladda Federaalka aysan la dhacsaneyn Maqaamka caasimadda.

C/raxmaan Diini, Hiiraan Online
[email protected]













Click here
2/12/2018 10:03 AM EST
Isniin, Feberaayo, 12, 2018 (HOL) - Wasiirka Wasaaradda Maaliyada xukuumadda Soomaaliya Cabdiraxmaan Ducaale Beyle oo shir jaraa’id ku qabtay xafiiskiisa ayaa si adag uga hadlay eedeyn uga timid ganacsatada gobolka Banaadir oo sheegay in si gaar loogu soo rogay canshuurro dheeraad ah.

2/12/2018 9:45 AM EST
Isniin, Feberuary,12,2018 (HOL)–Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa eedeen usoo jeediyey shirkad maalgashi oo la sheegay inay Somaliland leedahay oo wadanka Imaaraadka Carabta laga diiwaangaliyey.

2/12/2018 9:40 AM EST
Isniin,Feberaayo 12,2018 (HOL)- Ciidanka Booliska Somaliland ayaa sheegay inay gacanta ku soo dhigeen gacan ku dhiigle saaka nin Toorey ku dillay magaaladda Hargeysa.

2/12/2018 7:44 AM EST
Isniin, Feberaayo,12, 2018 (HOL)-Qarax Miino ayaa kololyo ay la socdeen ciidamada howlgalka midowga Africa AMISOM lagula eegtay duhurnimadii maanta duleedka degmada Balcad ee Gobolka Sh/dhexe.

2/12/2018 6:09 AM EST
Isniin, Feberaayo, 12, 2018 (HOL)-Warar dheeraad ah ayaa ka soo baxaya dagaalo saakay ka dhacay deegaanno ka tirsan gobolka Sh/hoose.

2/12/2018 5:46 AM EST
Isniin, Feberaayo, 12, 2018 (HOL)-Mas'uuliyiinta dalka Ruushka ayaa sheegaya in ay darsayaan dhawr arrimood oo ay suurtagal tahay in ay sababeen in ay soo dhacdo diyaarad ku burburtay meel ka baxsan magaalada caasimadda ah Moscow.

2/12/2018 2:59 AM EST
Isniin, Feberaayo, 12, 2018 (HOL)–Wararka ka imanaya degmada Balcad ee gobolka Shabeellaha Dhexe ayaa sheegaya in gaari xamuul oo mareeyay deegaan dulleedka Waqooyi ka xiga degmada miino la qaraxday.

2/12/2018 1:48 AM EST
Isniin, Feberaayo, 12, 2018 (HOL) - Xeer ilaaliyaha Guud ee Qaranka Dr. Axmed Cali Daahir ayaa sheegay in lala xisaabtamayao Taliyeyaasha Ciidamada ee ka howlgala saldhigyada Ciidamada Booliska Soomaaliya.

2/12/2018 1:13 AM EST
Isniin, Feberaayo, 12, 2018 (HOL) – Saraakiisha Booliiska Kenya ayaa sheegay in ay heleen meydadka saddex dagaalame oo ka tirsan Al-Shabaab, kuwaasoo lagu dilay dagaal ka dhacay Saldhig Boolis oo ku yaalla deegaanka Katulo ee Gobolka Wajeer ee gobolka Waqooyi Bari.

2/12/2018 12:51 AM EST
Isniin, Feberaayo, 12, 2018 (HOL)–Ururka Al-shabaab ayaa sheegtay in maalmihii ugu danbeeyay sida ay hadalka u dhigeen xoogag iyaga ka tirsan dilal ka fuliyeen deegaanno ka tirsan gobollada Hiiraan iyo Gedo.

2/12/2018 12:37 AM EST
Isniin, Feberaayo, 12, 2018 (HOL)–Wasaaradda Arrimaha Gudaha Maamulka Puntland ayaa sheegtay sanadkii la soo dhaafay xeebaha Puntland in ay ka Tahriibeen dad tiradooda ay kor u dhaafeyso 35,000 oo qof, kuwaasi oo u badan dhalinyaro.

2/12/2018 12:30 AM EST
Isniin, Feberaayo, 12, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo khudbad ka jeedinayay munaasabad casho sharaf aheyd oo xalay xarunta dowladda hoose ee Xamar loogu qabtay mas’uuliyiinta dowlad gobolleedyada ayaa ka hadlay arrimo dhowr ah oo quseeya hormarka .