4/11/2021
Today from Hiiraan Online:  _
Wararka Maanta- Axad, Feb 11, 2018
Somaliland oo Shiidaalkii kor ugu kacay iyo saameynta uu ku yeeshay shacabka



Axad, Feberaayo 11,2018  (HOL)- Somaliland ayaa labaddii cishe u dambeeyey shiidaalkii kor u kacay, isla markaana gaadiidleydii isticmaali jirtay ay cab asho ka muujiyeen.

Shiidaalka kacay waxa uu saameeyey danyartii markii horeba sicir bararka la dhibaataysnayd, waxaanay sheegeen inay hal mar ku waabariisteen kor u kaca ku yimid Shiidaalka.

Maalin ka hor wuxu Tobanka litir ee Patroolka lagu iibin jirey 7.5 dollar, halka maanta uu marayo 8.5 dollar, sidoo kale, Naaftadda Tobanka Litir waxa hore loo siin jirey lix iyo badh dollar, halka uu imika marayo toddobada iyo badh dollar.

Illaa hada lama garanayo waxa kiciyey shiidaalka iyadoo aduunka kale aan la sheegin in uu ka kacay, haseyeeshee kaalmaha ayaa ku eedeeyye inay shiidaalka kiciyeen shirkadaha maamula haamaha shiidaalka oo kolba waxay doonaan siiya shiidaalka iyadoo caalamka kale aanu ka kicin.

Shiidaalkankan ka kacay waxa uu saamayn togan ku yeelanaya qoysaskii oo hadda aad u isticmaala, Gaadiidka iyo warshadaha Laydhka oo iyaguna markay maqlaan shiidaal baa la kordhiyey markiiba dadka si gaara lacago badan.

Dhinaca kale, wasiirka Ganacsiga,ayaa la shiray shirkadaha keenna Shiidaalka, waxaana shir socday saacado badan laga soo saaray go’aamo shiidaalka lagu iibin doonno.

Wasiirka Ganacsiga Maxamuud Saajin ayaa go’aamadan soo saaray waxa uu yidhi “Shirkadaha dibada ka keenna suuqa ayaa keenay inay kordhiyaan laakiin dadka kaalmaha wax daruuri ahi kuma keenin kordhinta waxaanu nidhi wax ka tanaasula waxaana meesha ka saarayaan kordhintii, waxaana Naaftadda halka Litir lagu iibinayaa Todoba kun iyo laba boqol oo shiling Somaliland, halka Patroolka sideed kun iyo laba boqol shiling Somaliland.”

Go’aamadan laga soo saaray aan wax weyn ka dhimayn qiimihii lagu kordhiyey, isla markaana shirkadaha dibadda ka keenay ka jawaabin sababta u kordhiyeen.

Barkhad-ladiif M. Cumar, Hiiraan Online

[email protected]

Hargeysa, Somaliland.












Click here
2/11/2018 11:09 AM EST
Axad,Feberuary,11 2018 (HOL)–Wasiirka horumarinta reer Miyiga iyo deegaanka Somaliland Shukri Xaaji Ismaaciil Boondaro ayaa sheegay in sagaal qof loo qabtay Diiman la doonayo in la dhoofiyo.

2/11/2018 9:51 AM EST
Axad, Feberaayo, 11, 2018 (HOL)–Dowladda Soomaaliya ayaa sheegtay in la xoojin doono duqeymaha ka dhanka ah dagaalyahannada Al-shabaab ee ka socda gudaha Soomaaliya.

2/11/2018 9:38 AM EST
Axad, Feberaayo, 11, 2018 (HOL) -Wasaarada Maaliyada Xukuumada Soomaaliya ayaa Canshuur dheeraad ah kusoo rogtay ganacsatada gobolka Banaadir, iyaga oo sheegay in aan si siman canshuurta looga qaadin dhamaan ganacsaada dalka.

2/11/2018 5:24 AM EST
Axad,, Feberaayo, 11, 2018 (HOL)-Waxaa magaalada Muqdisho ka furmay shir looga hadlayo arrimaha socdaalka wadamada ku jira Urur gobolleedka IGAD, kaa oo ay ka qeygalayaan xubnaha.

2/11/2018 4:29 AM EST
Axad,, Feberaayo, 11, 2018 (HOL) -Iyadoo wali aan la soo magacaabin muddo ka badan saddex bilood xilalka taliyayaasha Nabad-sugida iyo Booliiska, ayuu sheegay in madaxweyne Farmaajo in sida ugu dhaqsiyaha badan dowladdiisu u magacaabi doonoto xilalka taliyayaasha wali bannaan.

2/11/2018 1:35 AM EST
Axad, Feberaayo, 11, 2018 (HOL)–Xoghayaha guud ee Qaramada Midoobay, Antonio Guterres, ayaa ku baaqay in sida ugu dhaqsiyaha badan loo joojiyo xiisadda u dhaxaysa Israa'iil iyo Suuriya.

2/11/2018 12:39 AM EST
Axad, Feberaayo, 11, 2018 (HOL)–Waxaa soconaya dadaallo dowladda Soomaaliya ku dooneyso in ay dalka dib ugu soo celiso dhalinyarada Soomaaliyeed ee ku dhibateysan dalka Liibiya sida uu sheegay danjiraha Soomaaliya u fadhiya Midowga Yurub Cali Saciid Faqi.

2/11/2018 12:19 AM EST
Axad, Feberaayo, 11, 2018 (HOL)–Wararka ka imanaya degmada Afgooye ee gobolka Shabeellaha Hoose ayaa sheegaya in xaaladu degan kaddib dagaal culus oo xalay halkaa ku dhaxmaray ciidamada dowladda iyo Al-shabaab.

2/11/2018 12:15 AM EST
Axad, Feberaayo, 11, 2018 (HOL)–Kurdiyiinta ayaa xaqiijiyay in ay soo rideen diyaarad kuwa qumaatiga u kaca oo ay leedahay dowladda Turkiga gobolka Afrin ee dalka Suuriya.

2/11/2018 12:11 AM EST
Axad, Feberaayo, 11, 2018 (HOL)–Guud ahaan degmooyinka dalka Jabuuti waxaa ka socda ololaha doorashooyinka Baarlamaanka dalkaasi, waxaana ku tartamaya xisbiyada isku tagay aqlabiyadda madaxtooyada UMP iyo xisbiyada EDG PDD iyadoo ay ku tartamayaan ilaa 65 xildhibaan oo kasoo bixi doonta dhamaan dalka Jabuuti oo dhan.

2/11/2018 12:08 AM EST
Axad, Feberaayo, 11, 2018 (HOL)–Dowladda Federaalka Soomaaliya iyo maamul gobolleedyada ayaa markii ugu horeysay ku heshiiyay Wadaaga Kheyraadka Badda iyo sharciga Kaluumeysiga kaddib kulan ugu soo dhamaaday magaalada Muqdisho.

2/11/2018 12:05 AM EST
Axad, Feberaayo, 11, 2018 (HOL) – Waxaa lagu soo gabagabeeyay magaalada Muqdisho saqdii dhexe ee xalay shir maalmihii ugu danbeeyayba u soda madaxda federaalka, maamul gobolleedyada iyo gobolka Banaadir, waxaana war-murtiyeed ka soo baxay shirka lagu xeeqay qodobo dhowr ah oo dhinayadu ku heshiiyeen.