Sabti, December, 08, 2018 (HOL)- Munaasibad aad u balaadhan oo lagu qabtay magaalada
Taleex ee gobolka Sool ayaa laga soo saaray qodobo dabar looga dhigay nabad
waarta oo soo gabagabaysa colaad ku dhowaad toban sano ka taagnayd halkaas.
Xafladan oo ay ka soo qayb galeen Madax dhaqameed,
Culimada, Aqoonyahanka, iyo bulshaweynta magaaladaasi ayaa lagaga hadlay
dhibaatooyinkii mudadii colaadaasi taagnayd sooaray iyo dibu dhaca ku yimi.
Garaad Saleebaan Garaad Maxamed oo halkaasi ugu horayn ka
hadlay ayaa waxa uu ku dheeraaday mahad celinta dad mudada ugu sugnaa Taleex ee
dantoodii u baajiyey, waxaanu ku dhawaaqay in ay qaateen xukunka isagoo ku
hadlayey afka reer Taleex.
Boqor Burhaan Boqor Muuse oo hadal dheer halkaasi ka soo
jeediyey ayaa sheegay in nabada ay maanta u taagan yihiin ay ka timi dadka
Taleex iyaguna ay is raacinteeda iyo xaalxaalkeeda ay u yimaadeen, isagoo
intaas ku daray in ay diirada ku haynayaan wixii ka soo noqda , cidii maanta
jebisa nabadaana in wax layska yidhi ayuu farta ku mudday.
Labada Caaqil ee labada beelood Caaqil Ismaaciil Maxamed
Cali Koore iyo Caaqil Shiine Xaaji Cali Shire ayaa si qiiro leh ugu dhawaaqay
in ay dhab ka tahay nabadaa maanta la dhidbay in ay iska kaashanayaan
illaalinteesana labada dhinacba way xuseen.
Go' aamada shirkaasi laga gaadhey ayaa ah kuwan :
Seynab Cabdi Warsame
Laascaanood G Sool.
