Wasiir Faratoon : Mar walba Somaliland diyaar ayeey u tahay wada hadallada Soomaaliya
Sabti, December, 08, 2018 (HOL)- Wasiirka Wasaarradda arrimaha
dibedda Somaliland Yaasiin Xaaji Maxamuud Faratoon ayaa sheegay in Somaliland
mar walba diyaar u tahay wada hadal ay la gasho Soomaaliya.
‘’Somaliland mar kasta diyaar bey
u aheyd mana ka hor iman wada hadal lala
galo Soomaaliya, diyaar ayeey-na u tahay in ay Soomaaliya wada hadalaan oo
wixii leysku hayo miiska la soo dhiggo’’ ayuu yiri Wasiirka arrimaha dibedda
Somaliland oo la hadlayay Idaacada VOA.
Mar wax laga weydiiyay dowladda
Mareykanku qorsheyneyso in safaaraddeeda u rarto magaalada Muqdisho waxa uga
qorsheysan Somaliland in ay ku qasbanaan doonaan in ay tagaan safaaradda
Mareykanka ee Muqdisho ayuu yiri ‘’ Maya taasi marnaba ma dhici karto, haddii
ay Mareykanka safaaraddooda u raraan magaalada Muqdisho, dabcan iyaga ayeey u
talaa sida aan isku arkeyno iyo goobta
kale oo aynu ku kulmi karno’’ ayuu yiri Wasiirka.
Hadalka Wasiirka ayaa imanaya
iyadoo dhawaan madaxweynaha Somaliland Muuse Biixi Cabdi sheegay in aysan la
hadli doonin dowladda Soomaaliya ilaa ay ogolaato sida uu hadalka u dhigay
madax-bannaanidda Somaliland.
Laakiin dhawaan waxaa magaalada Hargreysa
tahay saraakiil ka socda midowga Yurub oo kala hadlay madaxweynaha Somaliland
wada hadallada Soomaaliya iyo sidii dib loogu bilaabi lahaa.
C/raxmaan Diini, Hiiraan
Online
[email protected]