11/15/2019
Today from Hiiraan Online:  _
Wararka Maanta- Jimco, Dec 7 , 2018
Laan cusub oo maqaayadda Kulan Caffe oo Nairobi laga furey



Jimco,December,07,2018 (HOL) - Munaasabad lagu furayey maqaayada Kulan Caffe laanteeda saddexaad, ayaa lagu qabtay shaley magaalada Nairobi ee dalkan Kenya, iyadoo ay kasoo qeyb galeen xaflad madax iyo ganacsato fara badan.

Waxaa furitaankeedii ka qeyb galey siyaasiyiin, ganacsato, mas’uuliyiin xilal ka haya dowladda Kenya, oo uu kamid yahay xildhibaanka degmada Kamakunji Yuusuf Xasan Cabdi, iyo maamulka maqaayada cusub ee Kulan Caffe.

Ganacsatadii iyo waxgaradkii madasha lagu furayey maqaayada ka hadlay, ayaa soo dhoweeyey furitaanka Kulan Caffe, iyagoo maamulka maqaayada cusub ku dhiira galiyey balaarinta xarunta ganacsi ee Kulan Caffe, maadaama ay shaqa abuur u tahay dhalinayo badan.

Xildhibaan Yuusuf Xasan Cabdi oo goobta ka hadlay, ayaa maamulka maqaayada Kulan Caffe kaga mahad celiyey balaarinta ay wadaan, isagoo sheegay inu ku faraxsan yahay in qeybtii koobaad ee maqaayada Kulan Caffe laga furay xaafada Islii ee magaalada Nairobi.

“Maamulka maqaayada Kulan Caffe waxaan ku amaaneynaa dedaalka ay wadaan iyo balaarinta maqaayada. Kulan waliba waxaa ku dhiira galineyna horumarkooda, waxaan rajeynaynaa in maqaayada Kulan Caffe ay gaarto meelo badan oo kamid ah caalamka”, ayuu yiri Yusuf Xasan.

Milkiilaha maqaayada cusub ee Kulan Caffe Xasan Warsame, ayaa ka sheekeeyey waxyaabaha ay qaban doonto maqaayada cusub ee uu furay, iyo waxyaabaha ay kaga duwan tahay maqaayadaha kale ee ku yaalla magaalada Nairobi.

“Waa maqaayadii saddexaad ee aan ka furno magaalada Nairobi, waliba qeybtii koobaad ee Kulan Caffe waxaan ka furnay xaafada Islii, waxaa mar waliba aynu ka shaqeyn jirney sidii aan usii balaarin laheyn maqaayada Kulan Caffe”, ayuu yiri maamulka maqaayada ee Xasan Warsame.

Maqaayada Kulan Caffe oo ah maqaayad ay leeyihiin ganacsato Soomaaliyeed, ayaa xaruntan cusub ee ay ka furtay magaalada hoose ee Nairobi, waxey noqoneysaa xaruntii saddexaad ee maqaayadda.










Click here
12/7/2018 12:14 PM EST
Jimco, December, 07, 2018 (HOL)– Hay'adda sirdoonka iyo nabadsugidda Soomaaliya ayaa shaacisay in gacanta lagu dhigay labo xubnood oo ka tirsan kooxda al-Shabaab.

12/7/2018 12:12 PM EST
Jimco, December, 07, 2018 (HOL)– Dalalka Nigeria iyo Soomaaliya ayaa kaalinta 1-aad iyo midda 2-aad uga jira waddamada ay sannadka 2018-ka ka dheceen falalka ugu badan ee la xiriira argagixisanimada ee guud ahaan qaaradda Afrika.

12/7/2018 12:07 PM EST
Jimco, December, 07, 2018 (HOL)– Maxkamad ku taalla deegaanka Shanzu, ee is maamulka Mombaasa ayaa maanta waxaa ka soo muuqday John Maina Wang’ombe, oo khamiistii dilay labo gabdhood oo uu isagu dhalay.

12/7/2018 11:53 AM EST
Jimco, December, 07, 2018 (HOL)– Musharraxa Madaxweynaha Puntland ee doorashada 2019 ,Mudane Asad Cismaan Cabdullaahi ayaa maanta lagu soo dhaweeyey magaalada dhaqanka ee Qardho.

12/7/2018 11:15 AM EST
Jimco, December, 07, 2018 (HOL) - Kulan si ballaaran looga soo qayb-galay oo ay soo qabanqaabisay Diane Deans oo ah haweeneey laga soo doorto xaafadda Gloucester-Southgate ee koonfurta magaalada Ottawa ayaa si weyn looga hadlay ka hortagga dilalka hubeysan

12/7/2018 10:25 AM EST
Jimco, December, 07, 2018 (HOL)–Madaxweynaha Soomaaliya Maxamed Cabdulaahi Farmaajo ayaa ka qayb galay Tukashada Salaad Jinaaza ah iyo aas Qaran oo loo sameeyay Allaha u naxariistee Taliyihii iyo abaan duulihii Guutada 12-ka April ee Ciidanka XDS, Jan, Cumar Aaden Dubbad (Cumar Dheere) iyo Jen, Cabdi Cali Jammaame, oo Shalay ku dhintay qarax ka dhacay nawaaxiga Dhanaane ee Gobolka Shabeellada hoose.

12/7/2018 8:22 AM EST
Jimco, December, 07, 2018 (HOL)–Magaalada Taleex oo ku dhowaan toban sano lahayd xad cagaaran oo aan laysu gudbin ayaa maanta si nuuxda loo soo afjaray, kadib wadahadal todobaadyadii la soo dhaafay oo ay madax-dhaqameed kala duwan ka qayb qaateen.

12/7/2018 6:38 AM EST
Jimco,December,07,2018 (HOL)– Garyaqaanka Guud ee Puntland,Maxamed Yuusuf Maxamuud ayaa qoraal uu soo saaray maanta wuxuu kaga hadlay khilaafka ka dhashay magacaabiista guddiga ansixinta iyo xallinta khilaafaadka Baarlamaanka ee u dhaxeeya madaxweynaha Puntland iyo ku-xigeenkiisa.

12/7/2018 6:26 AM EST
Jimco,December,07,2018 (HOL)– Golaha wasiirrada Puntland ayaa galinkii dambe ee khamiistii ansixiyay gobolka Taleex oo xaruntiisu noqon doonto degmada Taleex.

12/7/2018 5:56 AM EST
Jimco, December, 07, 2018 (HOL)–Saraakiisha maamulka dowlad deegaanka Soomaalida ayaa sheegay in ciidamada amniga gacanta ku dhigeen hub iyo walxaha Qaraxa.

12/7/2018 3:19 AM EST
Jimco, December, 07, 2018 (HOL)-Taliyaha ciidamada xoogga dalka Soomaaliya S/gaas Daahir Aadan Cilmi Indhaqarshe ayaa tacsi u diray dhammaan Qoysaska iyo Shacabka Soomaaliyeed ay ka shahiideen General Cumar dheere oo ahaa taliyihii qeybta 12April iyo Abaandullaha qeybta 12April ee ciidanka xoogga dalka General Cabdi Cali Jamaame kuwaasi oo shalay ku geeriyooday qarax miino oo ka dhacay meel u dhow degaanka Dhanaane ee Gobolka Shabellaha Hoose.

12/7/2018 2:50 AM EST
Jimco, December, 07, 2018 (HOL) - Hay'adda Dhakhaatiirta aan Xuduudda Lahayn ee magaceeda loo soo gaabiyo MSF ayaa lagu qasbay in ay soo afjarto qorshihii ay ku badbaadin jirtay dadka ku tahriibada badda Mediterranean-ka.

12/7/2018 1:35 AM EST
Jimco, December, 07, 2018 (HOL)-Taliyaha ciidamada Boliiska Soomaaliyeed,Sarreeye Gaas, Bashiir Cabdi Maxamed, oo safar shaqo ku jooga dalka Jabuuti ayaa tababar ugu soo xiray halkaasi Cutubyo ka tirsan Boliiska Soomaaliyeed.

12/7/2018 1:02 AM EST
Jimco, December, 07, 2018 (HOL)-Madaxweynaihii hore ee Maraykanka George H.W. Bush ayaa xalay fiidkii lagu aasay Gobolka Texas kadib markii toddobaad xflado duco ah loo sameeyey dalkan.