Jimco, December, 07, 2018 (HOL) – Saraakiisha maamulka
dowlad deegaanka Soomaalida ayaa sheegay in ciidamada amniga gacanta ku dhigeen
hub iyo walxaha Qaraxa.
Qarax-yadda ayeey sheegeen saraakiishu in ay u
badnaayeen miinooyin, waxaana la doonaayay in lagu weeraro xarumo ku
yaalla Magaalada Jigjiga, sidda ay sheegeen saraakiisha ciidanka booliska
dowlad degaanka Soomaalida.
Taliyaha ciidamada Booliiska dowlad deegaanka
Soomaalida Maxamed Xasan ayaa sheegay in Qaraxyaddaan ay soo abaabuleen
Mas’uuliyiin ka tirsanaa maamulkii madaxweyne Cabdi Maxamuud Cumar ee Tallada
si xoogga ah looga tuuray.
Waxaa uu intaa ku daray in ay gacanta ku hayaan
xubno lagu eedeeyay in ay ka dambeeyeen Qarax-yadda, islamarkaana dhawaan maxkamad
lasoo taagi doono.
Madaxda dowlad deegaanka ayaa horay u sheegay in
xubno ka tirsanaa maamulkii hore ay qaraxyo kasoo abaabulayaan Maamulada,
Somaliland, Jubbaland iyo Puntland.
C/raxmaan Diini,
Hiiraan Online
[email protected]