3/29/2024
Today from Hiiraan Online:  _
Wararka Maanta- Khamiis, Aug 9 , 2018
Siyaasiyiin, odayaal iyo wax-garad eedeyn u jeediyay dowladda Soomaaliya


Khamiis, August, 09, 2018 (HOL)- Odayaal wax-garad iyo siyaasiyiin ka soo jeeda beesha Carab Soomali ayaa siweyn uga soo horjeestay isku-shaandheyn uu dhawaan sameeyay ra’iisal wasaaraha xukuumadda Soomaaliya.

Ra’iisal wasaare Kheyre ayaa isku-shaandheyntaas xilkii Wasiirka ku-xigeenka Shaqada iyo Shaqaalaha uga qaaday Cabdicasiis Carmaan oo ka soo jeeda beesha Carab Soomaali, iyaga oo taallaabadaas ku tilmaamid lagu dulmay guud ahaanba xuquuuqdii ay beesha ku laheyd dowladda dhexe ee Soomaaliya.

Kulankan ay yeesheen siyaasiyinta iyo wax-garadka beesha ayaa lagu faray madaxweynaha iyo ra’iisal wasaaraha Soomaaliya  in ay arintan hoos u eegaan, islamarkaana sida ugu dhaqsiyaha badan loo soo celiyo kursigii ay beeshu laheyd.

‘’Madaxweynaha Soomaaliya iyo ra’iisal wasaaraha labadu-ba waxaa leenahay waa in si deg deg ah loo soo celiyaa kursigii aan ku laheyn xukuumadda, ama waa in ay u cadeeyaan beesha in aysan wax xuquuq ah ku laheyn dalka ‘’ ayuu yiri Ibraahim Saalax Deyful-laahi oo ah xildhibaan hore.

Xildhibaan Maxamed Cabdulla Deeqoow Carab oo ka tirsan mudanayaasha baarlamaanka Hirshabeelle ayaa arin nasiib darro ah ku tilmaamay dowladdu xaqirto sida uu hadalka u dhigay masabka siyaasadeed ee beesha.

”Waa wax laga xumaado ah in beel dhan la xaqiro xubintii ay ku laheyd dowladda, hadda waxaan leenahay hal xildhibaan oo kaliya, Farmaajo iyo Kheyre ha qaateen xildhibaan-kana kursigiisa, madaxda dowladda waxaa leenahay dadkan u keena diyaarado oo dalka ka saara haddii aysan wax xuquuq ah ku laheyn ayuu yiri xldhibaan Deeqoow.

Dhinaca kale qaar ka mid ah wax-garadka beesha ayaa  sheegay in kursigan la sii sadeeyay, kaddib markii wasiir ku-xigeenka cusub ee hadda la magacaabay oo horay u ahaa wakiilka Jaamacada Carabta booskiisii lagu badallay Prof Maxamed Cumar Dalxa oo ka mid ahaa xildhibaannadii sida weyn u taageeray xiligii uu socday mooshinkii ka dhanka ahaa Prof Maxamed Cismaan Jawaari.

Kulankan ayaa imaanaya xili beesha Carab Soomaali ay walaac badan ka muujisay habka iyo wadiiqada loo maray xil ka qaadista Wasiir ku-xigeenkii Shaqada iyo Shaqaale oo hadda ah xubin ka tirsan baarlamanka Soomaaliya.

C/raxmaan Diini, Hiiraan Online
[email protected]













Click here
8/9/2018 3:34 PM EST
Khamiis, August, 09, 2018 (HOL)- Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo kulan la qaatay Guddoomiyaha Hay’adda Gaadiidka Gurmadka Caafimaadka ee Aamin Ambalaas Dr. Cabdiqaadir Cabdiraxmaan Xaaji ayaa kala hadlay sidii loo joogteyn lahaa adeegyada caafimaad ee hay’addan.

8/9/2018 11:38 AM EST
Khamiis, August, 09, 2018 (HOL)- Shirkii golaha Wasiiradda Somaliland ayaa maanta lagaga hadlay wax-soo-saarka Beeraha,waxaana la sheegay in la doonayo sidii dalku isku filnaansho uga gaadhi lahaa wax soo saarka dalagyada kala duwan ee Beeraha.

8/9/2018 10:01 AM EST
Khamiis, August, 09, 2018 (HOL)- Madaxweynaha Soomaaliya Maxamed Cabdullaahi Farmaajo ayaa wareegto uu soo saaray waxaa uu ku magacaabay Garsoore-yaasha Maxkmadda Sare ee dalka, keddib soojeedin ka timid Guddoomiyaha Maxkamadda Sare Mudane Baashe Yuusuf Axmed.

8/9/2018 9:35 AM EST
Khamiis, August, 09, 2018 (HOL)- Tiro dad ah ayaa ku dhintay kuwa kalana way ku dhaawacmeen weerar lagu qaaday gaari Bas ah oo siday caruur Waqooyiga Yemen.

8/9/2018 6:53 AM EST
Khamiis, August, 09, 2018 (HOL)- Wareegto ka soo baxday xafiiska ra’iisal wasaaraha xukuumadda Soomaaliya Xassan Cali Kheyre ayaa shaqadii looga joojiyay wasiir ku-xigeenkii wasaaradda arrimaha dibedda Mukhtaar Mahad Daa’uud.

8/9/2018 3:42 AM EST
Khamiis, August, 09, 2018 (HOL)- Xukuumadda Soomaaliya ayaa raadineysa guddoomiye cusub oo uu yeesho Bankiga dhexe ee Soomaaliya, kaddib xayiiysiin ku soo baxday Wargeyska todobaadlaha ah ee ka faalooda arrimaha dhaqaalaha iyo ganacsiga ee The Economist.

8/9/2018 2:40 AM EST
Khamiis, August, 09, 2018 (HOL)- Ururka Al-shabaab ayaa sheegtay in ay ka danbeeyeen dilka Askar ka tirsanaa ciidamada Kenya oo qarax lagula eegtay deegaanka Lamu Arbacadii shalay.

8/9/2018 1:32 AM EST
Khamiis, August, 09, 2018 (HOL)- Warar kala duwan ayaa faah faahinno dheeraad ah ayaa ka soo baxaya xaalada uu ku sugan yahay madax-weynihii hore ee dowlad deegaanka Soomalida Itoobiya Cabdi Maxamud Cumar oo dhawaan magaalada Jigjiga ka kaxeys-teen ciidamada militeri-ga Itoobiya.

8/9/2018 1:10 AM EST
Khamiis, August, 09, 2018 (HOL) – Wasiirka Wasaarrada arrimaha dibedda Soomaaliya Axmed Ciise Cawad ayaa markii ugu horeysay ka hadlay go’aanka dowladda Soomaaliya ay ku garab istaagtay dowladda Sacuudiga oo khilaaf dhinaca Diblomaasiyada ah uu soo kala dhax-galay dalka Canada.

8/9/2018 12:52 AM EST
Khamiis, August, 09, 2018 (HOL)–Soomaalida ku dhaqan dalka Canada qaarkood ayaa si xoogan uga hor timid go’aankii dowladda Soomaaliya ay isku barbar taagtay dowladda Sacuudiga oo khilaaf dhinaca Dibloomaasiyadaha uu kala dhaxeeyo dalka Canada.