11/14/2018
Today from Hiiraan Online:  _
Wararka Maanta- Khamiis, Aug 9 , 2018
Shirkii golaha wasiirada Somaliland oo looga hadlay wax soo saarka Beeraha


 

Khamiis, August, 09, 2018 (HOL)- Shirkii golaha Wasiiradda Somaliland ayaa maanta lagaga hadlay wax-soo-saarka Beeraha,waxaana la sheegay in la doonayo sidii  dalku isku filnaansho  uga gaadhi lahaa wax soo saarka dalagyada kala duwan ee Beeraha.

Shirkan waxa shirgudoominayey madaxweyne Muuse Biixi Cabdi, oo uu wehelinaayey Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (Saylici), waxaaana la sheegay in diiradda lagu saaray wax soo saarka beeraha.

“Tan iyo intii ay xukuumaddu talada dalka la wareegtay waxay ku hawlanayd sidii looga midho dhalin lahaa wax soo saarka beeraha, qarankuna u gaadhi lahaa isku filaansho dhinaca wax soo saarka dalagyada kala duwan ah, looguna dhiirrigelin lahaa bulshada Somaliland inay iskaashi ka sameeyaan dhanka wax soo saarka beeraha.”ayaa lagu yidhi war-saxaafadeed uu ku saxeexan yahay afhayeenka madaxweynaha Maxamuud Warsame Jaamac

Afhayeenku wuxu sheegay in hore looga hirgaliyey oo si fiican u socda Banka Wajaale, halka mashruucii labaadna laga hirgaliyey Banka Xaaxi ee gobolka Oodweyne kaasi oo noqonaya 900 oo higter in wax laga beero. Sidoo kale, xukuumaddu waxay sheegtay in gacan siinaysa beeralayda reer Somaliland, taas oo ay ka caawisay 9,000 oo qoys, qodaal saddex saacadood ah oo lacag la’aan ah, si loogu jiheeyo wax soo saarka dalka, shacbi iyo xukuumadna laysaga kaashado isku filaanshaha wax soo saar ee qaranka.

Barkhad-ladiif  M. Cumar, Hiiraan Online
[email protected]
Hargeysa, Somaliland. 







Click here
8/9/2018 3:34 PM EST
Khamiis, August, 09, 2018 (HOL)- Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo kulan la qaatay Guddoomiyaha Hay’adda Gaadiidka Gurmadka Caafimaadka ee Aamin Ambalaas Dr. Cabdiqaadir Cabdiraxmaan Xaaji ayaa kala hadlay sidii loo joogteyn lahaa adeegyada caafimaad ee hay’addan.

8/9/2018 2:35 PM EST
Khamiis, August, 09, 2018 (HOL)- Odayaal wax-garad iyo siyaasiyiin ka soo jeeda beesha Carab Soomaali ayaa siweyn uga soo horjeestay isku-shaandheyn uu dhawaan sameeyay ra’iisal wasaaraha xukuumadda Soomaaliya.

8/9/2018 10:01 AM EST
Khamiis, August, 09, 2018 (HOL)- Madaxweynaha Soomaaliya Maxamed Cabdullaahi Farmaajo ayaa wareegto uu soo saaray waxaa uu ku magacaabay Garsoore-yaasha Maxkmadda Sare ee dalka, keddib soojeedin ka timid Guddoomiyaha Maxkamadda Sare Mudane Baashe Yuusuf Axmed.

8/9/2018 9:35 AM EST
Khamiis, August, 09, 2018 (HOL)- Tiro dad ah ayaa ku dhintay kuwa kalana way ku dhaawacmeen weerar lagu qaaday gaari Bas ah oo siday caruur Waqooyiga Yemen.

8/9/2018 6:53 AM EST
Khamiis, August, 09, 2018 (HOL)- Wareegto ka soo baxday xafiiska ra’iisal wasaaraha xukuumadda Soomaaliya Xassan Cali Kheyre ayaa shaqadii looga joojiyay wasiir ku-xigeenkii wasaaradda arrimaha dibedda Mukhtaar Mahad Daa’uud.

8/9/2018 3:42 AM EST
Khamiis, August, 09, 2018 (HOL)- Xukuumadda Soomaaliya ayaa raadineysa guddoomiye cusub oo uu yeesho Bankiga dhexe ee Soomaaliya, kaddib xayiiysiin ku soo baxday Wargeyska todobaadlaha ah ee ka faalooda arrimaha dhaqaalaha iyo ganacsiga ee The Economist.

8/9/2018 2:40 AM EST
Khamiis, August, 09, 2018 (HOL)- Ururka Al-shabaab ayaa sheegtay in ay ka danbeeyeen dilka Askar ka tirsanaa ciidamada Kenya oo qarax lagula eegtay deegaanka Lamu Arbacadii shalay.

8/9/2018 1:32 AM EST
Khamiis, August, 09, 2018 (HOL)- Warar kala duwan ayaa faah faahinno dheeraad ah ayaa ka soo baxaya xaalada uu ku sugan yahay madax-weynihii hore ee dowlad deegaanka Soomalida Itoobiya Cabdi Maxamud Cumar oo dhawaan magaalada Jigjiga ka kaxeys-teen ciidamada militeri-ga Itoobiya.

8/9/2018 1:10 AM EST
Khamiis, August, 09, 2018 (HOL) – Wasiirka Wasaarrada arrimaha dibedda Soomaaliya Axmed Ciise Cawad ayaa markii ugu horeysay ka hadlay go’aanka dowladda Soomaaliya ay ku garab istaagtay dowladda Sacuudiga oo khilaaf dhinaca Diblomaasiyada ah uu soo kala dhax-galay dalka Canada.

8/9/2018 12:52 AM EST
Khamiis, August, 09, 2018 (HOL)–Soomaalida ku dhaqan dalka Canada qaarkood ayaa si xoogan uga hor timid go’aankii dowladda Soomaaliya ay isku barbar taagtay dowladda Sacuudiga oo khilaaf dhinaca Dibloomaasiyadaha uu kala dhaxeeyo dalka Canada.