3/29/2024
Today from Hiiraan Online:  _
Wararka Maanta- Khamiis, Aug 9 , 2018
Maxaa ka jira in Axmed Madoobe uu Itoobiya kala hadlayo xaalada Cabdi Maxamuud Cumar

 

Khamiis, August, 09, 2018 (HOL)- Warar kala duwan ayaa faah faahinno dheeraad ah ayaa ka soo baxaya xaalada uu ku sugan yahay madax-weynihii hore ee dowlad deegaanka Soomalida Itoobiya Cabdi Maxamud Cumar oo dhawaan magaalada Jigjiga ka kaxeys-teen ciidamada militeri-ga Itoobiya.

Cabdi Maxamuud Cumar ayaa hadda ku sugan magaalada Addis Ababa oo la sheegay in uu ku xiran yahay, inkastoo wararka qaar leeyihiin waxaa uu ku jiraa xabsi guri, halka warar kalana ay sheegayaan in halkaa amaankiisa lagu ilaalinayo.

Laakiin si kastaba dhinaca kale waxaa soconaya dadaallo la doonayo in dowladda Itoobiya lagala hadlo xaalada madaxweynihii hore ee dowladda deegaanka Soomaalida Itoobiya oo todobaadkan iska cislay xilkii madaxweyne kaddib khilaaf adag oo soo kala dhax-galay isaga iyo dowladda dhexe ee federaalka.

Bogga BBC-da qeybteeda Afka Soomaaliga ayaa lagu daabacay warar sheegaya in mas’uuliyiin uu ka mid yahay madaxweynaha maamulka Jubbaland Axmed Maxamed Islaam [Axmed Madoobe] u tageen Addis Ababa in ay kala hadlaan ra’iisal wasaaraha Itoobiya Abiy Ahmed xaalada Cabdi Maxamuud Cumar iyo guud ahaan-ba dowlad deegaanka Soomaalida Itoobiya.

Horay sidan oo kale Axmed Madoobe waxaa la sheegay in uu dowladda Itoobiya kala hadlay xariggii Cabdikariin Sheekh Muuse Qalbi-Dhagax oo markii la sii daayay munaasabad lagu qabtay Nairobi ka sheegay in sii deyntiisa uu gacan ka geystay madaxweynaha Jubbaland.

Dhinaca kale saraakiil heer caalami ah ayaa lagu wadaa in ay tagaan magaalada Addis Ababa kuwaa oo dowladda kala hadli doona qalalaasaha ka dhashay fara-galinta ciidamada federalka Itoobiya ee dowlad deegaanka Soomaalida.

C/raxmaan Diini, Hiiraan Online
[email protected]













Click here
8/9/2018 3:34 PM EST
Khamiis, August, 09, 2018 (HOL)- Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo kulan la qaatay Guddoomiyaha Hay’adda Gaadiidka Gurmadka Caafimaadka ee Aamin Ambalaas Dr. Cabdiqaadir Cabdiraxmaan Xaaji ayaa kala hadlay sidii loo joogteyn lahaa adeegyada caafimaad ee hay’addan.

8/9/2018 2:35 PM EST
Khamiis, August, 09, 2018 (HOL)- Odayaal wax-garad iyo siyaasiyiin ka soo jeeda beesha Carab Soomaali ayaa siweyn uga soo horjeestay isku-shaandheyn uu dhawaan sameeyay ra’iisal wasaaraha xukuumadda Soomaaliya.

8/9/2018 11:38 AM EST
Khamiis, August, 09, 2018 (HOL)- Shirkii golaha Wasiiradda Somaliland ayaa maanta lagaga hadlay wax-soo-saarka Beeraha,waxaana la sheegay in la doonayo sidii dalku isku filnaansho uga gaadhi lahaa wax soo saarka dalagyada kala duwan ee Beeraha.

8/9/2018 10:01 AM EST
Khamiis, August, 09, 2018 (HOL)- Madaxweynaha Soomaaliya Maxamed Cabdullaahi Farmaajo ayaa wareegto uu soo saaray waxaa uu ku magacaabay Garsoore-yaasha Maxkmadda Sare ee dalka, keddib soojeedin ka timid Guddoomiyaha Maxkamadda Sare Mudane Baashe Yuusuf Axmed.

8/9/2018 9:35 AM EST
Khamiis, August, 09, 2018 (HOL)- Tiro dad ah ayaa ku dhintay kuwa kalana way ku dhaawacmeen weerar lagu qaaday gaari Bas ah oo siday caruur Waqooyiga Yemen.

8/9/2018 6:53 AM EST
Khamiis, August, 09, 2018 (HOL)- Wareegto ka soo baxday xafiiska ra’iisal wasaaraha xukuumadda Soomaaliya Xassan Cali Kheyre ayaa shaqadii looga joojiyay wasiir ku-xigeenkii wasaaradda arrimaha dibedda Mukhtaar Mahad Daa’uud.

8/9/2018 3:42 AM EST
Khamiis, August, 09, 2018 (HOL)- Xukuumadda Soomaaliya ayaa raadineysa guddoomiye cusub oo uu yeesho Bankiga dhexe ee Soomaaliya, kaddib xayiiysiin ku soo baxday Wargeyska todobaadlaha ah ee ka faalooda arrimaha dhaqaalaha iyo ganacsiga ee The Economist.

8/9/2018 2:40 AM EST
Khamiis, August, 09, 2018 (HOL)- Ururka Al-shabaab ayaa sheegtay in ay ka danbeeyeen dilka Askar ka tirsanaa ciidamada Kenya oo qarax lagula eegtay deegaanka Lamu Arbacadii shalay.

8/9/2018 1:10 AM EST
Khamiis, August, 09, 2018 (HOL) – Wasiirka Wasaarrada arrimaha dibedda Soomaaliya Axmed Ciise Cawad ayaa markii ugu horeysay ka hadlay go’aanka dowladda Soomaaliya ay ku garab istaagtay dowladda Sacuudiga oo khilaaf dhinaca Diblomaasiyada ah uu soo kala dhax-galay dalka Canada.

8/9/2018 12:52 AM EST
Khamiis, August, 09, 2018 (HOL)–Soomaalida ku dhaqan dalka Canada qaarkood ayaa si xoogan uga hor timid go’aankii dowladda Soomaaliya ay isku barbar taagtay dowladda Sacuudiga oo khilaaf dhinaca Dibloomaasiyadaha uu kala dhaxeeyo dalka Canada.