11/17/2018
Today from Hiiraan Online:  _
Wararka Maanta- Arbaco, Aug 8 , 2018
Minnesota – Jaaliyadaha Qowmiyadaha Soomalida iyo Oromada oo baaq nabadeed jeediyay,SAWIRO & VIDEO


Arbaco, August, 08, 2018 (HOL) -Iyadoo bilihii ugu danbeeyayba ay dhacayeen dagaalo iyo iska horimaadyo u dhaxeeya labada Qowmiyadood ee Oromada iyo Soomaalida wada dega dalka Itoobiya oo ay ku naf-waayeen Boqolaal dad ah oo ka kala tirsan labada dhinac, ayaa waxaa baaq nabadeed oo arrintaa la xiriira diray markii ugu horeysay Jaaliydaha labada dhinac ee ku dhaqan gobolka Minnesota.

Shir jaraa’id oo ay wada jir ugu qabteen Masjidka Abuubakar Assidiiq ee magaalada Minneapolis waxaa ay ku cambaareeyeen dagaallada ka socda dhulka Soomaalida iyo Oromada ee dalka Itoobiya.

Culima’udiinka, Wax-garadka iyo Ganacsatada ka soo jeeda labada Jaaliyadood ayaa ku baaqay in si dhaqse ah loo joojiyo dagaallada, iyaga oo ugu baaqay dowladda dhexe ee Itoobiya in ay soo afjarto dagaallada ku sii fidaya deegaannada labada Qowmiyadood wada degaan.

Gaar ahaa waxaa shirkan jaraa’id baaq hoose loogu diray ra’iisal wasaaraha dalka Itoobiya Abiy Ahmed oo laga codsaday in dwladdiisu sugto amanka dadka sida gardarada ah loo leynayo ee aan wax-ba galabsan.

Waa markii ugu horeysay oo wada jir meel kaliya shir jara’id ku wada qabtaan Jaaliyadaha ka soo jeeda Qowmiyadaha Soomaalida iyo Oromada oo ka dhan ah dagaallada labada dhinac ku dhaxmaraya gudaha dalka Itoobiya.

C/raxmaan Diini, Hiiraan Online
[email protected]







Click here
8/8/2018 5:50 PM EST
Arbaco, August, 08, 2018 (HOL)–Xoghayihii joogtada Wasaarradda Maareynta Masiibooyinka Qaranka Maxamed Cumar Macalin ayaa sheegay in uu is casilay sababo la xiriira wax uu ku tilmaamay daruufo adag oo dhinaca shaqada ah oo la soo darsay

8/8/2018 12:39 PM EST
Arbaco, August, 08, 2018 (HOL)– Tan iyo wixii ka danbeeyay markii ay rabshaduhu ka dhaceen qeybo ka mid ah dhulka ismaamulka Soomaalida Itoobiya waxaa habi ahaanba is taagan dhaqdhaqaaqii iyo isku socodkii dadka iyo ganacsiga Jigjiga ay la laheyd qeybaha kale ee dalka iyo deegaannada dariska la ah.

8/8/2018 11:30 AM EST
Arbaco, August, 08, 2018 (HOL)–Waxaa sii xoogeysanaya khilaafka dhanka diblomaasiyadda ee u dhexeeya Mareykanka iyo Iiraan, kadib markii Donald Trump uu diiday heshiiskii Iiraan lala gaaray.

8/8/2018 6:53 AM EST
Arbaco, August, 08, 2018 (HOL)–Danjiraah Shiinaha ee Soomaaliya ayaa si weyn uga hadlay xiriirka diplomaasiyadeed ee ka dhexeeya Soomaaliya iyo Shiinaha,isagoo xusay in labada dal uu ka dhexeeyo xiriir qoto dheere oo saaxiibti-nimo ku dhisan.

8/8/2018 4:06 AM EST
Arbaco, August, 08, 2018 (HOL) –Wararka naga soo gaaraya xaafadda Suuqa Xoolaha ee degmada Huriwaa ee magaalada Muqdisho ayaa sheegaya in qarax xoogan lala eegtay ciidamo ka tirsan kuwa howlgalka midowga Africa AMISOM oo marayay Is-goyska SOS.

8/8/2018 3:50 AM EST
Arbaco, August, 08, 2018 (HOL) –Dowladda dhexe ee Itoobiya ayaa si faah faahin ka bixisay waxa soo dadajiyay is badalka ka dhacay dhulka Ismaamulka Soomaalida Itoobiya, kaddib markii tallada deegaanka laga wareejiyay Cabdi Maxamuud Cumar oo hadda ku jira gacanta dowladda Itoobiya.

8/8/2018 2:20 AM EST
Arbaco, August, 08, 2018 (HOL)–Dowladda Soomaaliya ayaa Qoraal ka soo baxay waxaa ay markii ugu horreysay ka hadashay khilaafka u dhaxeeya dowladdaha Sacuudiga iyo Canada.

8/8/2018 12:53 AM EST
Arbaco, August, 08, 2018 (HOL)-Dowladda Itoobiya ayaa heshiis nabadeed la saxiixatay jabhadda hubeysan ee ONLF.