Faah faahin ku saabsan xariga madaxweynihii hore ee dowlad deegaanka Soomaalida Itoobiya
Talaado, August, 07, 2018 (HOL)–Suldaan Cabdullaahi Bashiir oo ka mid ah saalaadiinta dowlad deegaanka Soomaalida Itoobiya ayaa faah faahin ka bixiyay wax uu kala socdo xariga madaxweynihii hore ee dowlad deegaanka Soomaalida Itoobiya Cabdi Maxamuud Cumar isaga oo sheegay in la jir dilay ka hor inta aan la kaxeysan.
‘’Saakay Sagaalkii subax-nimo ayaa
xaruntii uu ka degenaa magaalada waxaa isku wareejiyay kumannaan ciidamo ah oo
ku hubeysan gadiidka dagaalka, halkaa ayeey ka kaxeysteen, ka hor inta aysan
kaxeysanna waa ay jir dileen ayuu yiri Suldaan Cabdullaahi Bashiir oo la hadlay
Laanta Afka Soomaaliga ee VOA.
Suldaanka ayaa beeniyay wararka
sheegaya in madax-weynaha isaga oo badqaba diyaarad looga qaaday magaalada
Jigjiga, waxaana uu intaa ku daray kuna eedeeyay ciidamada Itoobiya
in ay dhibaato u geysteen dadka deegaanka.
‘’Magaaladan waxey u baahan tahay
gurmad caalami ah, dhibaato weyn ayaa ka dhacday oo ay sameeyeen ciidamada militeriga
Itoobiya’’ ayuu yiri Suldaanka.
Hadalka Suldaanka ayaa imanaya
xili uu madaxweynaha cusub ee dowlad deegaanka Soomaalida Itoobiya Axmed Cabdi
Maxamed uu sheegay in xaaladu degan tahay, islamarkaana dowladda dhexe ee
federaalka ka war qabto is badalka dhacay.
C/raxmaan Diini, Hiiraan
Online
[email protected]