11/16/2018
Today from Hiiraan Online:  _
Wararka Maanta- Talaado, Aug 7 , 2018
Axmed Cabdi Maxamed ‘’ Waqtigan laga bilaabo waxaan ku shaqeyn doonnaa midnimo iyo is cafin


 

Talaado, August, 07, 2018 (HOL)–Madaxweynaha cusub ee dowlad deegaanka Soomaalida Itoobiya Axmed Cabdi Maxamed oo wareysi siiyay laanta Afka Soomaaliga ee BBC-da ayaa sheegay in wali siyaasadii iyo nidaamkii dowlad deegaanku ku dhisnaa wax ba iska badalin, hasse ahaatee uu meesha ka baxay oo kaliya Cabdi Maxamuud Cumar.

Madaxweynaha cusub ayaa sheegay in wali lagu dhaqmayo siyaasadii xisbiga tallada haya ee uu guddoomiyaha u ah Cabdi Maxamuud Cumar, taasoo ka dhigan in wali wax is badal ah ku dhicin nidaamkii dowlad deegaanka Soomaalida Itoobiya marka laga reebo in uu is casilay madaxweyne Cabdi Maxamuud Cumar.

"Waa uu fiican-yahay, waxa uu joogaa Jig Jiga, welina waa guddoomiyaha xisbiga, booskaas isaga ayaa jooga, aniguna waxaan ahay madaxweynihii dowlad deegaanka Itoobiya, ahna guddoomiye ku xigeenka xisbiga,anagu xisbi baan ahayn, weli dowladdii iyo nidaamkii waa sidiisii, booskii madaxweynenimada ayuunbaa is badalay".

Wuxuu sheegay in Cabdi Maxamuud Cumar yahay qof Itoobiyaan ah oo sida uu hadalka u dhigay dalkiisii jooga, sidaa daraadeed meeshii uu doono uu ku noolaan karo, isaga oo yiri’’ Addis Ababa ayuu tagi karan, Jigjiga ayuu joogi karaan, waa qof ixtiraam bulshada ku dhax leh.

Ururka ONLF oo la dagaalama dowladda Itoobiya oo iyagu ka hadlay is badalka ka dhacay dowlad deegaanka Itoobiya ayaa sheegay in siyaasadii wali halkeedii tahay, iyaga oo intaa ku daray in wali nidaamkii hore uusan meesha ka bixin.

Laakiin haddana dhinaca kale dadka ka faalooda arrimaha deeganka ayaa qaba in tallaabada uu xilka uga degay Cabdi Maxamuud Cumar tahay mid bilow fiican ah oo ugu danbeyntii-na lagu tagi doono in isbadal rasmi ah uu ka dhaco guud ahaan-ba deegaanka, madaama madaxweynaha cusub xilka loogu soo dhiibay si KMG ah.

Madaxweynaha cusub ayaa isagu sheegay in ay diyaar u yihiin is badal ku dhaca dhaqsiyaadeedkii hore, laguna shaqeeyo mar walba awaamiirta raa’iisal wasaaraha cusub ee dalka Abiy Ahmed ee ah in leys cafiyo.

C/raxmaan Diini, Hiiraan Online
[email protected]







Click here
8/7/2018 3:54 PM EST
Talaado, August, 07, 2018 (HOL)– Maareeye ku-xigeenkii shirkadda isgaarsiinta Golis ee Puntland ayaa lugu dilay caawa magaalada ganacsiga ah ee Boosaaso , sida ay xaqiijiyeen mas'uuliyiinta deegaanka.

8/7/2018 12:25 PM EST
Talaado, August, 07, 2018 (HOL)–Suldaan Cabdullaahi Bashiir oo ka mid ah saalaadiinta dowlad deegaanka Soomaalida Itoobiya ayaa faah faahin ka bixiyay wax uu kala socdo xariga madaxweynihii hore ee dowlad deegaanka Soomaalida Itoobiya Cabdi Maxamuud Cumar isaga oo sheegay in la jir dilay ka hor inta aan la kaxeysan.

8/7/2018 11:45 AM EST
Talaado, August, 07, 2018 (HOL) -Wasiirka Gaashaandhiga Somaliland Eng: Ciise Axmed Xawaare ayaa sheegay inay xoog ama xal kale ku soo afjari donaan sarkaal ciidanka Militariga Somaliland ka goostay oo maamulka Puntland waydiistay dhul uu ciidamo ku urursado.

8/7/2018 10:13 AM EST
Talaado, August, 07, 2018 (HOL)–Madaxweynaha Dowladda Hirshabelle Dr Maxamed Cabdi Waare, ayaa maanta Qasriga Madaxtooyada Magaalada Jowhar ku qaabilay Taliyaha Ciidamadda Midowga Africa ee AMISOM sarreeye Guud Jim Beesigye Oweyesigire oo maanta soo gaaray Magaalada Jowhar isaga iyo saraakiil Sar Sare oo ka tirsan AMISOM.

8/7/2018 9:51 AM EST
Talaado, August, 07, 2018 (HOL)- Dekadda Berbera ayaa waxa si xawli ah uga socda dhoofka xoolaha nool oo bishii u dambeysay aad looga dhoofinayey dekadda.

8/7/2018 9:44 AM EST
Talaado, August, 07, 2018 (HOL)–Xukuumadda Somaliland ayaa ka hadashay isbedelka ka socda Itoobiya iyo shaqaaqooyinkii ka dhacay dawlad deegaanka Soomaalidda Itoobiya.

8/7/2018 9:40 AM EST
Talaado, August, 07, 2018 (HOL)–Madaxweynaha dalka Iraan, Xasan Rouhani ayaa ka horyimid cuna-qabateyn cusub oo u Mareykanka ku soo rogey, wuxuuna sheegay inaysan wada-hadal la gali doonin marna maamulka uu hoggaaminaayo Trump.

8/7/2018 9:36 AM EST
Talaado, August, 07, 2018 (HOL)– Ugu yaraan saddex qof ayaa ku dhimatey iska horimaad ka dhacay dulleedka garoonka diyaaradaha Cabdullaahi Yuusuf ee magaalada Gaalkacyo, sida laga soo xigtay saraakiisha deegaanka.

8/7/2018 9:26 AM EST
Talaado, August, 07, 2018 (HOL)– Waxaa maanta xarunta wayn ee jaamacadda SIMAD lagu daah furay mashruuc loogu magac daray Qardul-Xasan. Mashruucaan oo ah kii ugu horeeyay ee nuuciisa ah oo laga fuliyo soomaaliya ayaa suurta- galinaya in ardyada wax ka baranaysa Jaamacadda SIMAD laga fududeeyo culayska qarash ee waxbarashada heerka Jamacadeed ayagoo bixinaya 30% inta daraasaddu u socoto halka 70% ay ku bixin doonaan 3 sano kadib qalinjabintooda.

8/7/2018 8:36 AM EST
Talaado, August, 07, 2018 (HOL)–Wararka naga soo gaaraya magaalada Jigjiga ee dowlad deegaanka Ismaamulka Soomaalida Itoobiya ayaa sheegaya in ciidamada dowladda dhexe ee federaalka Itoobiya kaxeysteen Cabdi Maxamuud Cumar.

8/7/2018 8:30 AM EST
Talaado, August, 07, 2018 (HOL)–Dowladda Jabuuti ayaa diyaarad qaas ah u dirtay boqollaal ruux oo dalka u dhashay oo dalxiis u joogay magaalada Diridhabo ee dalka Itoobiya.

8/7/2018 4:54 AM EST
Talaado, August, 07, 2018 (HOL)–Guddiga Qaranka ee shaqaalaha rayidka ee dowladda Soomaaliya ayaa waxba kama jiraan ku tilmaamay xil ka qaadis la sheegay in lagu sameeyay xoghayaha joogtada ah ee Wasaaradda arrimaha dibedda Soomaaliya Cali Maxamed Cali.

8/7/2018 2:53 AM EST
Talaado, August, 07, 2018 (HOL)–Wararka naga soo gaaraya degmada Waabari ee gobolka Banaadir ayaa sheegaya in rag ku hubeysan bastoolado ku toogeen meel aan ka fogeyn hoygiisa askari ka tirsanaa ciidamada Booliiska Soomaaliyeed.

8/7/2018 1:29 AM EST
Talaado, August, 07, 2018 (HOL)–68 arday oo 99 ka mid ahi ay hablo yihiin oo afar kuliyadood dhamaystay Jaamacadda Nugaal ayaa munaasabad weyn loogu qabtay Laascaanood xarunta gobolka Sool.

8/7/2018 1:11 AM EST
Talaado, August, 07, 2018 (HOL)–Dowladda Soomaaliya ayaa markii ugu horeysay ka hergalisay meel aan ka fogeyn Ex Koontarool Afgooye magaalada Muqdisho kaasoo si casri ah loo dhisay sida uu sheegay taliyaha ciidamada Asluubta Bashiir Maxamed Jaamac.

8/7/2018 12:55 AM EST
Talaado, August, 07, 2018 (HOL)–Maalintii shalay waxaa xilkii madaxwey-naha dowlad deegaanka Soomaalida Itoobiya iska casilay Cabdi Maxamuud Cumar, waxaana xilkaa si KMG u soo qabtay Axmed Cabdi Maxamed oo horay u ahaa Wasiirka maaliyada.