Ganacsatada Sooomaalida Koonfur Africa oo dalbadey in wax laga qabto dhibaatada lagu hayo
Jimco, August. 31,
2018 (HOL) – Labadii cisho ee la soo dhaafay Boob iyo bililiqo baahsan ayaa
lagu hayay ganacsiga dadka ajaanibta ah xaafadda Soweto ee dalka Koonfur
Africa, waxaana ganacsiga la boobay ku jira dukaamo ay lahaayeen ganacsatada
Soomaaliyeed.
Ganacsatada lagu boobay xaafadda
Soweto ee dalka Koonfur Afrika ayaa ayaa ka dalbaday dowladda Soomaaliya in ay
soo fara-galiso dhaca iyo boobk lagu hayo hantidooda.
Mid ka mid ah ganacsatada Soomaaliyeed oo la
hadlay VOA-da ayaa sheegay in hanti dhan Boqolaal
kun oo dollar lagu boobay rabshadiihi dhacay labadii cisho ee la soo dhafay, isaga oo dalbaday in wax
laga qabto arrimatan.
Burcad South Africa ah iyo waliba dad u badan
danyar ayaa la sheegay in ay ku qamaameen ganacsiga dadka ajnabig ah ee ku dhaqan
xaafadda Soweto, kaddib markii ay soo baxeen warar sheegaya in ganacsatada
qaarkood dadka ka iibiyaan alaabo dhacay.
Xaafaddan Soweto ayaa ah xarun ganacsi oo aad u
weyn, waxaana ku xoogan oo ganacsi ballaaran ku leh dadka aan u dhalan dalkaasi
Koonfur Africa ee ajnabiga.
Waa boobkii ugu xooganaa oo waayadan dalkaasi
Koonfur Africa loo geysto goobo ganacsi, hanti badanna waxaa la sheegay in la
bur buriyay.
C/raxmaan
Diini, Hiiraan Online
[email protected]
