9/23/2018
Today from Hiiraan Online:  _
Wararka Maanta- Jimco, Aug 3 , 2018
Booliiska Sweden oo toogasho ku dilay Nin dhalinyaro ah oo sitay Qori Macmal ah


 

Jimco, August. 03, 2018 (HOL) – Booliiska Sweden ayaa toogasho ku dilay wiil qori macmal ah ku dhex watay magaalada Stockholm, wiilkaas ayaa ahaa dadka baahiyaha gaarka ah qaba, waxaana hayay nooc ka mid ah xannuunka Autism, sida ay ku warrantay warbaahinta dalkaas.

Booliiska ayaa rasaas ku furay Eric Torell oo 20 jir ah, iyaga oo ka jawaabaya wax ay ku tilmaameen "xaalad halis ah" arrintaas ayaana dhacday saacadihii hore ee subaxnimadii Khamiista.

Dawladda ayaa lagu wargaliyay in la la'yahay ninkaas ka dib markii uu xaafadda ka baxay saacado ka hor marka la dilay, sida ay qoyskiisu sheegeen.

Katarina Söderberg oo ah Eric hooyadii ayaa sheegtay in qorigu uu ahaa hadiyad, wiilkeedana waxay ku tilmaantay qofkii ugu naxariis badnaa Adduunka.

Katarina ayaa warbaahinta Expressen ee dalka Sweden u sheegtay in Eric uu naafo ahaa isla markaasna uu hadalku aad ugu adkaa. Hooyo oo kali ahna uu dhihi jiray.

Qoriga caaga ah ee uu watay marka la tooganayay ayay ku tilmaantay mid u ekaa qoryaha yaryar ee darandooriga u dhaca.

Katarina waxay sheegtay in uusan daqsi xataa dhibaato u gaysteeen.

Arrintan ayaa ka dhacday deegaanka Vasastan ee casimadda dalka Sweden ka dib markii booliiska lagu wargaliyay nin qori wata.

 

Saddex askari ayaa la sheegay in ay goobtii yimaadeen ayna qaabileen dhanka Eric, waxay ku amreen in uu qoriga dhigo, markii uu amarka qaadan waayay ee uu u muuqday in uu ficil halis ah gaysan rabo ayayna toogteen, sida uu booliisku sheegay.

Eric ayaa isbitaal la geeyay balse xoogaa ka dib ayaa la xaqiijiyay in uu dhaawicii u geeriyooday.

Katarina waxay sheegtay in wiilkeedu uu hadda ka hor iska bixi jiray loona soo celin jiray ama isaguba iska soo laaban jiray.

Waxaa hadda socda baaritaan ku saabsan in booliisku ay sixin u maareeyeen xaaladda, sida ay ku warramayso warbaahinta Expressen.

BBC







Click here
8/3/2018 3:23 PM EST
Jimco, August, 03, 2018 (HOL)–Taliska ciidamada Mareykanka ee Africom ayaa qoraal kooban oo ay soo saareen waxaa ay ku sheegeen in Afar ka tirsan dagaalyahannada Al-shabaab ku dileen duqeyn ka dhacday deegaan 74 km waqooyi ka xiga magaalada Muqdisho.

8/3/2018 11:50 AM EST
Jimco, August. 03, 2018 (HOL) – Ra’iisal wasaaraha dalka Itoobiya Abiy Ahmed ayaa ka jawaabay su’aal in muddo ahba taagneyd oo la xiriirta qoondada Soomaalida ee shidaalka lagu wado in laga soo saaro dhulka Soomaalida Itoobiya, isaga oo sheegay in 5% -kiiba ku yeelanayaan.

8/3/2018 9:16 AM EST
Jimco, August. 03, 2018 (HOL) - Dowladda Jabuuti ayaa iska diiday islamarkaana waxba kama jiraan ka soo qaaday go'aan ay shalay soo saartay maxkamadda Caalamiga ah ee Dhexdhexaadinta ee fadhigeedu yahay magaalada London, kaa oo ku saleysnaa murankii dhinaca sharciga ee u dhaxeeyay Jabuuti iyo shirkadda DP World

8/3/2018 9:01 AM EST
Jimco, August. 03, 2018 (HOL)–Guddiga dib u eegista dastuurka ee Labada gole ee Baarlamaanka Soomaaliya ayaa Xalay kulan la qaatay Guddiga Madaxa bannaan ee xudduudaha iyo Federaaleynta Dalka.

8/3/2018 6:57 AM EST
Jimco, August. 03, 2018 (HOL)–Madaxweynaha maamul gobolleedka Hirshabeelle Maxamed Cabdi Waare iyo wafdi uu hogaaminayo ayaa goor dhaw gaaray magaalad Beledweyne ee xarunta gobolka Hiiraan, halkaa oo ay ku soo dhaweeyeen mas’uuliyiinta maamulka gobolka.

8/3/2018 4:23 AM EST
Jimco, August. 03, 2018 (HOL)–Wasiirka arrimaha dibedda Dalka Turkiga, Mevlut Cavusoglu ayaa dhiggiisa Maraykanka , Mike Pompeo kula kulmay Maanta oo Jimca ah Dalka Singapore , sida laga soo xigtay Ilo wareedka ku dhow kulanka.

8/3/2018 1:40 AM EST
Jimco, August. 03, 2018 (HOL)–Madaxa guddiga doorashada ee Zimbabwe, Priscilla Chigumba, ayaa ku dhawaaqday in madaxweynaha iminka talada haya, Emerson Mnangagwa, uu yahay qofka ku guulaystay doorashadii madaxweynenimada ee Isniintii dhacday.

8/3/2018 1:32 AM EST
Jimco, August. 03, 2018 (HOL) – Shirkii Golaha Wasiiradda ee maalintii shalay ka dhacay magaalada Garoowe ayaa qodobadii leysku afgartay waxaa ka mid ahaa sii deynta Boqolaal Maxaabiis ah ku xir xiran deegaannada Puntland, kuwaa oo loo heysto arrimo burcad badeednimo ah.

8/3/2018 12:49 AM EST
Jimco, August. 03, 2018 (HOL) – Inta la xaqiijinayo Labo ruux oo rayid ah ayuu dhaawac ka soo gaaray tiro madaafiic ah xalay lagu tuuray qeybo ka mid ah degmada Balcad ee gobolka Shabeellaha dhexe, sida ay xaqiijiyeen qaar ka mid ah dadka degmada oo warbaahinta la hadlay.