Wasaaradda Maaliyada Somaliland oo soo bandhigtay qalab lagala soconayo cashuurta badeecadaha
Arbaco, August, 29, 2018 (HOL) – Wasaaradda Maaliyadda Somaliland ayaa soo
bandhigtay Qalab ay ganacsatada u qaybin doonto oo ay kala socon doonto adeega
ay bixiyaan iyo cashuurta ku waajibtay.
Mashiinadan waxa loo qaybin doona in ka badan
boqol hoteel, kuwas oo lagala socon doono cashuurta ku waajibtay adeegyadda ay
hoteeladdu bixiyaan sida uu sheegay wasiirka Maaliyadda Somaliland Yuusuf
Maxamed Aadan.
“Cashuurtan waxa loo yaqaan GST Goods and service
tax oo ah badeecada iyo adeega, Waxaanu isla garanay ganacsatada waaweyn
ee dalku leeyahay oo ilaa boqol iyo konton ah kuwo wax soo dajiya iyo kuwo
dhoofiya, waxaana ku sii bilaabayna hoteelada iyo xafiisyada tikidhada
diyaaradaha laga goosto, iyo shirkadaha laydhka iibiya inaanu ku sii tijaabino,
cashuurtan xadigeedu waa 5% oo lagu dhufanayo qiimihii alaabta waana cashuuraha
isticmaalka looyaqan, Hargeysa ayaanu marka hore ku bilaabana oo boqol iyo
afartan hoteel ayaanu u qaybinaynaa qalabkan.”ayuu yidhi wasiir Yuusuf.
Wasiirka Maaliyadda Yuusuf Maxamed ayaa sheegay
inay horumar balaadhan ku wadaan qaabka cashuurta loo bixinayo iyo qaabka lagu
ogaanayo dakhliga, waxaanu xusay in marka ay si fiican uga hirgalaan xaflad loo
qaban doono hirgalinta qalabkan casriga ah.
Barkhad-ladiif M. Cumar, Hiiraan Online
[email protected]
Hargeysa, Somaliland.