Talaado, August, 28, 2018 (HOL)– Wado ku
dhow Kilomitir ayaa dawlada hoose ka bilawday hawlgal ay ku bamaynayso, iyadoo
baabiyey dhismayaal ku-meel-gaadh ah iyo seesas la sheegay in ay si qaldan u
dhismeen.
Ololahan oo ay dawlada hoose ka
bilaabmay xaafada Seyidka oo ku taala koonfurta magaalada.
Madaxa waaxda dhulka oo u waramay
HOL ayaa sheegay in talaabadan ay ahaan doonto mid sii soconaysa laguna
banaynayo wadooyin badan oo haatan in ay xidhmaan ku socda.
"Waxaa wadooyinkan xidhay musqulo
banaanka laga qoday, berkedo biyood iyo dhagxaan hadhaadi dhismayaal ka hadhay
u badan" sidaa waxaa tidhi C/shiid Askar Jaamac Agaasimaha Waaxda dhulka
oo intaa ku daray in ay in ay jiraan dad si sharci dark ah ugu durka kuwaana in
laga duminayo ayuu sheegay.
Agaasimuhu waxa uu sheegay in ay
jiraan olole bilicda magaalada Laascaanood lagu hagaajinayo oo ay ka mid tahay
dhirayn iyo wadooyin laami laga dhigayo.
C/rashiid waxa uu aad u amaanay
dadweynaha xaafada Seyidka oo uu sheegay in ay si aad ah ula sheqeeyeen
taana talaabo horumara oo in ay dadku fahmeen faaiidada waddada ay tahay,
waxaana uu xaafadaha kale ka codsaday inay sidaa ula sheqeeyaan.
Dawlada Hoose ayaa horey u sheegay
inay wadooyin celcelis ahaan 16Km. gaadhaya ay sanadkan u qorshaysan tahay inay
sameeyaan, taas oo wax weyn ka bedelaysa bilicda magaalada iyadoo horeyna
sanadihii 2014-2015kii wadooyin badan laga fuliyey
Seynab Cabdi Warsame
[email protected].
laascaanood G. Sool