11/14/2018
Today from Hiiraan Online:  _
Wararka Maanta- Isniin, Aug 27, 2018
Madaxweynihii hore ee DDSI oo maanta Xabsiga loo taxaabay


 

Isniin, August, 27, 2018 (HOL) - Madaxweynihii hore ee dawlad deegaanka Soomaalida Itoobiya Cabdi Maxamed Cumar ayaa warbaahinta Itoobiya baahisay isagoo lagu sii waddo xabsiga.

Cabdi Maxamed Cumar ayaa mudadii u dambaysay ku jiray xabsi guri, haseyeeshee waxa maanta loo dhaadhiciyey jeelka, waxaana laga siidaayey Telefishanka Itooobiya iyagoo ay hareero socdeen ciidanka amniga oo ku sii waday xabsiga.

Sidoo kale, Warbaahinta Itoobiya ayaa soo bandhigay hub laga helay gurigiisa oo la sheegay inay ahaayeen hub sharci daro ah oo aan dawlada u sharciyeysnayn.

Madaxweynaha cusub ee Deegaanka Soomaalidda Mustafe Muxumed Cumar ayaa bartiisa Facebooga ku sheegay inuu ka xun yahay isagoo bahdilan in xabsiga loo taxaabay, haseyeeshee waxa uu xusay in dambiiile kasta sidaas ku dambayn doonno.

 

“Kuma Faraxsani In Maanta ina iley jeel loo taxaabo issagoo bahdilan, inkastuu uu ahaa dambiile laakiin dadbadan oo kale ayey cashir iyo kudayasho u tahey”ayuu yidhi Madaxweyne Cagjar oo qoraal kooban ku baahiyey bartiisa baraha bulshadda uu ku leeyahay ee Facebooga.

Madaxweynihii hore ee deegaanka Cabdi Maxamed Cumar ayaa loo haysta dambiyo badan oo uu intii uu xukumayey u gaystay shacabka Soomaalidda iyo tii u dambaysay ee Jigjiga ka sameeyey ee dhalisay rabshadihii ka dhacay deegaanka Soomaalidda, taas oo loo haysto inuu isagu dadka ku kiciyey dawlada dhexe ee Itoobiya.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
8/27/2018 2:13 PM EST
Isniin, August, 27, 2018 (HOL)-Madaxweynaha Soomaaliya Mudane Maxamed Cabdullaahi Farmaajo oo kormeer ku tagay garoonka Qaranka ee Ciyaaraha (Muqdisho Stadium), ayaa sheegay in dowladda Soomaaliya ay bilaabayso qorshe ballaaran oo lagu hawlgalinayo garoonkan.

8/27/2018 9:40 AM EST
Isniin, August, 27, 2018 (HOL)-Baarlamaanka Puntland oo ku gudaha jira kalfadhigooda 41 aad ayaa maanta ka dooday mooshin ka dhan ah shirkadda DP World ee maamusha dekedda Boosaaso, mooshinka waxaa Baarlamaanka horgeeyay siddeed xildhibaan.

8/27/2018 8:24 AM EST
Isniin, August, 27, 2018 (HOL)-Labo askari oo ka tirsan ciidamada dowladda Soomaaliya ayaa ku geeriyootay qarax goor dhaw lugula eegtay gaari yar oo ay la socdeen degmada Hodan ee gobolka Banaadir.

8/27/2018 7:56 AM EST
Isniin, August, 27, 2018 (HOL)-Taliyaha hay’adda Nabad-sugida Soomaaliya ayaa maanta ku soo dhaweeyay maanta magaalada Muqdisho, taliyaha hay’adda sirdoonka dalka Sudan Gen. Salah Abdalla Mohamed (Salah Gosh)

8/27/2018 6:46 AM EST
Isniin, August, 27, 2018 (HOL) –Dibadbaxan oo ay soo abaabuleen ururrada bulshada rayidka ah ee degmada Afmadow ayaa saaka ka bilowday degmadaasi, ayadoo dadweeynihii dibadbaxa dhigayay ay ku dhawaaqayeen hal-ku-dhigyo ay uga soo horjeedaan dowladda Soomaaliya.

8/27/2018 4:09 AM EST
Isniin, August, 27, 2018 (HOL) –Askari ka tirsan ciidamada Booliis-ka dowladda Soomaaliya ayaa bartamaha magaalada Beledweyne toogasho ku dilay nin dhalinyaro ah oo lagu magacaabi jiray Yaasiin Cali Saney oo wadde ka ahaa mid ka mid ah gaadiidka Bajaajka ee ka dhax shaqeeya magaalada.

8/27/2018 2:46 AM EST
Isniin, August, 27, 2018 (HOL)–Ra’iisal wasaaraha dalka Britain Theresa May ayaa isku diyaarineysa socddaalkeedii ugu horeeyay oo ay ugu anbabaxey-so qaar ka mid ah wadamada Qaaradda Africa tan iyo markii ay xafiiska la wareegtay sanadkii 2016ka.

8/27/2018 1:53 AM EST
Isniin, August, 27, 2018 (HOL)–Nin hubeysan ayaa la sheegay in uu rasaas ku furay dad ka qeybgalay tartanka ciyaaraha Komputarka [video game] magaalada Jacksonville ee gobolka Florid., sida ay sheegeen saraakiisha Booliiska gobolka.

8/27/2018 1:20 AM EST
Isniin, August, 27, 2018 (HOL)- Hogaamiyihii ISIS ee dalka Afganistan, oo mas’uul ka ahaa weerarradii dhawaan dhacay oo ay ku dhinteen boqolaal qof oo rayid ah, ayaa lagu dilay weerar diyaaradeed oo Mareykanku qaaday, sida ay saraakiisha Mareykanka u sheegeen Fox News Axaddii.

8/27/2018 1:10 AM EST
Isniin, August, 27, 2018 (HOL)- Fadhi golaha baarlamaanka dowlad deegaanka Soomaalida Itoobiya ay ku yeesheen magaalada Jigjiga maalintii shalay ayaa xasaannada lagala noqday 7 xubnood oo horay uga tirsanaa xisbiga tallada haya oo uu mid yahay madaxweynihii hore ee dowlad deegaanka Cabdi Maxamuud Cumar.

8/27/2018 12:54 AM EST
Isniin, August, 27, 2018 (HOL)-Madaxweynaha dowladda Kenya Uhur Kenyatta oo kulan la qaatay madaxweynaha dalka Mareykanka ayaa kala hadlay arrimo dhowr ahoo ay ka mid yihiin iskaashiga ammaanka, ganacsiga iyo maalgashiga.