11/17/2018
Today from Hiiraan Online:  _
Wararka Maanta- Isniin, Aug 27, 2018
Barlamaanka Puntland oo laalay Mooshinkii ka dhan ahaa Shirkadda DP World


 

Isniin, August, 27, 2018 (HOL) - Baarlamaanka Puntland oo ku gudaha jira kalfadhigooda 41 aad ayaa maanta ka dooday mooshin ka dhan ah shirkadda DP World ee maamusha dekedda Boosaaso, mooshinka waxaa Baarlamaanka horgeeyay siddeed xildhibaan.

Cali Axmed Saalax, xog-hayaha Baarlamaanka oo kulanka ka hor akhriyay nuqul ka mid ah mooshinka ka dhanka ah shirkadda DP World , wuxuu ugu horreyn-ba sheegay doodu in ay salka ku hayso shirkadda in aysan fulin heshiiska ay Puntland la gashay ee horumarinta dekedda oo aysan illaa hadda jirin wax shaqo ah oo dekedda laga qabtay. 

Akhrinta mooshinka ka dib Xildhibaannada fadhiga xaadirka ku ahaa oo gaarayay 40 mudane ayaa cod gacan-taag ah u qaaday , waxaana u codeysay 10 xildhibaan mooshinka inuu dhaqan-galnoqdo , halka ay ka soo horjeesatay 23 xildhibaan , toddobo xildhibaan ayaa igana ka aamusay.

Guddoomiyaha Baarlamaanka Puntland , Axmed Cabdi Xaashi ayaa kulanka ka sheegay in mooshinka uu horey u socon karo kaliya marka uu helo 22 mudane oo mooshin ku raaca xubnaha soo diyaariyay, balse taas ma dhicin oo siddeedii xildhibaan ee mooshinka soo gudbiyay waxaa kula biirey mooshinka kaliya labo mudane , waxaan guddoonka golaha uu ku dhawaaqay inuu burey mooshinka.

Shirkadda DPWord waxaa ay gacanta ku haysaa maamulidda Dakhliga dekadda Boosaaso, iyadoo xukuumadda madaxweyne Cabdiweli Maxamed Cali ay heshiis la gashay,kaasi oo ku saabsanaa in dekadda la ballaariyo.

Iman Mohamed Jama, Hiiraan Online







Click here
8/27/2018 2:13 PM EST
Isniin, August, 27, 2018 (HOL)-Madaxweynaha Soomaaliya Mudane Maxamed Cabdullaahi Farmaajo oo kormeer ku tagay garoonka Qaranka ee Ciyaaraha (Muqdisho Stadium), ayaa sheegay in dowladda Soomaaliya ay bilaabayso qorshe ballaaran oo lagu hawlgalinayo garoonkan.

8/27/2018 10:35 AM EST
Isniin, August, 27, 2018 (HOL) - Madaxweynihii hore ee dawlad deegaanka Soomaalida Itoobiya Cabdi Maxamed Cumar ayaa warbaahinta Itoobiya baahisay isagoo lagu sii waddo xabsiga.

8/27/2018 8:24 AM EST
Isniin, August, 27, 2018 (HOL)-Labo askari oo ka tirsan ciidamada dowladda Soomaaliya ayaa ku geeriyootay qarax goor dhaw lugula eegtay gaari yar oo ay la socdeen degmada Hodan ee gobolka Banaadir.

8/27/2018 7:56 AM EST
Isniin, August, 27, 2018 (HOL)-Taliyaha hay’adda Nabad-sugida Soomaaliya ayaa maanta ku soo dhaweeyay maanta magaalada Muqdisho, taliyaha hay’adda sirdoonka dalka Sudan Gen. Salah Abdalla Mohamed (Salah Gosh)

8/27/2018 6:46 AM EST
Isniin, August, 27, 2018 (HOL) –Dibadbaxan oo ay soo abaabuleen ururrada bulshada rayidka ah ee degmada Afmadow ayaa saaka ka bilowday degmadaasi, ayadoo dadweeynihii dibadbaxa dhigayay ay ku dhawaaqayeen hal-ku-dhigyo ay uga soo horjeedaan dowladda Soomaaliya.

8/27/2018 4:09 AM EST
Isniin, August, 27, 2018 (HOL) –Askari ka tirsan ciidamada Booliis-ka dowladda Soomaaliya ayaa bartamaha magaalada Beledweyne toogasho ku dilay nin dhalinyaro ah oo lagu magacaabi jiray Yaasiin Cali Saney oo wadde ka ahaa mid ka mid ah gaadiidka Bajaajka ee ka dhax shaqeeya magaalada.

8/27/2018 2:46 AM EST
Isniin, August, 27, 2018 (HOL)–Ra’iisal wasaaraha dalka Britain Theresa May ayaa isku diyaarineysa socddaalkeedii ugu horeeyay oo ay ugu anbabaxey-so qaar ka mid ah wadamada Qaaradda Africa tan iyo markii ay xafiiska la wareegtay sanadkii 2016ka.

8/27/2018 1:53 AM EST
Isniin, August, 27, 2018 (HOL)–Nin hubeysan ayaa la sheegay in uu rasaas ku furay dad ka qeybgalay tartanka ciyaaraha Komputarka [video game] magaalada Jacksonville ee gobolka Florid., sida ay sheegeen saraakiisha Booliiska gobolka.

8/27/2018 1:20 AM EST
Isniin, August, 27, 2018 (HOL)- Hogaamiyihii ISIS ee dalka Afganistan, oo mas’uul ka ahaa weerarradii dhawaan dhacay oo ay ku dhinteen boqolaal qof oo rayid ah, ayaa lagu dilay weerar diyaaradeed oo Mareykanku qaaday, sida ay saraakiisha Mareykanka u sheegeen Fox News Axaddii.

8/27/2018 1:10 AM EST
Isniin, August, 27, 2018 (HOL)- Fadhi golaha baarlamaanka dowlad deegaanka Soomaalida Itoobiya ay ku yeesheen magaalada Jigjiga maalintii shalay ayaa xasaannada lagala noqday 7 xubnood oo horay uga tirsanaa xisbiga tallada haya oo uu mid yahay madaxweynihii hore ee dowlad deegaanka Cabdi Maxamuud Cumar.

8/27/2018 12:54 AM EST
Isniin, August, 27, 2018 (HOL)-Madaxweynaha dowladda Kenya Uhur Kenyatta oo kulan la qaatay madaxweynaha dalka Mareykanka ayaa kala hadlay arrimo dhowr ahoo ay ka mid yihiin iskaashiga ammaanka, ganacsiga iyo maalgashiga.