9/23/2018
Today from Hiiraan Online:  _
Wararka Maanta- Isniin, Aug 27, 2018
Baarlamaanka dowlad deegaanka oo xasaannadii ka qaaday xubno uu ka mid yahay Cabdi Maxamuud Cumar


 

Isniin, August, 27, 2018 (HOL)- Fadhi golaha baarlamaanka dowlad deegaanka Soomaalida Itoobiya ay ku yeesheen magaalada Jigjiga maalintii shalay ayaa xasaannada lagala noqday 7 xubnood oo horay uga tirsanaa xisbiga tallada haya oo uu mid yahay madaxweynihii hore ee dowlad deegaanka Cabdi Maxamuud Cumar.

Laakiin dhamaan lama wada shaacin magac-yada xubnahan xasaasannada lagala noqday, hasse ahaatee hogaamiyaha xisbiga taallada haya ee dowlad deegaanka Soomaaliya Ahmed Shide ayaa sheegay in shaqsiyaadkan laga saaray ka mid ahaan-shaha golaha iyo maamulka intaba la rumeysan yahay in ay ka danbeeyeen rabashadihii gobolka ka dhacay oo ay ku dhiteen boqolaalka ruux.

Cabdi Maxamud Cumar oo horaantii bishan laga qabtay magaalada Jijiga kaddib markii ay gudaha u galeen ciidamada federaalka Itoobiya ayaa la filayaa in uu maxkamad ka soo hor muuqdo isaga oo lagu soo oogi doono dacwado kala duwan.

Ra’iisal wasaare Abiy Ahmed oo ka hadlay arinta Cabdi Maxamuud Cumar ayaa yiri’’ Sharciga ayeey u taallaa waxa laga yeelayo isaga iyo shaqsiyaadkii kale ee ka danbeeyay rabashadaha’’

Baarlamaanka dowlad deegaanka ayaa sidoo kale shalay isku raacay in Mustafe Maxamuud Cumar Cagjar uu noqdo madaxweyne ku-xigeenka dowlad deegaanka ahn ku simaha madaxweynaha inta laga gaaray doorashada soo socta.

C/raxmaan Diini, Hiiraan Online
[email protected]







Click here
8/27/2018 2:13 PM EST
Isniin, August, 27, 2018 (HOL)-Madaxweynaha Soomaaliya Mudane Maxamed Cabdullaahi Farmaajo oo kormeer ku tagay garoonka Qaranka ee Ciyaaraha (Muqdisho Stadium), ayaa sheegay in dowladda Soomaaliya ay bilaabayso qorshe ballaaran oo lagu hawlgalinayo garoonkan.

8/27/2018 10:35 AM EST
Isniin, August, 27, 2018 (HOL) - Madaxweynihii hore ee dawlad deegaanka Soomaalida Itoobiya Cabdi Maxamed Cumar ayaa warbaahinta Itoobiya baahisay isagoo lagu sii waddo xabsiga.

8/27/2018 9:40 AM EST
Isniin, August, 27, 2018 (HOL)-Baarlamaanka Puntland oo ku gudaha jira kalfadhigooda 41 aad ayaa maanta ka dooday mooshin ka dhan ah shirkadda DP World ee maamusha dekedda Boosaaso, mooshinka waxaa Baarlamaanka horgeeyay siddeed xildhibaan.

8/27/2018 8:24 AM EST
Isniin, August, 27, 2018 (HOL)-Labo askari oo ka tirsan ciidamada dowladda Soomaaliya ayaa ku geeriyootay qarax goor dhaw lugula eegtay gaari yar oo ay la socdeen degmada Hodan ee gobolka Banaadir.

8/27/2018 7:56 AM EST
Isniin, August, 27, 2018 (HOL)-Taliyaha hay’adda Nabad-sugida Soomaaliya ayaa maanta ku soo dhaweeyay maanta magaalada Muqdisho, taliyaha hay’adda sirdoonka dalka Sudan Gen. Salah Abdalla Mohamed (Salah Gosh)

8/27/2018 6:46 AM EST
Isniin, August, 27, 2018 (HOL) –Dibadbaxan oo ay soo abaabuleen ururrada bulshada rayidka ah ee degmada Afmadow ayaa saaka ka bilowday degmadaasi, ayadoo dadweeynihii dibadbaxa dhigayay ay ku dhawaaqayeen hal-ku-dhigyo ay uga soo horjeedaan dowladda Soomaaliya.

8/27/2018 4:09 AM EST
Isniin, August, 27, 2018 (HOL) –Askari ka tirsan ciidamada Booliis-ka dowladda Soomaaliya ayaa bartamaha magaalada Beledweyne toogasho ku dilay nin dhalinyaro ah oo lagu magacaabi jiray Yaasiin Cali Saney oo wadde ka ahaa mid ka mid ah gaadiidka Bajaajka ee ka dhax shaqeeya magaalada.

8/27/2018 2:46 AM EST
Isniin, August, 27, 2018 (HOL)–Ra’iisal wasaaraha dalka Britain Theresa May ayaa isku diyaarineysa socddaalkeedii ugu horeeyay oo ay ugu anbabaxey-so qaar ka mid ah wadamada Qaaradda Africa tan iyo markii ay xafiiska la wareegtay sanadkii 2016ka.

8/27/2018 1:53 AM EST
Isniin, August, 27, 2018 (HOL)–Nin hubeysan ayaa la sheegay in uu rasaas ku furay dad ka qeybgalay tartanka ciyaaraha Komputarka [video game] magaalada Jacksonville ee gobolka Florid., sida ay sheegeen saraakiisha Booliiska gobolka.

8/27/2018 1:20 AM EST
Isniin, August, 27, 2018 (HOL)- Hogaamiyihii ISIS ee dalka Afganistan, oo mas’uul ka ahaa weerarradii dhawaan dhacay oo ay ku dhinteen boqolaal qof oo rayid ah, ayaa lagu dilay weerar diyaaradeed oo Mareykanku qaaday, sida ay saraakiisha Mareykanka u sheegeen Fox News Axaddii.

8/27/2018 12:54 AM EST
Isniin, August, 27, 2018 (HOL)-Madaxweynaha dowladda Kenya Uhur Kenyatta oo kulan la qaatay madaxweynaha dalka Mareykanka ayaa kala hadlay arrimo dhowr ahoo ay ka mid yihiin iskaashiga ammaanka, ganacsiga iyo maalgashiga.