9/23/2018
Today from Hiiraan Online:  _
Wararka Maanta- Sabti, Aug 25, 2018
ONLF : Waan la shaqeyneynaa madaxweynaha cusub ee dowlad deegaanka


 

Sabti, August, 25, 2018 (HOL) – Ururka ONLF ayaa markii ugu horeyay soo dhaweeyay madaxweynaha cusub ee dhawaantan loo doortay dowlad deegaanka Soomaalida Itoobiya Mustafe Max’uud Cumar Cagjar sida uu Idaacada VOA u sheegay afhayeenka ururka.

Afhayeenka ONLF Cadaani Hirmooge ayaa sheegay in ay si buuxda ula shaqeynayaan madaxweynaha, cusub laakiin waxaa uu ka digay in dowladda dhexe ee Itoobiya ku lug yeelato arrimaha gudaha ee ismaamulka Soomaalida Itoobiya.

‘’Annaga madaxweynaha cusub waxaa u aragnaa Nin dhalinyaro ah oo hay’addo caalami ah ka soo shaqeeyay oo wadani ah oo runtii wax yaabo badan oo muhiim ah ay ONLF ka mideysan yihiin’’ ayuu yiri Hirmooge.

Mar wax laga weydiiyay wax yaabaha ka mideysan yihiin ayuu ku jawaabay’’ Waxaan ka mideysannahay midnimada umadda Soomaaliyeed, midnimada dhulka, xaquuqda dadka Soomaaliyeed iyo taariikhda dadka Soomaaliyeed ee deegaanku leeyihiin ayuu yiri’’ afhayeenka ONLF .

Wuxuu shegay in madaxweynaha cusub ee dowlad deegaanka iyo xubno ka tirsan Ururka isku arkeen sida uu hadalka u dhigay magaalada Addis Ababa isaga oo yiri’’ “Madaxweynaha kulan qiimo badan ayaa na dhaxmaray, kulankaana si aad u qiimo badan ayuu u dhacay, is afgarad weyn-na waan gaarnay,. Rajo bandanna waxaan ka qabnaa hadafkii jabhada ee ahaa in dadka Soomaaliyeed la mideeyo in la heli doono.

Dhawaan ayeey aheyd markii madaxweynaha cusub ee dowlad deegaanka Soomaalida Mustafe Cagjar uu sheegay in la badali doono magaca iyo calanka dowlad deegaanka meesha-na laga saari doono ereyga Itoobiya ee ku lamaansan dowlad deegaanka Soomaalida, waxaana muuqata in ONLF arintaa siweyn u soo dhaweynayaan.

C/raxmaan Diini, Hiiraan Online
[email protected]







Click here
8/25/2018 9:42 AM EST
Sabti, August , 25, 2018 (HOL)–Taliye ku-xigeenka hay’adda danbi-baarista dowladda Soomaaliya Bashiir Nuur Geedo oo maanta warbaahinta kula hadlayay magaalada Muqdisho ayaa sheegay in la xiray ku dhawaad 28 ruux oo isugu jira saraakiil iyo ciidamo ka tirsan dowladda Soomaaliya

8/25/2018 7:14 AM EST
Sabti, August , 25, 2018 (HOL) – Waxaa laga yabaa in aad markiiba ku jah-wareerto ciwanka maqaalkan, laakiin waxa aan ka hadley-no ma’aha wadankii Soomaaliya iyo Ururka hubeysan Al-shabaab, balse waa caaryahan lagu naaneyso Somalia oo ku biiray kooxda Kubadda Cagta Al-shabaab ee ka dhisan dalka Saudi Arabia.

8/25/2018 5:11 AM EST
Sabti, August , 25, 2018 (HOL)–Guddoomiyaha degmada Buurdhuubo ee gobolka Gedo Xassan Maxamuud Cali ayaa warbaahinta u sheegay howlgal ay sameeyeen ciidamada dowladda Soomaaliya ku dileen 7 xubnood oo ka tirsan dagaalamayaasha Al-shabaab.

8/25/2018 2:26 AM EST
Sabti, August , 25, 2018 (HOL)–Qaramada Midoobey ayaa ku eedeeysay xulufada uu horkacayo Sacuudiga ee dagaalka kula jira Xuutiyiinta Yemen duqeyn ku dileen 22 carruur ah iyo afar dumar ah.

8/25/2018 2:08 AM EST
Sabti, August , 25, 2018 (HOL)–Xiriirkii Internet –ka deegaannada Ismaamulka Soomaalida Itoobiya ayaa dib u soo noqday, gaar ahaan magaalada Jigjiga sida ay warbaahinta u sheegeen dadka deegaanka.

8/25/2018 1:52 AM EST
Sabti, August , 25, 2018 (HOL)– Wadigan Mareykanka ka socday ee gaaray Arbacadii ina dhaaftay ee todobaad hore magaalada Addis Ababa waxaa hoggaaminayay Xildhibaan Christopher Smith, iyaga oo kulan Khamiistii ay la yeesheen ra’iisal wasaaraha Itoobiya kala hadlay dib –u-habeyn lagu sameeyo siyaasada la xiriirta dhowrista Xuquuqda Aadanaha.

8/25/2018 12:52 AM EST
Sabti, August , 25, 2018 (HOL)– Madaxweynaha Mareykanka Donald Trump ayaa joojiyay qorshe toddobaadka dambe uu xoghayaha arrimaha dibadda Mike Pompeo uu booqasho uga tegi lahaa Kuuriyada Waqooyi, qoraalo is xiga xiga uu kusoo qoray Twitter-ka ayuu Trump kaga cawday inaysan jirin horumaro laga gaaray qorshaha xukuumadda Pyongyang ee ku aadan bur-burinta barnaamijka Nukliyerka.

8/25/2018 12:37 AM EST
Sabti, August, 25, 2018 (HOL)– Subaxnimadii shalay ayeey aheyd markii xaafadda Weston and Lawrence ee magaalada Toronto dagaal ka dhacay gudaha dhisme ku yaalada xaafadda lagu dilay Kaafi Bashiir oo ahaa wiil Soomaali ah.