11/16/2018
Today from Hiiraan Online:  _
Wararka Maanta- Sabti, Aug 25, 2018
Canada : Wiil Soomaali ah oo tooreey lagu dilay


 

Sabti, August, 25, 2018 (HOL)– Subaxnimadii shalay ayeey aheyd markii xaafadda Weston and Lawrence ee magaalada Toronto dagaal ka dhacay gudaha dhisme  ku yaalada xaafadda lagu dilay Kaafi Bashiir oo ahaa wiil Soomaali ah.

Yuusuf Maxamed Xuseen (Yuusuf Kowneyn) ayaa sheegay in markii hore uu dagaal ka dhacay gudaha dhismaha ku yaala xaafadda, hasse ahaatee markii ay dhalinyaradu dibeda iskula soo baxeen kaddib dhowr tooreey lagu dhuftay Ninkan lagu magacaabi jiray Kaafi Bashiir oo ahaa 30 sano jir.

‘’Dhowr mindi ayaa lagu dhuftay, meesha ayuu ku dhiig-baxay kaddib waa uu geeriyooday ayuu yiri Yuusuf Maxamed Xusseen oo ka waramay dilka wiilkan Soomaaliga ah.

Sida ay Booliis-ku sheegeen falkan waxaa ku lug lahaa dhowr wiil kale oo dhalinyaro ah oo markii uu falku dhacay la sheegay in ay goobta isaga carareen iyaga oo is qarinaya.

‘’Wararku waxaa ay sheegayaan in dilkan ay ku lug lahaayeen dhalinyaro kale oo Soomaali ah, laakiin lama hubo Booliis-kuna ma jirto cid ay u soo qabteen dilka ilaa iyo hadda ayuu hadalkiisa sii raaciyay’’ Yuusuf.

Dilalka lagula kaco dhalinyarada Soomaaliyeed ee qurbaha ku nool ayaa sanadihii ugu danbeeyay-ba ahaa kuwo si joogta ah u dhaca, gaar ahaan dalka Canada jaaliyada Soomaalida ayaa siweyn ula tacaalaya in la joojiyay falalka dhalinyaradu isku dilaan, balse waxaaa muuqata in aan wali waxba arintan laga qaban.

C/raxmaan Diini, Hiiraan Online
[email protected]







Click here
8/25/2018 1:50 PM EST
Sabti, August, 25, 2018 (HOL)–Ururka ONLF ayaa markii ugu horeyay soo dhaweeyay madaxweynaha cusub ee dhawaantan loo doortay dowlad deegaanka Soomaalida Itoobiya Mustafe Max’uud Cumar Cagjar sida uu Idaacada VOA u sheegay afhayeenka ururka.

8/25/2018 9:42 AM EST
Sabti, August , 25, 2018 (HOL)–Taliye ku-xigeenka hay’adda danbi-baarista dowladda Soomaaliya Bashiir Nuur Geedo oo maanta warbaahinta kula hadlayay magaalada Muqdisho ayaa sheegay in la xiray ku dhawaad 28 ruux oo isugu jira saraakiil iyo ciidamo ka tirsan dowladda Soomaaliya

8/25/2018 7:14 AM EST
Sabti, August , 25, 2018 (HOL) – Waxaa laga yabaa in aad markiiba ku jah-wareerto ciwanka maqaalkan, laakiin waxa aan ka hadley-no ma’aha wadankii Soomaaliya iyo Ururka hubeysan Al-shabaab, balse waa caaryahan lagu naaneyso Somalia oo ku biiray kooxda Kubadda Cagta Al-shabaab ee ka dhisan dalka Saudi Arabia.

8/25/2018 5:11 AM EST
Sabti, August , 25, 2018 (HOL)–Guddoomiyaha degmada Buurdhuubo ee gobolka Gedo Xassan Maxamuud Cali ayaa warbaahinta u sheegay howlgal ay sameeyeen ciidamada dowladda Soomaaliya ku dileen 7 xubnood oo ka tirsan dagaalamayaasha Al-shabaab.

8/25/2018 2:26 AM EST
Sabti, August , 25, 2018 (HOL)–Qaramada Midoobey ayaa ku eedeeysay xulufada uu horkacayo Sacuudiga ee dagaalka kula jira Xuutiyiinta Yemen duqeyn ku dileen 22 carruur ah iyo afar dumar ah.

8/25/2018 2:08 AM EST
Sabti, August , 25, 2018 (HOL)–Xiriirkii Internet –ka deegaannada Ismaamulka Soomaalida Itoobiya ayaa dib u soo noqday, gaar ahaan magaalada Jigjiga sida ay warbaahinta u sheegeen dadka deegaanka.

8/25/2018 1:52 AM EST
Sabti, August , 25, 2018 (HOL)– Wadigan Mareykanka ka socday ee gaaray Arbacadii ina dhaaftay ee todobaad hore magaalada Addis Ababa waxaa hoggaaminayay Xildhibaan Christopher Smith, iyaga oo kulan Khamiistii ay la yeesheen ra’iisal wasaaraha Itoobiya kala hadlay dib –u-habeyn lagu sameeyo siyaasada la xiriirta dhowrista Xuquuqda Aadanaha.

8/25/2018 12:52 AM EST
Sabti, August , 25, 2018 (HOL)– Madaxweynaha Mareykanka Donald Trump ayaa joojiyay qorshe toddobaadka dambe uu xoghayaha arrimaha dibadda Mike Pompeo uu booqasho uga tegi lahaa Kuuriyada Waqooyi, qoraalo is xiga xiga uu kusoo qoray Twitter-ka ayuu Trump kaga cawday inaysan jirin horumaro laga gaaray qorshaha xukuumadda Pyongyang ee ku aadan bur-burinta barnaamijka Nukliyerka.