3/29/2024
Today from Hiiraan Online:  _
Wararka Maanta- Jimco, Aug 24, 2018
Al-shabaab oo soo bandhigay muuqaalkii ugu horeeyay weerar sanadkii hore ay ku qaadeen saldhig ciidan, Barriire


Jimco, August, 24, 2018 (HOL) - Al-shabaab ayaa markii ugu horeysay warbaahinta u soo bandhigay hub iyo gadiid dagaal oo ay ku qabsadeen weerar bishii August sanadkii hore 2017 lagu qaaday saldhig ciidamada xoogga dalka ay ku lahaayeen deegaanka Bariire ee Gobolka Shabeellaha Hoose.

Weerarkan oo labada dhinacba uu khasaare xoog leh ka soo gaaray ayeey Al-shabaab ku furteen iyo gaadiid dagaal iyaga oo ugu danbeyntii warbahinta u soo bandhigay.

Al-shabaab oo barahooda bulshada oo galiyay muuqaal soconayay wax ka badan 30 daqiiqo ayaa lagu soo bandhigay gadiid dagaaal nooca CabdiBilaha ah ee la saaro qoryahay iyo walibaa gaadiid caafimaad.

Weerarka Al-Shabaab ku qaaday Bariire ayaa waxaa lagu bilaabay gaari wax-yaabaha qarxa laga soo buuxiyay oo uu kaxeynayay nin naftii hure ahaa oo gaariga ku qarxiyay afaafka hore ee Xerada.

Al-shabaab ayaa sanadihii ugu danbeeyayba weerarro joogta ah ku hayay xarumo ciidamada dowladda iyo kuwa howlgalka midowga Africa AMISOM ee Koonfurta iyo Bartamaha Soomaaliya, waxaana ay xeeldheerayaasha arrimaha militer-gu qabaan in Al-shabaab weeraradaa ka hellaan hub iyo gadiid faro badan, kuwaa oo marka danbe lagu arko goobaha ay ku sameeyaan dhuula-tuska.

C/raxmaan Diini, Hiiraan Online
[email protected]













Click here
8/24/2018 2:20 PM EST
Jimco, August, 24, 2018 (HOL) -Sida goob-jogayaal ay u xaqiijiyeen Laanta afka Soomaaliga ee VOA-da ciidamo ka tirsan maamul gobolleedka Jubbaland ayaa weeraray saldhig ciidan magaalada Kismaayo, waxaana weerarkan la xaqiijiyay in ay ku dhaawac-meen Labo ruux.

8/24/2018 10:11 AM EST
Jimco, August, 24, 2018 (HOL)-Wararka naga soo gaaraya degmada Jalalaqsi ee gobolka Hiiraan ayaa sheegaya in askari ka tirsan ciidamada Jabuuti ee qeybta ka ah howlgalka AMISOM uu ku dhintay Qarax miino oo degmada ka dhacay maanta.

8/24/2018 8:45 AM EST
Jimco, August, 24, 2018 (HOL)-Ra’iisal wasaaraha Itoobiya Abiy Ahmed ayaa magaalada Addis Ababa ee dalka Itoobiya maanta oo Jimco ah kula kulmay Ergo gaareysa 700 qof oo laga soo kala xulay gobolada dowlad deegaanka Soomaalida Itoobiya.

8/24/2018 7:31 AM EST
Jimco, August, 24, 2018 (HOL)-Ciidamada dowladda Soomaaliya oo howlgal qorsheysan ka fuliyay qeyb ka mid ah magaalada Muqdisho ayaa la sheegay in ay qabteen labo xubnood oo ka tirsan ururka Al-shabaab.

8/24/2018 2:38 AM EST
Jimco, August, 24, 2018 (HOL) – Australia ayaa yeelaynasa Ra'iisulwasaare cusub, waana Scott Morrison oo ka mid ah masuuliyiinta sare ee xisbiga talada haya Liberal Party, wuxuuna badalayaa Malcolm Turnbull, kaas oo ay meesha ka takhaantukhiyeen rag ay is hayeen oo isla xisbigiisa ka tirsan.

8/24/2018 2:03 AM EST
Jimco, August,24, 2018 (HOL)–Saraakiil Britain ah ayaa tababar u soo xiray ciidamo gaaraya 500 oo askari kuwaa oo qeyb ka noqonaya howlgalka ka dhanka ah Al-shabaab ee ka soconaya deegaannada maamulka Koonfur Galbeed.

8/24/2018 12:27 AM EST
Jimco, August, 24, 2018 (HOL)-Ra’iisul wasaaraha Itoobiya Abiy Ahmed ayaa lagu wadaa in saakay oo Jimco ah magaalada Addis Ababa uu kula kulmo xubno ka tirsan hogaanka cusub ee dowlad deegaanka Soomaalida Itoobiya iyo ergo kor u dhaafeysa ilaa 700 oo ruux oo laga kala keenay deegaannada Ismaamulka Soomaalida.