Khamiis, August, 23, 2018 (HOL)-Ciidamo
ka tirsan kuwa dowladda Soomaaliya ayaa toogasho ku dilay qof rayida ah oo
la socday gaari Ambulance ah oo lagu
siday qof meyd xili uu ku sii socday Aaskiisa.
Askariga oo ka mid ahaa ciidamada ku sugan bar-koontarool oo
ku taala Agagaarka Warshada Taraqa ee degmada Hodan ayaa la sheegay in ay
murmeen dad la socday gaariga lagu siday meydka, kaddib-na uu rasaas ku furay,
waxaana ay rasaastu halleeshay mid ka mid ah dadkii la socday gaariga Ambulance
oo uu saarnaa meydka.
Guud ahaan dadkii kale ee ala socday gaariga ayaa
siweyn arintaa uga argagaxay madaam ay geeri kale ku soo korartay oo ah
qof ka mid ahaa dadkii doonayay in ay meydka wax ka soo aasaan.
Qof dhintay ayaa lagu
magacaabi jiray Axmed Nuur Xassan 28 jir ahaa , waxaana la sheegay in dhaawac
soo gaaray uu isbitaal ugu geeriyooday.
Ciidamada dowladda ayaa waxa ay gaareen goobta uu
qaraxa ka dhacay, waxayna halkaasi ka sameeyeen baari-taanno ku aadan sidii
looga daba tagi lahaa raggii falkan ka dambeeyay.
C/raxmaan Diini, Hiiraan
Online
[email protected]