3/29/2024
Today from Hiiraan Online:  _
Wararka Maanta- Khamiis, Aug 23, 2018
Kooxda SYDOM oo wacdaro ka dhigtay Tartamada cayaaraha saaxiib-tinimo ee Europe


Khamiis, August, 23, 2018 (HOL)– Kooxda kubadda koleyga ee la magac baxday SYDOM oo ka dhisan Minnesota ayaa wacdarro la yaab leh ka dhigtay tartamadii ciyaaraha saaxiibtinimo oo ay ku cayaarayeen dalalka Europe sida: Ingiriiska, Sweden iyo Finland.

Kooxdan oo ka socotay ururka horumarinta HORUMARINTA DHALLINYARADA SOOMAALIYEED EE GOBOLKA MINNESOTA oo marka magacooda la soo gaabiyo loo yaqaan”SYDOM” ayaa iyagu cayaaray 9 ciyaarood, waxaana laga adkaaday hal ciyaar oo kaliya. Dhallinyaradan iyaga ah oo da’doodu ay u dhaxeysay 17 ilaa 23 air ayaa muujiyay qaab ciyaareed ay aad ugu riyaaqeen dadkii faraha badnaa oo u soo daawasho tagi jiray maalin kasta.

Mar aan la xiriiray tababaraha xulka qaranka Soomaaliyeed ee K/Koleyga Cabdulqaadir Xaaji Daahir “Shiikha” oo isagu hor kacayay wafdigaasi ciyaartooyda, ayaa ii sheegay in dhallinyarada ay muujiyeen Akhlaaq iyo ciyaar wanaagsan oo aad loogu ammaanay, iyaga oo mararka qaarkood la ciyaarayay kooxo D’a ahaan iyo jir ahaan ka waaweynaa.

Ujeedada safarkeenuna waxaa uu ahaa inaan u kuur galno oo aan raadino cayaartooyda Soomaaliyeed ee ku nool Europe oo ka qayb qaadan kara cayaaraha qaranka Soomaaliyeed iyo in dhallinyaradu is bartaan oo isdhex galaan waayo aragnimona kala kororsadaan iyo in dhallinyaradu arkaan nolosha dadka Soomaaliyeed ee ku nool Europe.. Runtiina wax aad u weyn ayey ka soo kororsadeen isdhexgalka halkaasi ka billowday oo aan rajaynayo inuu noqdo mid aan joogtayno.

Waxan jeclahay inaan halkan ugu mahadceliyo tababarayaashii kooxda gacanta ku hayay oo kala ahaa: Sadik Haji iyo Khalid Hussein oo muujiyay dadaal dheeri ah iyo dhallinyaradii ka qayb qaadatay tartanka oo guusha soo hoysay kuwaasi oo kala ahaa: Dahir Haji,Faruk Ahmed, Mahad Haji, Ahmed Mohamoud, Jama Bulhan,Sakaria Haji, Adnan Guled, Mustafa Ali, Ali Ali, Mohamud Ahmed , Mohamed Khalif iyo Mohamed Yusuf .

Ugu dambeyntii Tababare Shiikha, waxaa uu mahadcelin ballaaran u soo jeediyay Dadkii suuro galiyay in cayaarahan ay ka qabsoomaan magaalooyinka London, Stockholm iyo Helsink iyo jaaliyadaha Soomaaliyeed ee ku dhaqan saddexdaasi magaalo oo dhallinyarada u muujiyay kalgacal dheeri ah iyo Soomaalinimo.













Click here
8/23/2018 1:24 PM EST
Khamiis, August, 23, 2018 (HOL)–Wararka naga soo gaaraya gobolka Bakool ayaa sheegaya in koox hubeysan toogasho ku dishay Nin oday ah oo ka ganacsan jiray khudaarta iyo wiil 12 sano jir ah sida ay warbaahinta u xaqiijiyeen eheladda dadka la dilay.

8/23/2018 1:15 PM EST
Khamiis, August, 23, 2018 (HOL)-Golaha wasiirrada Puntland oo magaalada Garoowe ku yeeshay shirkoodii toddobad lahaa ayaa ansixiyay dhowr xeer, waxaa shirka guddoominayay madaxweynaha Puntland Cabdiweli Gaas.

8/23/2018 10:47 AM EST
Khamiis, August, 23, 2018 (HOL)-Madaxweynaha cusub ee dawlad deegaanka Soomaalida Itoobiya Mustafe Muxumad Cumar [Mustafe Cagjar] ayaa u sheegay dad uu kula hadlayey magaalada Addis Ababa in uu ka shaqayn doono sidii loo beddeli lahaa calanka dawlad-deegaanka.

8/23/2018 10:23 AM EST
Khamiis, August, 23, 2018 (HOL)-Ku simaha madaxweynaha Cusub ee DDSI Mustafe Muxumed Cumar Cagjar ayaa sheegay in xoriyatul qawlkii iyo xuquuqda banidaa’nimada la ilaalinayo, waxaanu tilmaamay in wax kasta laga hadli karo haday tahay dastuurka Itoobiya iyo haddii isaga laftiisa la daacayadaynayo.

8/23/2018 10:00 AM EST
Khamiis, August, 23, 2018 (HOL)-Ciidamo ka tirsan kuwa dowladda Soomaaliya ayaa toogasho ku dilay qof rayida ah oo la socday gaari Ambulance ah oo lagu siday qof meyd xili uu ku sii socday Aaskiisa.

8/23/2018 7:00 AM EST
Khamiis, August, 23, 2018 (HOL)– Laba wasiir oo ka tirsanaa xukuumadii madaxweynihii hore ee deegaanka Soomaalida Itoobiya Cabdi Maxamed Cumar, ayaa la sheegay inay dhuumasho ku soo galeen Hargeysa, isla markaana lagu qabtay madaarka Cigaal oo ay ka dhoofayeen.

8/23/2018 5:48 AM EST
Khamiis, August, 23, 2018 (HOL)–Wararka naga soo gaaraya degmada Dherkeenley ee gobolka Banaadir ayaa sheegaya in kooxo hubeysan xalay ku dileen degmada labo wiil oo sida la sheegay walaalo ahaa.

8/23/2018 1:54 AM EST
Khamiis, August, 23, 2018 (HOL)– Afhayeen u hadashay aqalka cad ayaa diidday inay sheegto goorta uu madaxweynuhu ogaa lacago Mr Cohen uu laba qof oo dumar ah siiyey, intii uu socday ololaha doorashada ee 2016, kuwaasoo sheegay in xiriir uu dhex maray ayaga iyo Mr Trump.

8/23/2018 1:21 AM EST
Khamiis, August, 23, 2018 (HOL)–Wararka ka imanaya dalka Sacuudiga ayaa sheegaya in Afar Xaaji oo Soomaali ah geeriyoodeen iyaga oo gudana-waajibaadka Xajka.

8/23/2018 12:51 AM EST
Khamiis, August, 23, 2018 (HOL)–Xaalada magaalada Marka ee xarunta u ah gobolka Shabeellaha Hoose ayaa degan kaddib dagaallo culus oo labadii cisho ee la soo dhaafay ka dhacay gudaha magaalada.

8/23/2018 12:03 AM EST
Khamiis, August, 23, 2018 (HOL)–Ra’iisal wasaaraha Itoobiya Abiy Ahmed ayaa qorsheynaya in maalinta Jimcaha [Berri] magaalada Addis Ababa kulan kula yeesho 1000 qof oo ka kala socda deegaannada Ismaamulka Soomaalida Itoobiya.