Arbaco, August, 22, 2018 (HOL)– Getachew Assefa wuxuu ahaa
madaxii ugu sareeyay hay’adda sirdoonka Itoobiya, waxaa amar lagu bixiyay in la
soo xiro isaga oo ku eedeysan in uu galay danbi-yo kala duwan muddadii uu xilka
hayay.
Waxaa la sheegay in uu muddo
bil ah ku qaatay hotel aan magaciisa la sheegin oo ku yaala magaalada Mekelle,
ka hor inta uusan u bxsan dalka Suudaan.
Qaar ka mid ah saraakiisha
Booliiska gobolka Tigray ayaa la sheegay in ay fududeeyeen baxsashadiisa, hasse
ahaatee lama bixin faah faahin intaa dhaafiisan, sidoo kalana waxaa la sheegay
in qoyskiisa- mar horeba isaga tageen dalkaasi Itoobiya.
Getachew Assefa oo ka mid ah sagaalka xubnood ee
ugu sareeya guddiga fulinta ee xisbiga TPLF iyo xubin ka tirsan guddiga fulinta ee EPRD, ayaa lagu soo oogay
dambiyo culus oo ay ka mid yihiin rab-shadaha ku saleysan qowmiyadaha ee ka socda qaybaha kala duwan ee Itoobiya.
Waxaa ka mid ah danbiyada lagu
eedeynayo dil, xarig sharci daro ah, jirdil, iyo ku tumashada awoodda iyo meel
ka dhaca xuquuqda aadanaha.
Ra’isul wasaaraha dalka
Itoobiya Abiye Axmed ayaa markii la magacaabay waxaa uu xilalka ka qaaday
taliyeyaal ciidan oo ku jiray taliyihii sirdoonka Getachew assefa, isagoo ku
bedelay taliyeyaal cusub.
C/raxmaan Diini, Hiiraan
Online
[email protected]