9/19/2018
Today from Hiiraan Online:  _
Wararka Maanta- Isniin, Aug 20, 2018
Peter de Clercq : Toddobo shaqaale gargaar ah ayaa lagu dilay sanadkan Soomaaliya


 

Isniin, August, 20, 2018 (HOL) - Toddobo ka mid ah shaqaalaha gargaarka bani'aadamnimada ah ayaa sanadkan oo kaliya lagu dilay Soomaaliya, iyadoo 10 kale-na ay ku dhaawacmeen sida uu sheegay sarkaal sare oo ka tirsan hay'adda gargaarka ee Qaramada Midoobay ee Geeska Afrika.

Ku-xigeenka Wakiilka Gaarka ah ee Qaramada Midoobay ee Soomaaliya iyo Isu-duwaha Hawlaha Bani'aadamnimada, Peter de Clercq, ayaa ku baaqay in la ilaaliyo shaqaalaha gargaarka, isaga oo sheegay in shaqaalaha bani'aadamnimada wali ay wajahayaan hanjabaad uga imnaya kooxo kala gadisan taasoo ka hor istaagi karta in ay sii wadaan howlahooda samafalka.

"Waxey wali wajahayaan hanjabaad, taasoo ka hor iman karta in la gaaro dadka caawimaada u baahan" ayuu ku yiri war uu soo saaray habeenkii Axadda oo lagu beegay Maalinta Bani-aadamnimada Adduunka.

De Clercq ayaa ka digay hanjabaadaha culus ee ay la kulmayaan shaqaalaha gargaarka ee Soomaaliya, oo bartilmaameed noqday kooxaha hubeysan oo marka laga soo tago dilka sidoo kale ku kacaya afduub, xariga iyo boobista sahayda gargaarka.

Sarkaalka Qaramada Midoobay wuxuu xusay in 74 dhacdooyin rabshado wata oo saameeyay shaqaalaha gargaarka bani'aadamnimada, xarumaha caafimaadka iyo hantida laga diiwaan-galiyay dalalka Geeska Afrika tan iyo bilowgii sanadka 2018.

18 ka mid ah shaqaalaha gargaarka ee la af-duubay sanadkan, lix ayaa weli ah la heystayaal oo ay ka mid tahay kalkaaliso u dhalatay dalka Jarmalka oo lagu magacaabo Sonja Nientiet, taasoo bishii Maajo ee sanadka laga afduubtay Muqdisho.

De Clercq ayaa sheegay in inkastoo tirada shaqaalaha gargaarka ee lagu bartilmaameedsanayay 2018 ay ka yar tahay tiradii sannadkii hore, laakiin haddana wali waxaa jira khataro iyo walwal ay wajahayaan samfalayaasha.

Xukuumadda Soomaaliya ayaa wacad ku martay in ay talaabo qaaddo si loo yareeyo khatarta ka imaan karta shaqaalaha gargaarka.

"Wasaaraddeenu waxay ka shaqayn doontaa sidii loo heli lahaa siyaasado adag oo ilaaliya dadka rayidka ah, samafalayaasha iyo shaqaalaha caafimaadka," ayuu yiri Xamza Said Hamza, Wasiirka Wasaaradda Arrimaha Bani'aadamnimada iyo Maareynta Musiibooyinka.

Qaramada Midoobay ayaa sheegtay in 2.6 milyan oo qof oo Soomaali ah ay ku baro-kaceen dalka gudihiisa, waxaana ay intaa ku dartay baahida loo qabo yareynta xaalada barakaca.

"Waxaan soo dhaweyneynaa ballanqaadyada ay sameeyeen xukuumadda federaalka ah iyo dawlad goboleedyada si ay wax uga qabtaan arrimaha ku saabsan barakicinta- iyadoo loo marayo heerarka caalamiga ah,"

Soomaaliya ayaa lagu tilmaamaa in ay ka mid tahay dalalka ugu khatarta badan marka la eego howlgalada shaqaalaha gargaarka oo naftooda ku waaya mar marka qaar iyaga oo gacanta kula jira arrimo la xiriira u samafalida dadka jilicsan.

C/raxmaan Diini, Hiiraan Online
[email protected]







Click here
8/20/2018 1:42 PM EST
Isniin, August, 20, 2018 (HOL)-Madaxweynaha Soomaaliya Maxamed Cabdullaahi Farmaajo ayaa ugu hambalyeeyay shacabka Soomaaliyeed munaasabadda barakaysan ee Ciidul Adxaa.

8/20/2018 10:45 AM EST
Isniin, August, 20, 2018 (HOL)-Xukuumadda Somaliland ayaa ka jawaabtay hadalo hanbajaad ahaa oo ka soo yeedhay maamulka Puntland ee Soomaaliya.

8/20/2018 9:30 AM EST
Isniin, August, 20, 2018 (HOL)-Madaxa xukuumadda Galmudug Sheekh Maxamed Sheekir Cali Xassan ayaa magaalada Dhuus-mareeb kula kulmay Ifrah Ahmed oo ah gabar u olaleysa ka hortaga gudniinka fircooniga, xili ay booqatay hay’adda Ifrah Foundation qoyskii ay ka geeriyootay Deeqa Daahir Nuur oo sababsatay dhiigbax ay ka dhashay gudniin lagu sameeyay.

8/20/2018 7:39 AM EST
Isniin, August, 20, 2018 (HOL)-Guddoomiyaha Golaha Shacabka ee Baarlamaanka Soomaaliya Maxamed Mursal Sheekh C/raxmaan ayaa ku dhawaaqay in 10-ka bisha September uu si rasmi ah u furmi doono Kalfadhiga 4aad ee Golaha Shacabka.

8/20/2018 5:52 AM EST
Isniin, August, 20, 2018 (HOL) - Waxaa looga baahan yahay dowladda Itoobiya in ay samayso hawlgal xaqiiqo raadin ah, qoto dheer, isla markaana madax bannaan si ay uga salgaarto tacaddiyada xuquuqda aadanaha iyo jebinta xeerarka dagaalka ee sanadaha badan ka socday deegaanka Soomaalida ee bariga Itoobiya, waxaa sidaa maanta sheegtay Human Rights Watch. Waa in arintaasi ay qeyb ka noqdaan baaritaanno gaar ah oo lagu eegayo mas’uuliyadda ay tacaddiyadaasi ku leeyihiin saraakiil sarsare oo gobolkaasi ah, gaar ahaan madaxweynihii hore ee Cabdi Maxamuud Cumar iyo hogaamiyaha haatan ee ciidanka Liyu booliska, Cabdiraxmaan Cabdillaahi Burale.

8/20/2018 3:21 AM EST
Isniin, August, 20, 2018 (HOL)-Siyaasiga Cabdiraxmaan Cabdi Shakuur Warsame oo xilal kala duwan horay uga soo qabtay dowladihii isaga dan-beeyay dalka Soomaaliya, islamarkaana hadda ah guddoomiyaha Xisbiga Wadajir oo maalmihii ugu danbeeyay socdaal ku marayay dalalka dibeda ayaa warbixin guud ka ka siiyay Soomaalida ku dhaqan magaalada Toronto ee dalka Canada xaalada guud ee wadanka.

8/20/2018 1:24 AM EST
Isniin, August, 20, 2018 (HOL) - Malaayiinta Muslimiinta ah sanadkan xajinaya ayaa lagu wadaa in saacadaha soo socda ka soo anbabaxaan deegaanka Mina iyaga oo u jiheysan doona Buurta Carafo,halkaasoo lagu wado in ay ku gutaan mid ka mid ah Ruk-niyada ugu muhiimsan Xajka.

8/20/2018 1:04 AM EST
Isniin, August, 20, 2018 (HOL) -Kaddib kulan maalmihii ugu danbeeyayba uga soconayay magaalada Addis Ababa xubnaha ugu sareeya xisbiga ka arimiya dowlad deegaanka Soomaalida Itoobiya ayaa leysku afgartay in ka mid ahaanshaha xisbiga laga saaro saddex xubnood oo ku ku eedeysan in ay ka danbeeyeen rabshadii ka dhacay magaalooyinka waaweyn ismaamulka Soomaalida.

8/20/2018 12:55 AM EST
Isniin, August, 20, 2018 (HOL)–Saraakiisha Amaanka dalka Kenya ayaa sheegay in uu socdo qorsheo dhalinyarada xuduuda Kenya iyo Soomaaliya ku nool ay kaga wacyi gelinayaan ku biirida Ururka Al Shabaab.