3/28/2024
Today from Hiiraan Online:  _
Wararka Maanta- Isniin, Aug 20, 2018
Somaliland oo ka jawaabtay hadallo ka soo yeedhay Puntland

 

Isniin, August, 20, 2018 (HOL) - Xukuumadda Somaliland ayaa ka jawaabtay hadalo hanbajaad ahaa oo ka soo yeedhay maamulka Puntland ee Soomaaliya.

Afhayeenka wasaarada Gaashaandhiga Somaliland Cumar Cabdirisaaq ayaa sheegay inay tixgalinayaa go’aamadii ka soo baxay urur goboleedka IGAD iyo xafiiska wakiilka UN-ta u qaabilsan Somaliland iyo Soomaaliya ee ahaa in deegaankaasi nabad lagu soo celiyo.

“Madaxda muddo kordhiska raba waxay maalin kasta warbaahinta la soo fadhiyaan kala fogeynta shacabka iyo waliba sidii ay fadqalalo uga ridi lahaayeen deegaanada Nabadda iyo harumarku ka jiro ee ka badbaaday maleeshiyadaas, ciidanka Somaliland wali may gaadhin xuduuda rasmiga ah ee aanu leenahay, taasi oo ah kambalka Garoowe ee maamulkaasi, balse waxaanu tixgalinaynaa oo dhowraynaa shacabka deegaanadaasi oo aanu barakac u diidanayn iyo si aysan cabdsi badan u dareemin ciidamadaasi dushooda yimid, Tukaraq waa deegaan Somaliland ka tirsan”ayaa lagu yidhi war-saxaafadeedkaasi ka soo baxay wasaaradda Gaashandhiga.

“Somaliland waxa ka go’an nabad ku wada noolaanshaha wadamada jaarka, balse ma aqbalayso cid kasta oo xuduudaheeda ku soo xad gudubta, wasaarada gaashaandhiga iyo ciidanka qaranku waxa ka go’an in ay sugaan xuduudda kala duwan ee dalka, waxaanu dignin u dirayna maamulka puntland ee soomaaliya oo aanu leenahay nabad ku wada noolaanshaha mandaqada waanu tixgalinaynaa hadiisa aad tixgalin waydaan waxaad kala kulmi doontaan wixii aad hore ciidan kaa xoog badan kala kulmi jirtay”ayaa lagu yidhi qoraalkaasi ka soo baxay wasaaradda Gaashaandhiga SOmaliland.

Puntland ayaa sheegtay in ay dagaal ku qaadi doonto hadii aanay ciidanka Somaliland dib ugu noqon deegaanadoodda.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
8/20/2018 2:56 PM EST
Isniin, August, 20, 2018 (HOL) - Toddobo ka mid ah shaqaalaha gargaarka bani'aadamnimada ah ayaa sanadkan oo kaliya lagu dilay Soomaaliya, iyadoo 10 kale-na ay ku dhaawacmeen sida uu sheegay sarkaal sare oo ka tirsan hay'adda gargaarka ee Qaramada Midoobay ee Geeska Afrika.

8/20/2018 1:42 PM EST
Isniin, August, 20, 2018 (HOL)-Madaxweynaha Soomaaliya Maxamed Cabdullaahi Farmaajo ayaa ugu hambalyeeyay shacabka Soomaaliyeed munaasabadda barakaysan ee Ciidul Adxaa.

8/20/2018 9:30 AM EST
Isniin, August, 20, 2018 (HOL)-Madaxa xukuumadda Galmudug Sheekh Maxamed Sheekir Cali Xassan ayaa magaalada Dhuus-mareeb kula kulmay Ifrah Ahmed oo ah gabar u olaleysa ka hortaga gudniinka fircooniga, xili ay booqatay hay’adda Ifrah Foundation qoyskii ay ka geeriyootay Deeqa Daahir Nuur oo sababsatay dhiigbax ay ka dhashay gudniin lagu sameeyay.

8/20/2018 7:39 AM EST
Isniin, August, 20, 2018 (HOL)-Guddoomiyaha Golaha Shacabka ee Baarlamaanka Soomaaliya Maxamed Mursal Sheekh C/raxmaan ayaa ku dhawaaqay in 10-ka bisha September uu si rasmi ah u furmi doono Kalfadhiga 4aad ee Golaha Shacabka.

8/20/2018 5:52 AM EST
Isniin, August, 20, 2018 (HOL) - Waxaa looga baahan yahay dowladda Itoobiya in ay samayso hawlgal xaqiiqo raadin ah, qoto dheer, isla markaana madax bannaan si ay uga salgaarto tacaddiyada xuquuqda aadanaha iyo jebinta xeerarka dagaalka ee sanadaha badan ka socday deegaanka Soomaalida ee bariga Itoobiya, waxaa sidaa maanta sheegtay Human Rights Watch. Waa in arintaasi ay qeyb ka noqdaan baaritaanno gaar ah oo lagu eegayo mas’uuliyadda ay tacaddiyadaasi ku leeyihiin saraakiil sarsare oo gobolkaasi ah, gaar ahaan madaxweynihii hore ee Cabdi Maxamuud Cumar iyo hogaamiyaha haatan ee ciidanka Liyu booliska, Cabdiraxmaan Cabdillaahi Burale.

8/20/2018 3:21 AM EST
Isniin, August, 20, 2018 (HOL)-Siyaasiga Cabdiraxmaan Cabdi Shakuur Warsame oo xilal kala duwan horay uga soo qabtay dowladihii isaga dan-beeyay dalka Soomaaliya, islamarkaana hadda ah guddoomiyaha Xisbiga Wadajir oo maalmihii ugu danbeeyay socdaal ku marayay dalalka dibeda ayaa warbixin guud ka ka siiyay Soomaalida ku dhaqan magaalada Toronto ee dalka Canada xaalada guud ee wadanka.

8/20/2018 1:24 AM EST
Isniin, August, 20, 2018 (HOL) - Malaayiinta Muslimiinta ah sanadkan xajinaya ayaa lagu wadaa in saacadaha soo socda ka soo anbabaxaan deegaanka Mina iyaga oo u jiheysan doona Buurta Carafo,halkaasoo lagu wado in ay ku gutaan mid ka mid ah Ruk-niyada ugu muhiimsan Xajka.

8/20/2018 1:04 AM EST
Isniin, August, 20, 2018 (HOL) -Kaddib kulan maalmihii ugu danbeeyayba uga soconayay magaalada Addis Ababa xubnaha ugu sareeya xisbiga ka arimiya dowlad deegaanka Soomaalida Itoobiya ayaa leysku afgartay in ka mid ahaanshaha xisbiga laga saaro saddex xubnood oo ku ku eedeysan in ay ka danbeeyeen rabshadii ka dhacay magaalooyinka waaweyn ismaamulka Soomaalida.

8/20/2018 12:55 AM EST
Isniin, August, 20, 2018 (HOL)–Saraakiisha Amaanka dalka Kenya ayaa sheegay in uu socdo qorsheo dhalinyarada xuduuda Kenya iyo Soomaaliya ku nool ay kaga wacyi gelinayaan ku biirida Ururka Al Shabaab.