3/28/2024
Today from Hiiraan Online:  _
Wararka Maanta- Isniin, Aug 20, 2018
Sheekh Shaakir : Waan ka soo horjeed-naa gudniinka fircooniga


Isniin, August, 20, 2018 (HOL) - Madaxa xukuumadda Galmudug Sheekh Maxamed Sheekir Cali Xassan ayaa magaalada Dhuus-mareeb kula kulmay Ifrah Ahmed oo ah gabar u olaleysa ka hortaga gudniinka fircooniga, xili ay booqatay hay’adda Ifrah Foundation qoyskii ay ka geeriyootay Deeqa Daahir Nuur oo sababsatay dhiig-bax ay ka dhaxashay gudniin lagu sameeyay.

Sheekh Shaakir ayaa sheegay in gud-niinka fircoonigu yahay dhibaato weyn oo bulshada ku dhax-faaftay, laakiin gaar ahaan dhibkiisa la dareemay kaddib markii ay u geeriyootay Deeqa oo aheyd gabar 10 sano jir ah.

Xubnaha ka socday Ifrah Foundation iyo Hay'ada Global Media Campaing ayaa booqday qoyskii ay ka baxday Deeqa iyaga oo ka xog wareystay sida ay wax u dhaceen, kaddib-na waxaa ay tageen oo la soo tusay xabaasha ay ku aasan tahay.

Faadumo Cismaan Cali oo ah Hooyada dhashay Deeqa ayaa sheegtay in magaca dhabta ah ee gabadheeda uu ahaa Xaawo, laakiin ay iyaga ugu yeeri jireen oo kaliya Deeqa oo ah magaca hadda war-baahintu isticmaasho.

Xamdi Maxamed waxaa ay saaxiibo ahaa-yeen Deeqa mar ay ka hadashay aqoontii ay u laheyd waxaa ay sheegtay in ay aheyd qof ay saaxiibo dhaw ahaa-yeen mar walbana  isla raaci jireen xoolaha gaar ahaan Ariga, waxey-na intaa ku dartay  in ay aad uga naxday warka ku saabsan geerideeda.

Falka ay ku dhimatay Deeqa ay naxdin ku abuuray gabdho badan oo isla-deegaan ah kuwaa oo ka cabsi qaba in ay maraan waddadii ay martay saaxiib-toodii hore Deeqa.

Sheekh Maxamed Shaakir ayaa yiri: Dhacdadan kama dhicin Dhuusa-Mareeb waxaa ay ka dhacday deeganka (LA-SOLEY) waxaana idinku boorineyna in aad karun sheegtaan sida wax u dhaceen iyo meesha ay ka dheceen-ba.

Wuxuu kaloo sheegay in arrimahan noocan oo kale ah iyo sidii looga hortagi lahaa loo saaray guddi , gaar ahaan kiiska dhimashada gabadha yar.

Taliye Booliis oo gacanta ku haya kiiskan ayaa sheegay in ay soo xireen qofkii falka gudniinka ah sameeyay, islamarkaana ay baaritaan ku wadaan.

Gudniinka ayaa ah caado dhaqameed aan raad ku laheyn shareecada Islaamka, islamarkaana dhibaato caafimaaad ku reebta marka danbe hablaha Soomaaliyeed.

C/raxmaan Diini, Hiiraan Online
[email protected]













Click here
8/20/2018 2:56 PM EST
Isniin, August, 20, 2018 (HOL) - Toddobo ka mid ah shaqaalaha gargaarka bani'aadamnimada ah ayaa sanadkan oo kaliya lagu dilay Soomaaliya, iyadoo 10 kale-na ay ku dhaawacmeen sida uu sheegay sarkaal sare oo ka tirsan hay'adda gargaarka ee Qaramada Midoobay ee Geeska Afrika.

8/20/2018 1:42 PM EST
Isniin, August, 20, 2018 (HOL)-Madaxweynaha Soomaaliya Maxamed Cabdullaahi Farmaajo ayaa ugu hambalyeeyay shacabka Soomaaliyeed munaasabadda barakaysan ee Ciidul Adxaa.

8/20/2018 10:45 AM EST
Isniin, August, 20, 2018 (HOL)-Xukuumadda Somaliland ayaa ka jawaabtay hadalo hanbajaad ahaa oo ka soo yeedhay maamulka Puntland ee Soomaaliya.

8/20/2018 7:39 AM EST
Isniin, August, 20, 2018 (HOL)-Guddoomiyaha Golaha Shacabka ee Baarlamaanka Soomaaliya Maxamed Mursal Sheekh C/raxmaan ayaa ku dhawaaqay in 10-ka bisha September uu si rasmi ah u furmi doono Kalfadhiga 4aad ee Golaha Shacabka.

8/20/2018 5:52 AM EST
Isniin, August, 20, 2018 (HOL) - Waxaa looga baahan yahay dowladda Itoobiya in ay samayso hawlgal xaqiiqo raadin ah, qoto dheer, isla markaana madax bannaan si ay uga salgaarto tacaddiyada xuquuqda aadanaha iyo jebinta xeerarka dagaalka ee sanadaha badan ka socday deegaanka Soomaalida ee bariga Itoobiya, waxaa sidaa maanta sheegtay Human Rights Watch. Waa in arintaasi ay qeyb ka noqdaan baaritaanno gaar ah oo lagu eegayo mas’uuliyadda ay tacaddiyadaasi ku leeyihiin saraakiil sarsare oo gobolkaasi ah, gaar ahaan madaxweynihii hore ee Cabdi Maxamuud Cumar iyo hogaamiyaha haatan ee ciidanka Liyu booliska, Cabdiraxmaan Cabdillaahi Burale.

8/20/2018 3:21 AM EST
Isniin, August, 20, 2018 (HOL)-Siyaasiga Cabdiraxmaan Cabdi Shakuur Warsame oo xilal kala duwan horay uga soo qabtay dowladihii isaga dan-beeyay dalka Soomaaliya, islamarkaana hadda ah guddoomiyaha Xisbiga Wadajir oo maalmihii ugu danbeeyay socdaal ku marayay dalalka dibeda ayaa warbixin guud ka ka siiyay Soomaalida ku dhaqan magaalada Toronto ee dalka Canada xaalada guud ee wadanka.

8/20/2018 1:24 AM EST
Isniin, August, 20, 2018 (HOL) - Malaayiinta Muslimiinta ah sanadkan xajinaya ayaa lagu wadaa in saacadaha soo socda ka soo anbabaxaan deegaanka Mina iyaga oo u jiheysan doona Buurta Carafo,halkaasoo lagu wado in ay ku gutaan mid ka mid ah Ruk-niyada ugu muhiimsan Xajka.

8/20/2018 1:04 AM EST
Isniin, August, 20, 2018 (HOL) -Kaddib kulan maalmihii ugu danbeeyayba uga soconayay magaalada Addis Ababa xubnaha ugu sareeya xisbiga ka arimiya dowlad deegaanka Soomaalida Itoobiya ayaa leysku afgartay in ka mid ahaanshaha xisbiga laga saaro saddex xubnood oo ku ku eedeysan in ay ka danbeeyeen rabshadii ka dhacay magaalooyinka waaweyn ismaamulka Soomaalida.

8/20/2018 12:55 AM EST
Isniin, August, 20, 2018 (HOL)–Saraakiisha Amaanka dalka Kenya ayaa sheegay in uu socdo qorsheo dhalinyarada xuduuda Kenya iyo Soomaaliya ku nool ay kaga wacyi gelinayaan ku biirida Ururka Al Shabaab.