Dowladda oo markii ugu horeysay sheegtay in xilka guddoomiyaha Bankiga dhexe loo tartamayo
Khamiis, August, 02, 2018 (HOL)-
Dowladda Soomaaliya ayaa markii ugu horeysay shaacisay in loo tartami doono
xilka guddoomiyaha Bankiga dhexe oo markii hore ku iman jiray magacaabis.
Wasiirka Wasaaradda maaliyada xukuumadda
Soomaaliya Cabdiraxmaan Ducaalle Beylle ayaa sheegay in xilkan oo muhiim u ah
dowladda doonayaan in wixii hadda ka danbeeya loo tartamo/
“ Xilka
guddoomiyaha Bangigga dhexe ee dalka xil weyn weeye, waa qalbigii waddanka cidii
soo heyn jirtay meel fiican bay soo gaarsiisay hada waxa la damcay in la
xayaysiiyo oo la doono dad u qalma cidey doonto hanoqotee oo dalka nagala saari
kara rakada maanta uu ku jiro sidaas ayaana la goostay “ ayuu yiri Wasiir
beyle.
Waxaa uu sheegay in u tartamayaasha xilkan laga
doonayo Aqoon heer Jaamacadeed ah oo la xiriirrta Dhaqaalaha iyo Xisaabaadka gaar
siisanna 12 sano oo qibrad shaqo ah, kana soo shaqeeyay Bangiyada ama Hey’adaha
dhaqaalaha ee caalamka .
Wax-yaabaha kale laga doonayo qofka raba
qabashada xilkani waxa ka mid ah inuu leeyahay hogaamin iyo xiriir wanaagsan,.
Waxaa horyaala dhisida hay’adaha Bangigga, lacagta
cusub ee dalku yeelanayo iyo waxyaaba kale oo muhiim.
Tallaabadan ayaa lagu tilmaamay mid weyn oo ay
wasaaradda maaliyadda Soomaaliya u qaaday daah furnaanta waxaana ay muujinaysa
sida ay uga go’an tahay dowladda federaalka hagaajinta maamulka maaliyadda
Soomaaliya.
C/raxmaan
Diini, Hiiraan Online
[email protected]
