9/21/2018
Today from Hiiraan Online:  _
Wararka Maanta- Axad, Aug 19, 2018
Doorashada kuraas ka bannaan Golaha Shacabka oo la qabanayo


 

Axad, August, 19, 2018 (HOL)– Guddoomiyaha Guddiga doorashooyinka Qaran Xaliimo Ismaaciil (Xaliima Yareey) ayaa ku dhawaaqday in ay bilaabeen howsha soo buuxinta saddex kursi oo ka banaan Golaha Shacabka oo lagu dooranayo Baydhabo iyo Dhuusa-mareeb.

Waxaa ay sheegtay in Kursaatan loo tartamayo labo ka mid ah doorashadooda ka dhici doonto magaalada Baydhabo, waxaana ka mid ah  kursiga uu baneeyay Taliyaha Hey’adda Nabadsugida iyo sirdoonka Qaranka Xuseen Cismaan Xuseen.

Kursiga labaad ayaa waxaa ka geeriyooday Xildhibaan lagu magacaabi Khaliif Sheekh C/llaahi oo laga soo doortay deegaanada Koofur Galbeed, horaantii sanadkan ku geeriyooday magaalada Muqdisho.

Kursiga soo haray ee saddexaad ayaa waxaa iska casilay Xildhibaan C/qaadir Gaafow Maxamuud oo lagu soo doortay Cadaado, kana mid ahaa kuraastii doorashadooda shakiga la geliyay, waxaana wararka qaar in kursigaas uu u tartamayo walaalkiis Taliyihii hore ee Nabadsugida Jen. C/llaahi Gaafoow.

Xaliimo Yareeey ayaa ku dhawaaqday in ay bilaabeen howsha soo buuxinta 3-kursi oo ka bannaan Golaha Shacabka lagu dooranay Beydhabo iyo Dhuusamareeb.

Guddiga Doorashada ayaa horay u qabtay doorashooyin kuraas ka banaanaa Golaha Shacabka, kuwaasoo doorashooyinkooda ka kala dhacay magaalooyinka Jowhar, Dhuusa-mareeb iyo Kismaayo.

C/raxmaan Diini, Hiiraan Online
[email protected]







Click here
8/19/2018 3:06 PM EST
Axad, August, 19, 2018 (HOL)-Qoraal ka soo baxay xafiiska Wasiiru-dowlaha wasaaradda Maaliyada xukuumadda Soomaaliya Maxamuud Xayir Ibraahim waxaa si KMG loogu magacaabay waaxda Canshuuraha Dekedda Muqdisho Xassan Cabdi Casiis Axmed.

8/19/2018 11:12 AM EST
Axad, August, 19, 2018 (HOL)- Abaanduulihii ciidamada xoogga dalka Soomaaliyeed Jen Cabdullaahi Cali Caanood oo uu dhawaan madaxweyne Farmaajo xilkii ka qaaday ayaa waxba kama jiraan ku tilmaamay warar soo baxay oo sheegaya in uu la goostay gadiid dagaal iyo ciidan.

8/19/2018 10:56 AM EST
Axad, August, 19, 2018 (HOL)– Iyadoo maalmihii ugu danbeeyay-ba xafiiska hanti-dhowrka guud ee dowladda Soomaaliya uu ku howlanaa daba-gal lagu sameynayo hay’addaha iyo mas’uuliyiinta dowladda oo qaarkood hadda xabsiga loo dhigay arrimo musuq-maasuq la xiriira ayaa sheegay in isla xisaabtanku gaari doono xafiis-yada madaxweynaha iyo ra’iisal wasaaraha dalka.

8/19/2018 9:55 AM EST
Axad, August, 19, 2018 (HOL)– Guddiga difaaca Puntland oo maanta saxaafadda kula hadlay magaalada Garoowe ayaa beeniyay inuu jiro heshiis laga gaaray colaada gobolka Sool,waxaana ay ku celiyeen inaysan jirin wax gorgortan ah oo ay ka galayaan deegaannada ay Soomaaliland ku sugantahay.

8/19/2018 9:38 AM EST
Axad, August, 19, 2018 (HOL)–Ra’iisal Wasaaraha xukuummadda Federaalka Soomaaliya mudane Xasan Cali Khayre ayaa xarunta taliska booliiska Soomaaliyeed kula shiray wasiirka amniga, dhammaan hay’adaha garsoorka, guddoomiyaha maxkamadda sare, xeer ilaalinta, garyaqaanka, guddoomiyaha gobalka Banaadir, taliyaha ciidamada Asluubta iyo dhammaan taliyaasha cadaaladda iyo garsoorka, taliyaha booliiska Soomaaliyeed iyo taliyaha booliiska gobalka Banaadir.

8/19/2018 8:33 AM EST
Axad, August, 19, 2018 (HOL)–Golaha Iskaashiga dowlad goboleedyada ayaa bisha soo socota isugu imaanaya shir degdeg ah, kaasoo ka dhici doona magaalada Kismaayo ee xarunta KMG ee Jubbaland.

8/19/2018 7:29 AM EST
Axad, August, 19, 2018 (HOL)–Tirada muslimiinta caalamka ka timid ee ku sugan magaalada barakaysan ee Maka ayaa lagu qiyaasay 2 milyan oo qof si ay u gutaan waajibaadka xajka, waxaana maanta bilaabmay howsha gudashada acmaasha xajka.

8/19/2018 4:09 AM EST
Axad, August, 19, 2018 (HOL)– Madaxweynaha dalka Masar,Abdel Fattah al-Sisi, ayaa saxiixay sharci lagu adkeynayo xakamaynta adeegyada internetka dalkaasi.

8/19/2018 1:29 AM EST
Axad, August, 19, 2018 (HOL)–Rugta Ganacsiga iyo Warshadaha Soomaaliyeed ayaa markii ugu horeysay ka hadashay weerarada ciidamada Kenya ku hayaan xarumaha shirkadda Is-gaarsiinta Hormuud ku laheyd gobolada Gedo iyo Jubbooyinka.

8/19/2018 12:52 AM EST
Axad, August, 19, 2018 (HOL)–Kenya ayaa sheegtay in ay baareyso saddex qof oo lagu tuhmaayo in ay ka tirsan yihiin Ururka Al-Shabaab ee ka dagaalama gudaha dalka Soomaliya.

8/19/2018 12:31 AM EST
Axad, August, 19, 2018 (HOL)–Dowladda Soomaaliya ayaa faah faahin dheeraad ah ka bixisay xariga 10 xubnood oo ka tirsanaa howlwadeennadii dekedda Muqdisho oo ku eedeysan musuq-maasuq iyo xatooyo xoolo dadweyne.