11/18/2018
Today from Hiiraan Online:  _
Wararka Maanta- Khamiis, Aug 16, 2018
Madaxweyneyaasha Soomaaliya iyo Jabuuti oo ka wada hadlay xoojinta iskaashiga iyo xiriirka labada dal



Khamiis, August, 16, 2018 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa booqasho rasmi ah oo labo cisho qaadaneysa ku tagay Jamhuuriyadda Jabuuti.

Madaxweynaha oo si heersare ah loogu soo dhaweeyay magaalada Jabuuti ayaa qasriga madaxtooyada dalkaas wadahadallo kula yeeshay dhiggiisa Jamhuuriyadda Jabuuti Mudane Ismaaciil Cumar Geelle.

Labada Madaxweyne ayaa ka arrinsaday xoojinta xiriirka walaaltinimo ee labada dal, kor u qaadista iskaashiga ku aaddan arrimaha siyaasadda, dhaqaalaha iyo guud ahaan qadiyadaha wadajirka ah ee ka dhexeeya Soomaaliya iyo Jabuuti.

Wasiiru Dowlaha Arrimaha Dibadda Xukuumadda Federaalka Soomaaliya Mudane Cabdulqaadir Axmed Cabdi ayaa sheegay in Madaxweynuhu uu bogaadiyey garab istaagga joogtada ah ee Madaxda iyo Shacabka aan walaalaha nahay ee Jabuuti ay u fidiyaan Soomaaliya, gaar ahaan xilliyadii adkaa ee uu dalku soo maray.

“Madaxweyne Farmaajo ayaa uga mahadceliyay Madaxweynaha Jabuuti kaalintii uu ka geystay nabadeynta iyo dowlad-dhisidda Soomaaliya. Sidoo kale, Dowladda Jabuuti waxa ay uga mahad-celisay Soomaaliya kaalinta ay ka qaadatay halgankii xorrnimo-doonka dalkaas.” Ayuu yiri Wasiirku.

Diblumaasiyiinta Soomaaliya ee qeybta ka ah wafdiga Madaxweynaha ayaa kulammo la yeeshay dhiggooda dalka Jabuuti, iyagoona isla meel dhigay sidii loo sii amba-qaadi lahaa heshiisyada hore ay u kala saxiixdeen labada dal.

Madaxweynaha waxaa booqashadan ku weheliya, Wasiirka Maaliyadda Xukuumadda Federaalka Soomaaliya Mudane Cabdirixmaan Ducaale Beyle, Wasiirka Arrimaha Gudaha, Dib u heshiisiinta iyo Federaalka Mudane Cabdi Maxamed Sabriye, Wasiirka Boostada iyo Isgaarsiinta Mudane Cabdi Cashuur Xasan, Wasiiru Dowlaha Arrimaha Dibadda iyo Iskaashiga Caalamiga ah Mudane Cabdulqaadir Axmed Cabdi iyo Wasiiru Dowlaha Gaashaandhigga Mudane Maxamed Cali Xagaa.

C/raxmaan Diini, Hiiraan Online
[email protected]







Click here
8/16/2018 1:43 PM EST
Khamiis, August, 16, 2018 (HOL)-Xukuummadda Federaalka Soomaaliya ayaa go’aamisay in tirakoob rasmi ah lagu sameeyo dadka ajaanibta ah ee kusoo qulqulaya gudaha dalka, si loola socdo dhaq-dhaqaaqyada ay ka samaynayaan gudaha dalka iyada oo la waafajinayo hannaanka qaxootiga iyo socdaalka ee u yaalla dunida.

8/16/2018 10:51 AM EST
Khamiis, August, 16, 2018 (HOL)- Wareegto ka soo baxday Wasiirka arrimaha gudaha maamul gobolleedka Hirshabeelle Maxamed Cali Caadle ayaa xilalkii ka qaaday guddoomiye ku-xigeennadii maaliyada degmooyinka Beledweyne, Maxaas iyo Jalalaqsi.

8/16/2018 9:45 AM EST
Khamiis, August, 16, 2018 (HOL)-Wakiilka gaar ah ee midowga Africa ee Soomaaliya Amb. Francisco Madeira ayaa boggiisa Twitter-ka ku sheegay in ay bilaabeen qorshe ay uga baxayaan Garoonka ugu weyn Soomaaliya ee Kubadda Cagta Mogadishu Stadium.

8/16/2018 7:24 AM EST
Khamiis, August, 16, 2018 (HOL)-Boqolaal bulshada Laascaanood ah ayaa tuulada Canjiid oo 16Km. waqooyi kaga quman, ku soo dhoweeyey Maxamed Xuseen Carab Gudoomiyaha cusub ee gobolka Sool.

8/16/2018 4:27 AM EST
Khamiis, August, 16, 2018 (HOL) –Maxkamada ciidamada qalabka sida ay xukun ku riday askari lagu magacaabo Cabdiraxmaan Cumar Cismaan Yariisoow oo horey uga tirsanaa ciidamada xoogga dalka Soomaaliyeed gaar ahaan qeybta 27aad ee gobolka Hiiraan.

8/16/2018 4:16 AM EST
Khamiis, August, 16, 2018 (HOL)- Madaxweynaha dowladda Soomaaliya Maxamed C/llaahi Farmaajo iyo wafdi uu hoggaaminayo ka degay goor dhaw magaalada Jabuuti ee Jamhuuriyadda dalka Jabuuti.

8/16/2018 2:11 AM EST
Khamiis, August, 16, 2018 (HOL)-Madax-weynaha dowladda Soomaaliya Maxamed Cabdullaahi Farmaajo ayaa magacaabay taliyayaal ciidan iyo waliba Agaasimaha guud ee madaxtooyada Soomaaliya.

8/16/2018 1:41 AM EST
Khamiis, August, 16, 2018 (HOL)- Madaxweynaha Maraykanka Doland Trump ayaa madaxii hore ee sirdoonka Maraykanka John Brennan ka xayuubiyey rukhsaddii uu waxyaabaha sirta ah ku daalacan karay. Madaxweyne Trump ayaa sheegay in John Brennan uu kala qeybin iyo fowdo ka dhex abuurayey maamulkiisa.

8/16/2018 1:21 AM EST
Khamiis, August, 16, 2018 (HOL)-Ciidamada xoogga dalka ayaa howlgal ka dilay 11 dagaalyahan oo ay ka mid ahaayeen xubno sar sare oo ka tirsan Ururka Al-shabaab sida laga soo xigtay saraakiisha ciidamada dowladda.

8/16/2018 1:10 AM EST
Khamiis, August, 16, 2018 (HOL)- Wararka ka imanaya Dowlad Deegaanka Soomaalida Itoobiya ayaa sheegaya in magaalada Addis Ababa looga yeeray wasiiradda, ku xigennadoodii, maareerayayaasha wakaaladaha, gudoomiyayaasha 11-ka gobol ee uu deegaanka ka kooban yahay iyo dhammaan dadka uu xilalka u magacaabay maamulkii hore ee aan shaqaalaha caadiga ahayn.

8/16/2018 12:58 AM EST
Khamiis, August, 16, 2018 (HOL)-Madax-weynaha dowladda Soomaaliya Maxamed Cabdullaahi Farmaajo iyo wafdi uu horkacayo ayaa lagu wadaa saakay in ay u dhoofaan dalka Jabuuti.