Isniin, August, 13, 2018 (HOL)– Qof u dhashay dalka Taiwan oo dalxiise ahaa ayaa lagu so waramayaa in uu dhintay kaddib markii ay qaniintay jeer xili uu sawirro isaga qaaday meel xeebra Naivasha dalka Kenya.
Ninkan ayaa ku dhintay wax yar uun kaddib
isbitaalka degmada Naivasha oo la dhigay dhaawaciisa, sidoo kale waxaa
weerarkan ka badbaaday qof kale oo dalxiise ahaa Sabtidii ina dhaaftay sida uu
sheegay qof ka tirsan hay’ad ka shaqeysa arrimaha duurjoogta.
‘’Waxaan hadda
baadi-goob ugu jiraan sidii ay ku heli laheyn jeerta weerarkan geysatay ayuu
soo dhigay boggiisa Twitter Axadii.
Jeerta ayaa inta badan laga helaan gunta hoose ee biyaha, waxaana ay ka
mid tahay xayawaanaadka waaweyn ee biyaha iyo barriga ku noolaan kara
oo ugu khatarta badan caalamka.
Hay’adda ayaa dalxiisan dhintay magaciisa ku
sheegtay Chang Ming Chuang, oo 66
jir ah, halk qof kale ee ka badbaaday uu yahay Wu Peng Te, oo 62 jir ah, waxaana ay
sheegtay in ay ka yimaadeen
Shiinaha, laakiin Wasaaradda Arrimaha Dibadda ee Taiwan ayaa sheegtay in
labadaas ay ka yimaadeen Jasiirad caalami ah.
Kenya wax xiriir ah lama laha Taiwan, waxa kaliya
oo labadan ruux sheegan kareen ayaa ah in ay ka yimaadeen dalka Shiinaha.
Safaradda Shiinaha ee fadhigeedu yahay magaalad
Nairobi
ayaa sheegtay in ay u direen goobta diblomaasiyiin ka tirsan safaaradda.
Sanadkii tagay oo kaliya Kenya waxaa ay ka heshay arrimah dalxiisa 1.2 bilyan oo
dollar, waxaana yimid oo u soo dalxiis tagay dad gaaraya 1.4. milyan.
C/raxmaan Diini, Hiiraan
Online
[email protected]