11/19/2018
Today from Hiiraan Online:  _
Wararka Maanta- Sabti, Aug 11, 2018
Imaaraadka oo dhisaya dhuun shidaalka qaada oo isku xiri doonta doona Itooiya iyo Eritrea


 

Sabti, August, 11, 2018 (HOL) – Dowladda Imaaraadka Carabta sheegtay dhisi doonta dhuumo shidaalka qaada oo isku xiri doona dalka magaalada Addis Ababa ee dalka Itoobiya iyo magaalada Asab ee dalka Ertirea.

Wakiilada Wararka Fana ayaa lagu sheegay in xogtan lagu soo bandhigay kulan ay ku yeesheen magaalada Addis Ababa ra’iisal wasaare Abiy Ahmed iyo Reem Al Hashimy oo ah wasiiru-dowlaha Iskaashiga caalamiga ah ee dalka Isku-taga Imaaraadka Carabta.

Lamaga bixin kulanka faah faahin intaa dhaafsiisan, laakiin madaxa shaqaalaha ra’iisal wasaare Abiy Ahmed oo lagu magacaabo Fitsum Arega ayaa sheegay in sidoo kale maal-gashigan uu quseyn doono dhinacyada "warshadaha, beeraha, hantida maguurtada, (iyo) dhuumaha saliida."

Tallaabadan Imaaaraadka ayaa noqoneysa mid ka mid ah caalamadaha ugu waaweyn ee saameynta dowladda Imaaaraadku ku yeelaneyso Geeska Africa.

Dowladda Imaaraadka ayaa la sheegay in kaalin-weyn oo muuqata ku laheyd wada hadaladdii lagu soo afjaray colaadii 20ka sano u dhaxeysay labada dowladood ee Itoobiya iyo Ertirea, Imaaraadku saldhig weyn militeri ayuu ku leeyahay magaalada Asab ee dalka Eritrea.

C/raxmaan Diini, Hiiraan Online
[email protected]







Click here
8/11/2018 2:30 PM EST
Sabti, August, 11, 2018 (HOL) - Warar ka imanaya Jubbaada hoose ayaa sheegaya in dagaal culus oo u dhaxeeya labo beelood uu ka dhacay deegaan Galbeed ka xiga magalada Kismaayo sida ay sheegeen wax-garadka deegaanka.

8/11/2018 10:54 AM EST
Sabti, August, 11, 2018 (HOL) - Maxkamada Sare ee dalka Kenya ayaa shalay ku amartay labo (2) hay’adood oo laga leeyahay dalka Finland in ay joojiyaan lacago ay si khaldan oo been abuurasha ah ugu bixinayeen magaca Ururka Qaranka Suxufiyiinta Soomaaliyeed ee NUSOJ.

8/11/2018 10:28 AM EST
Sabti, August, 11, 2018 (HOL)-Dowladda Soomaliya ayaa si rasmi ah u howlgalisay golaha dhaqaalaha Qaranka oo bishii July ee ina dhaaftay lagu magacaabay wareegto ka soo baxday madaxweynaha dowladda Soomaaliya.

8/11/2018 9:00 AM EST
Sabti, August, 11, 2018 (HOL)-Magaalada Jigjiga ee dowlad deegaanka Soomaalida Itoobiya waxaa maanta uu shir ku dhaxmaray saraakiil ka tirsan dowladda dhexe ee federaalka Itoobiya oo ka soo duulay magaalada Addis Ababa iyo odayaasha dhaqanka deegaanka.

8/11/2018 7:49 AM EST
Sabti, August, 11, 2018 (HOL)-Madaxweynaha Somaliland Muuse Biixi Cabdi ayaa maanta soo saaray go’aan lagu burinayo Hanti dawladdu lahayd oo shirkaddo gaar ah maamulayeen, waxaanu sheegay in dib loogu soo celiyey gacanta dawladda.

8/11/2018 5:18 AM EST
Sabti, August, 11, 2018 (HOL)-Waddada isku xirtay Balcad iyo Jowhar waa halka ugu khatarsan marka lagu safrayo dhulka, waxaana marar badan hore weerarro sababay khasaare isugu jira dhimasho dhaawac ka geystay dagaalamayaasha Al-shabaab.

8/11/2018 4:59 AM EST
Sabti, August, 11, 2018 (HOL)-Mid ka mid ah Farsasmayaqanada diyaaradaha oo si sharci darro ah u duuliyay diyaarad aan cidina saarneyn oo nuuceedu yahay Horizon Air Q400,ayaa ku dulburburtay Jasiirad ku dhow deegaanka Seattle ee gobolka Washington.

8/11/2018 2:42 AM EST
Sabti, August, 11, 2018 (HOL)-Lix ruux oo asalkoodu yahay Itoobiyaan ayaa lagu waramayaa siyaabo kala duwan loogu dilay dalka Jabuuti weerar u muuqday aargoosi, sida ay warbaahinta u sheegeen dad goob joogayaal ah.

8/11/2018 12:59 AM EST
Sabti, August, 11, 2018 (HOL)-Golaha ammaanka ee Qaramada Midoobay ayaa dalbaday in baadhitaan madax bannaan oo lagu kalsoon yahay lagu sameeyo duqayntii diyaaradaha dagaalka ee xulufada Sucuudigu ku dileen carruurta badan ee reer Yemen.