11/16/2018
Today from Hiiraan Online:  _
Wararka Maanta- Arbaco, Aug 1 , 2018
Saraakiisha dowladda oo sheegay in ay qabteen dagaalamayaal ka tirsan Al-shabaab


 

Arbaco, August, 01, 2018 (HOL)–Howlgal qorsheysnaa oo ciidamo ka tirsan dowladda Soomaaliya ka sameeyeen degmada Afgooye ee gobolka Shabeellaha hoose waxaa ay sheegeen in ay ku qabteen 11 dagaalyahanno ka tirsan xoogagga Al-shabaab.

Mid ka mid ah saraakiisha howlgalka ka qeyb-qaatay oo magaciisa ka gaabsaday lana hadlay warbaahinta ayaa sheegay in dadka lagu soo qab qabtay howlgalkan ku jiraan saraakiil Al-shabaab, isaga oo intaa raaciyay in ay sidoo kale ka mid tahay dadka ay qabteen qof dumar ah.

‘’11ka ruux ee howlgalka lagu qabtay waxaa ka mid ah qof dumar, sidoo kale waxaa ku jira madaxii maaliyada ee Al-shabaab u qaabilsanaa Afgooye ayuu yiri’’ sarkaalka u hadlay ciidamada howlgalka fuliyay.

Degmada Afgooye waxaa halka ugu badan oo ay ka dhacaan weerarrada Al-shabaab ay ku qaadaan xarumaha ciidamada dowladda iyo kuwa howlgalka midowga Africa AMISOM ee gobolka Shabeellaha hoose.

C/raxmaan Diini, Hiiraan Online
[email protected]







Click here
8/1/2018 3:08 PM EST
Arbaco, August , 01, 2018 (HOL)–Golaha Wasiiradda xukuumadda Soomaaliya oo galinkii danbe ee maanta hal diyaarad ka raacay magaalada Muqdisho ayaa caawa ku hooyanaya magaalada Garoowe ee xarunta maamul gobolleedka Puntland.

8/1/2018 1:25 PM EST
Arbaco, August , 01, 2018 (HOL)-Qaraxan oo dhacay fiidkii hore ee caawa ayaa waxaa la sheegayaa in qof walxaha qarxa ku xirnaayeen uu beegsaday gaari ay saaraayeen mas’uuliyiin ka tirsanaa maamulka Khaatumo garabka loogu yeero Badbaado Khaatumo.

8/1/2018 10:06 AM EST
Arbaco, August, 01, 2018 (HOL)-Shirkii nabadeedkii ka socday Ceel Afweyn ee lagu soo afjarayey shaqaaqo ka dhextaagnayd laba beelood oo walaalo ah oo deegaanka wada daga ayaa maanta go’aamo shareecada ku qotoma laga soo saaray.

8/1/2018 8:47 AM EST
Arbaco, August, 01, 2018 (HOL) War qoraal ah oo ka soo baxay safaarada Jabuuti ee Soomaaliya ayaa lagu sheegay in dowladda Jabuuti siweyn uga naxday hadal uu dhawaan madaxweynaha dowladda Soomaaliya Maxamed Cabdullaahi Farmaajo uu ka sheegay magaalada Asmara oo ahaa in cunaqabateynta laga qaado dalka Eritrea.

8/1/2018 3:53 AM EST
Arbaco, August, 01, 2018 (HOL)– Ra'iisul wasaaraha Soomaaliya, Xasan Cali Khayre oo booqasho ku jooga Puntland ayaa dhaleeceyn kala kulmey qaar ka mid ah isimada iyo siyaasiyiinta Puntland oo ku dhaliilay ra'iisul wasaaraha inuusan ka qeybgalin munaaasabadda lugu casuumay ee shalay lugu dhagax-dhigay dekedda Garacad iyo waddo laami oo isku xireysa deegaanka iyo degmada Galdogob.

8/1/2018 3:14 AM EST
Arbaco, August, 01, 2018 (HOL)–Wasiirka wasaaradda arrimaha dibeda dalka Jabuuti Maxamuud Cali Yuusuf oo Qoraal kooban soo dhigay boggiisa Twitter-ka ayaa wax-ba kama jiraan ku tilmaamay warar soo baxayay oo sheegaya in madaxweynaha Jabuuti booqanayo dhawaan dalka Eritrea.

8/1/2018 1:04 AM EST
Arbaco, August, 01, 2018 (HOL)–Dhibaato dhaqaale, shaqaale yari iyo waliba daruufo kale oo la soo darsay ayaa laga yaabaa ugu danbeyntii ay meesha saarto Adeega AAMIN AMBULACE ah adeeg siweyn 12kii sano ee la soo dhaafay u mahadiyeen shacabka reer Muqdisho oo ay daashadeen dagaallo iyo colaado sokeeye.

8/1/2018 12:35 AM EST
Arbaco, August, 01, 2018 (HOL)–Guddoomiyaha ganacsatada dowlad gobolleedka Jubbaland, islamarkaana ah xoghayaha rugta ganacsiga Soomaaliyeed Shaafi Raabi oo dib ugu laabtay magaalada Kismaayo ayaa sharaxaad kooban ka bixiyay wax-yaabihii ka qabsaday garoonka Aadan Cadde ee magaalada Muqdisho.