9/23/2018
Today from Hiiraan Online:  _
Wararka Maanta- Arbaco, Aug 1 , 2018
Adeega AAMIN AMBULANCE oo laga yaabo in uu is taago


 

Arbaco, August, 01, 2018 (HOL)–Dhibaato dhaqaale, shaqaale yari iyo waliba daruufo kale oo la soo darsay ayaa laga yaabaa ugu danbeyntii ay meesha saarto Adeega AAMIN AMBULACE ah adeeg siweyn 12kii sano ee la soo dhaafay u mahadiyeen shacabka reer Muqdisho oo ay daashadeen dagaallo iyo colaado sokeeye.

‘’Adeegan gurmadka deg deg ah ee AAMIN AMBULACE, waxaan soo waday muddo 12 sano ah, annaga oo caawimad ka heleyna shaqsiyaad gaar ah, laakiin hadda awoodeen-na waa ay ka baxsan tahay baahiyaha jira ayuu yiri Cabduqaadir Cabdiraxmaan Aadan oo ah aas-aasaha AAMIN ABULACE, islamarkaana dhinaca kale ah dhakhtar ku taqasusay daweynta Ilkaha.

Wuxuu sheegay isaga oo la hadlay qeybaha kala duwan ee warbaahinta in muddadii ay howshan soo wadeen gurmad caafimaad oo deg deg ah  u fidiyeen dad gaaraya 31,704 oo ay soo wajahday khataro dhinaca caafimaadka ah.

Goobaha ugu badan ee lagu arko adeegan ayaa ah meelaha ay ka dhacaan qaraxyada ay geystaan kooxaha ka soo horjeeda dowladda iyo goobaha kale ee masiibooyinka kale ee dabiicaga ka dhacaan, waxaana siweyn loogu xasuustaa gurmadkii baaxada lahaa oo ay AAMIN AMBULACE uu ka geystay dhacdadii 14kii October ee Zoobe oo ay ku nafwaayeen dad kor u dhaafaya 512 ruux, tiro kale oo ka badan 300 oo ruux.

Muqdisho ayaa ka hor adeegan dadka ay wax-yeelladu ka soo gaarto dagaallada iyo qaraxyada waxaa goobaha caafimaad lagu gaarsiin jiray Gaari-gacamo, taasoo keeni jirtay in qofkii uu dhiigbax u dhintay ka hor inta aan la gaarsiin goob caafimaad.

C/raxmaan Diini, Hiiraan Online
[email protected]







Click here
8/1/2018 3:08 PM EST
Arbaco, August , 01, 2018 (HOL)–Golaha Wasiiradda xukuumadda Soomaaliya oo galinkii danbe ee maanta hal diyaarad ka raacay magaalada Muqdisho ayaa caawa ku hooyanaya magaalada Garoowe ee xarunta maamul gobolleedka Puntland.

8/1/2018 1:25 PM EST
Arbaco, August , 01, 2018 (HOL)-Qaraxan oo dhacay fiidkii hore ee caawa ayaa waxaa la sheegayaa in qof walxaha qarxa ku xirnaayeen uu beegsaday gaari ay saaraayeen mas’uuliyiin ka tirsanaa maamulka Khaatumo garabka loogu yeero Badbaado Khaatumo.

8/1/2018 10:06 AM EST
Arbaco, August, 01, 2018 (HOL)-Shirkii nabadeedkii ka socday Ceel Afweyn ee lagu soo afjarayey shaqaaqo ka dhextaagnayd laba beelood oo walaalo ah oo deegaanka wada daga ayaa maanta go’aamo shareecada ku qotoma laga soo saaray.

8/1/2018 8:47 AM EST
Arbaco, August, 01, 2018 (HOL) War qoraal ah oo ka soo baxay safaarada Jabuuti ee Soomaaliya ayaa lagu sheegay in dowladda Jabuuti siweyn uga naxday hadal uu dhawaan madaxweynaha dowladda Soomaaliya Maxamed Cabdullaahi Farmaajo uu ka sheegay magaalada Asmara oo ahaa in cunaqabateynta laga qaado dalka Eritrea.

8/1/2018 3:53 AM EST
Arbaco, August, 01, 2018 (HOL)– Ra'iisul wasaaraha Soomaaliya, Xasan Cali Khayre oo booqasho ku jooga Puntland ayaa dhaleeceyn kala kulmey qaar ka mid ah isimada iyo siyaasiyiinta Puntland oo ku dhaliilay ra'iisul wasaaraha inuusan ka qeybgalin munaaasabadda lugu casuumay ee shalay lugu dhagax-dhigay dekedda Garacad iyo waddo laami oo isku xireysa deegaanka iyo degmada Galdogob.

8/1/2018 3:14 AM EST
Arbaco, August, 01, 2018 (HOL)–Wasiirka wasaaradda arrimaha dibeda dalka Jabuuti Maxamuud Cali Yuusuf oo Qoraal kooban soo dhigay boggiisa Twitter-ka ayaa wax-ba kama jiraan ku tilmaamay warar soo baxayay oo sheegaya in madaxweynaha Jabuuti booqanayo dhawaan dalka Eritrea.

8/1/2018 1:22 AM EST
Arbaco, August, 01, 2018 (HOL)–Howlgal qorsheysnaa oo ciidamo ka tirsan dowladda Soomaaliya ka sameeyeen degmada Afgooye ee gobolka Shabeellaha hoose waxaa ay sheegeen in ay ku qabteen 11 dagaalyahanno ka tirsan xoogagga Al-shabaab.

8/1/2018 12:35 AM EST
Arbaco, August, 01, 2018 (HOL)–Guddoomiyaha ganacsatada dowlad gobolleedka Jubbaland, islamarkaana ah xoghayaha rugta ganacsiga Soomaaliyeed Shaafi Raabi oo dib ugu laabtay magaalada Kismaayo ayaa sharaxaad kooban ka bixiyay wax-yaabihii ka qabsaday garoonka Aadan Cadde ee magaalada Muqdisho.