9/24/2018
Today from Hiiraan Online:  _
Wararka Maanta- Arbaco, Aug 1 , 2018
Shaafi Raabi : Waxaa leygu qabsaday Baasaboor-ka iyo warqadihii socdaalka ee aan sitay


 

Arbaco, August, 01, 2018 (HOL)–Guddoomiyaha ganacsatada dowlad gobolleedka Jubbaland, islamarkaana ah xoghayaha rugta ganacsiga Soomaaliyeed Shaafi Raabi oo dib ugu laabtay magaalada Kismaayo ayaa sharaxaad kooban ka bixiyay wax-yaabihii ka qabsaday garoonka Aadan Cadde ee magaalada Muqdisho.

Shaafi ayaa sheegay in waqti kooban xoriyad ka qaadis lagu sameeyay gudaha garoonka diyaaradaha magaalada Muqdisho, kaddib markii hay’addaha amaanka ugu xil saran ku qabsadeen Dukumiintiyadii uu sitay iyo Baasaboor-ka Diblomaasiga ah.

‘’Wixii ka dhacay Garoonka Aadan Cadde marabo in aan fasiraad xun sii saaro, laakiin waxaa ay aheyd dhacdo kooban oo si aan habooneyn u dhacday, waxaa leygu qabsaday Dukumiintiyadii aan sitay iyo Baasaboor-ka Dibloomaasiga ee aan wato oo ley weydiiyay sida aan ku qaatay, wati yar oo kooban ayaa-na xoriyada leyga qaaday’’ ayuu yiri guddoomiyaha Rugta gacansiga Jubbaland.

Shaafi ayaa intaa ku daray in dhamaan-ba uu tusay Dukumiintiyadii iyo aqoonsiyadii uu uga qeyb-galay shirarkii caalamiga ah ee looga hadlayay arrimaha Soomaaliya oo uu ugu danbeeyay kii lagu qabtay magaalada Brussels, hasse ahaatee aysan ku qancin saraakiisha amniga garoonka diyaaradaha.

Balse waxaa uu sheegay in markii danbe ay arinta soo fara-galiyeen Wasiiro, xildhibaanno, mas’uuliyiin ka tirsan xafiiska madaxweynaha iyo ra’iisal wasaaraha, siyaasiyiin iyo ganacsato oo sida uu hadalka u dhigay ka xumaaday waxa dhacay.

‘’Waxaan u mahad celinayaan Wasiirrada ku jira dowladda dhexe ee ka soo jeeda Jubbaland, siyaasiyiinta Soomaaliyeed iyo guud ahaanba dadkii ila soo xiriiray ee arintan ka xumaaday’’ ayuu yiri Shaafi Raabi oo la hadlayay Warbaahinta.

Hadalka guddoomiyaha rugta ganacsiga Jubbaland ayaa imanaya xili dhinaca kale Wasiirka Duulista Hawada dowladda Soomaaliya Maxamed Cabdullaahi Salaad uu shalay sheegay in aan la xirin guddoomiyaha.

C/raxmaan Diini, Hiiraan Online
[email protected]







Click here
8/1/2018 3:08 PM EST
Arbaco, August , 01, 2018 (HOL)–Golaha Wasiiradda xukuumadda Soomaaliya oo galinkii danbe ee maanta hal diyaarad ka raacay magaalada Muqdisho ayaa caawa ku hooyanaya magaalada Garoowe ee xarunta maamul gobolleedka Puntland.

8/1/2018 1:25 PM EST
Arbaco, August , 01, 2018 (HOL)-Qaraxan oo dhacay fiidkii hore ee caawa ayaa waxaa la sheegayaa in qof walxaha qarxa ku xirnaayeen uu beegsaday gaari ay saaraayeen mas’uuliyiin ka tirsanaa maamulka Khaatumo garabka loogu yeero Badbaado Khaatumo.

8/1/2018 10:06 AM EST
Arbaco, August, 01, 2018 (HOL)-Shirkii nabadeedkii ka socday Ceel Afweyn ee lagu soo afjarayey shaqaaqo ka dhextaagnayd laba beelood oo walaalo ah oo deegaanka wada daga ayaa maanta go’aamo shareecada ku qotoma laga soo saaray.

8/1/2018 8:47 AM EST
Arbaco, August, 01, 2018 (HOL) War qoraal ah oo ka soo baxay safaarada Jabuuti ee Soomaaliya ayaa lagu sheegay in dowladda Jabuuti siweyn uga naxday hadal uu dhawaan madaxweynaha dowladda Soomaaliya Maxamed Cabdullaahi Farmaajo uu ka sheegay magaalada Asmara oo ahaa in cunaqabateynta laga qaado dalka Eritrea.

8/1/2018 3:53 AM EST
Arbaco, August, 01, 2018 (HOL)– Ra'iisul wasaaraha Soomaaliya, Xasan Cali Khayre oo booqasho ku jooga Puntland ayaa dhaleeceyn kala kulmey qaar ka mid ah isimada iyo siyaasiyiinta Puntland oo ku dhaliilay ra'iisul wasaaraha inuusan ka qeybgalin munaaasabadda lugu casuumay ee shalay lugu dhagax-dhigay dekedda Garacad iyo waddo laami oo isku xireysa deegaanka iyo degmada Galdogob.

8/1/2018 3:14 AM EST
Arbaco, August, 01, 2018 (HOL)–Wasiirka wasaaradda arrimaha dibeda dalka Jabuuti Maxamuud Cali Yuusuf oo Qoraal kooban soo dhigay boggiisa Twitter-ka ayaa wax-ba kama jiraan ku tilmaamay warar soo baxayay oo sheegaya in madaxweynaha Jabuuti booqanayo dhawaan dalka Eritrea.

8/1/2018 1:22 AM EST
Arbaco, August, 01, 2018 (HOL)–Howlgal qorsheysnaa oo ciidamo ka tirsan dowladda Soomaaliya ka sameeyeen degmada Afgooye ee gobolka Shabeellaha hoose waxaa ay sheegeen in ay ku qabteen 11 dagaalyahanno ka tirsan xoogagga Al-shabaab.

8/1/2018 1:04 AM EST
Arbaco, August, 01, 2018 (HOL)–Dhibaato dhaqaale, shaqaale yari iyo waliba daruufo kale oo la soo darsay ayaa laga yaabaa ugu danbeyntii ay meesha saarto Adeega AAMIN AMBULACE ah adeeg siweyn 12kii sano ee la soo dhaafay u mahadiyeen shacabka reer Muqdisho oo ay daashadeen dagaallo iyo colaado sokeeye.